Канада миллий терма жамоаси Австриядаги йиғинда иштирок этадиган 24 нафар футболчидан иборат таркибини эълон қилди.

Хабарингиз бор, мазкур йиғинда Канада терма жамоаси 7 июнь куни Ўзбекистон миллий терма жамоасига қарши ўртоқлик учрашувида майдонга тушади. Канада терма жамоаси, бунгача Австрияда 3 июнь куни, шунингдек Озарбойжон терма жамоасига қарши ўртоқлик учрашувини ўтказади.

Ўзбекистон миллий терма жамоаси аввалроқ хабар берилганидек, 2 июнь куни Тошкентда Экваториал Гвинея терма жамоасига қарши ўртоқлик учрашувини ўтказади. Ушбу учрашувдан сўнг, Самвел Бабаян жамоаси Австрияга расмий ўйинлардан олдинги илк йиғинини ўтказиш учун жўнаб кетади. Канадага қарши ўртоқлик учрашуви Австриянинг Хартберг округига қарашли "Рорбах Лафниц" стадионида бўлиб ўтади.

Ушбу йиғин, ҳар иккала терма жамоа учун ҳам ЖЧ-2018 саралаш учрашувларига тайёргарлик вазифасини ўтаб беради.

Канада миллий терма жамоаси бош мураббийи Бенито Флоро томонидан Австриядаги йиғинга таклиф этилган футболчилар рўйхати:

Дарвозабонлар:

Симон Томас – "Боде Глимт", Норвегия

Милан Борьян – "Людогорец Разград", Болгария

Кенни Стаматопулос – "АИК", Швеция

Ҳимоячилар:

Ник Ледгвервуд – "Эдмонтон", Канада

Маньекар Жэйм – "Дьешдьер", Венгрия

Деян Жакович – "Шимицу С-Пульс", Япония

Давид Эдгар – "Бирмингем", Англия

Донейл Генри – "Вэст Ҳэм", Англия

Адам Стрейт – "Фредрикстадт", Норвегия

Стивен Витория – "Бенфика", Португалия

Карл В. Оуметт – "Нью Йорк Рэд Буллз", АҚШ

Марсель Де Йонг – "Оттава Фьюри", Канада

Ярим ҳимоячилар:

Юлиан де Гузман – "Оттава Фьюри", Канада

Лэин Хьюм – "Понферадина", Испания

Уилл Жонсон – "Торонто", Канада

Дэвид Хойлетт – "КПР", Англия

Тосейнт Рикеттс – жамоасиз

Майкл Петрассо – "КПР", Англия

Самуэль Пиетте – "Депортиво", Испания

Скотт Арфилд – "Бернли", Англия

Тешо Акиндели – "Даллас", АҚШ

Ҳужумчилар:

Маркус Хабер – "КРЮ", Англия

Кайл Ларин – "Орландо Сити", АҚШ

Симеон Жексон – "Блэкбурн Роверс", Англия