Англия премьер-лигасининг яна бир жамоаси Европа чемпионлар лигасининг дастлабки ўйинида йирик ҳисобда ғалаба қозонди. "Порту" меҳмони бўлган "Ливерпуль" рақибига ҳеч қандай имконият қолдирмади.

Португалияликлар рақибнинг 5та голига бирор марта жавоб бера олишмади. Учрашувда Садьо Мане "хет-трик"га эришган бўлса, Салоҳ ва Фирмино ўз ҳисобига битта гол ёзиб қўйишди.

Мазкур ғалаба амалда Юрген Клопп жамоасини чорак финалга олиб чиқди. Жавоб ўйини 6 март куни Ливерпуль шаҳрида бўлиб ўтади.

Европа чемпионлар лигаси, 1/8 финал, дастлабки ўйин
Порту Португалия – Ливерпуль Англия 0:5 (0:2, 0:3)
Голлар: 0:1 – 25 Мане, 0:2 – 29 Салоҳ, 0:3 – 53 Мане, 0:4 – 69 Фирмино, 0:5 – 85 Мане.
Порту – Жозе Са, Рейес, Теллес, Рикарду Перейра, Маркано, Сержиу Оливейра, Эррера, Марега, Отавио (Корона, 46), Браими (Уорис, 62), Соарес (Гонсалу Пасиенсия, 74).
Ливерпуль – Кариус, Ловрен, Робертсон, Александер-Арнолд (Гомес, 79), ван Дейк, Фирмино (Ингз, 80), Милнер, Салоҳ, Вейналдум, Мане, Хендерсон (Матип, 75).