Ўтган мавсум бошида «Реал» сафига келиб қўшилган ёш иқтидор эгаси Асенсио Зидан учун муқобил вариант сифатида олиб келинган эди. Бироқ, Асенсио мавсумни кутилганидан ҳам юқори даражада якунлай олди.

Асенсио «Қироллик клуби» эътиборини 2015 йилдаёқ жалб этганди. Камтаргина «Мальорка» сафида порлаган Асенсиони «Реал» ўз сафига қўшиб олди ва тажриба орттириши учн «Эспаньол»га ижарага бериб юборди. «Эспаньол»да ҳам юқори савиядаги ўйинларини кўрсатишда давом этган Асенсио барибир Мадридга олиб келинди.

У учун сарфланган 3,5 миллион евро клуб раҳбариятининг омадли ва аққли қарори эканлигини тасдиқлади. «Сантяго Бернабеу»даги илк мавсумини испаниялик ярим ҳимоячи ажойиб тарзда ўтказди.

Ёш иқтидор эгаси мавсумни Испания Суперкубоги доирасида « Севилья »га урилган гол билан бошлаган бўлса, мавсумни Кардиффда ўтган Чемпионлар Лигаси финалидаги гол билан якунлади. Шунингдек, Асенсио Испания ёшлари термаси сафида яқинда бошланадиган Европа чемпионатида ҳам жамоасининг муҳим бўлагига айланишига ҳеч шубҳа йўқ.

Асенсио «Реал Мадрид»га асосий таркибдан ўрин эгаллаши мушкул эканлигини билган ҳолда келди. Аммо, мавсум мобайнида Хамес Родригес ва Лукас Вазкес каби футболчилардан ўзиб кетган ҳолда битирди.

Палма де Мальоркалик иқтидор соҳиби 2016/17 йилги мавсум “олтин давр” сифатида қолмоқда. Футболчи жамоа билан Ла Лига соҳибига айланди. Бундан ташқари Чемпионлар Лигаси, Клублар ўртасида Жаҳон чемпионати, Испания Суперкубоги каби совринларни ҳам ютиб олди. Бундан ташқари Асенсиода яқинда бўлиб ўтадиган ёшлар ўртасидаги Европа чемпионатида ҳам мавсумни юқори чўққида якунлаш имконияти бор.