"Real" hujumchisi Krishtianu Ronalduning qiziqishlarini himoya qiluvchi Gestifute kompaniyasi 2009 yilda futbolchi zo‘rlashda ayblangani haqidagi xabarlarni inkor qildi.
"Shpigel" nashri tarqatgan xabarga ko‘ra, Ronaldu va ismi oshkor qilinmayotgan qiz o‘rtasidagi mojaro AQSHning Las-Vegas shahrida 2009 yilning 12 iyun kuni ro‘y bergan. O‘sha paytda 20 yosh bo‘lgan amerikalik qiz futbolchi o‘zini zo‘rlaginini ma’lum qilgan. Ronalduning advokati esa 2010 yilning 12 yanvar kuni u qizga 375 ming dollar miqdorida "tovon" puli to‘lagan.
"Bu ma’lumot jurnalistik fantastikada o‘zga narsa emas. Taxmin qilinayotgan jabrlanuvchi qiz o‘zini oshkor qilishdan va butun voqeani aytishdan bosh tortyapti.
Voqea syujeti tasdiqlanmagan hujjatlar asosida hikoya qilingan, qatnashuvchi tomonlar noma’lum, elektron xatlar Ronalduni himoya qilmaydigan advokatlar o‘rtasida yuborilmoqda.
Ronaldu jabrlanuvchi deb aytilayotgan qizdan bu o‘ylab topilgan xatlarni hech qachon olmagan.
Der Spiegel jurnalidagi xabar yolg‘on. Krishtianu Ronaldu bu yolg‘onga qarshi turish uchun barcha harakatlarni amalga oshiradi", - deyiladi bayonotda.
