Қатарнинг «Ас-Садд» клуби яримҳимоячиси Хави Эрнандес бутсаларини михга илади.
AS хабарига кўра, 37 ёшли футболчининг шартномаси 2018 йил ёзида ниҳоясига етади ва у футболчилик фаолиятини якунлайди.
«Бу менинг футболчи сифатидаги сўнгги мавсумимдир. Кейин фаолиятимни якунлайман, бироқ футболда қоламан. Мураббийлик қилмоқчиман, аммо яширмайман, бу борадаги билимларимни оширишим шарт. Тўғри, услубиётдан хабарим бор, лекин уни амалда қўллашни ўрганишим керак» - деди Хави.
Хави фаолиятини «Барселона»да бошлаб, 1995-2015 йилларда унинг таркибида ўйнаган эди. Шундан сўнг, у Қатарга кўчиб ўтди ва икки йилдан буён «Ас-Садд»да ўйнамоқда.
