Himoyachi Dani Alves “Barselona”da to‘p surmaydi, deya xabar qilmoqda "Marca".
Katalonlar Alvesning jamoaga futbolchi sifatida tashrif buyurishi haqida variantni ko‘rib chiqmayapti. Xavi va uning shtabi e’tiborni yosh o‘yinchilarga qaratish niyatida.
Biroq Daniga klubda birorta lavozim taklif qilinishi mumkin. Avvalroq futbolchining xizmatlari klubga taklif etilgan va Alves 1 yanvardan jamoa safiga qo‘shilishga tayyor ekani xabar qilingandi.
Alves “Barselona” 2008—2016-yillarda to‘p surgan. Ayni vaqtda futbolchi erkin agent maqomida bo‘lib turibdi.
