"Бавария" яримҳимоячиси Ҳамес Родригес ўз келажаги борасида фикр билдирди.
Колумбиялик 27 ёшли футболчи "Реал" билан ижара шартномасига асосан мавсум-2018/19 ни Мюнхенда ўтказади. Мавсум тугаганидан сўнг "Бавария" уни 46 млн еврога сотиб олиш ҳуқуқига эга бўлади.
"Бу ерда 2019 йилгача қолишим мумкин. Мен фақат "Бавария" ҳақида ўйлаяпман. Келажагим борасида миш-мишлар кўп бўлди. Мен "Бавария"даман ва ҳеч нарсадан ташвиш қилганим йўқ. Бу ерда ҳаммасидан розиман.
Чемпионлар лигасини ютишимиз мумкин, бу менинг мақсадим. Катта трансферларни амалга ошириш шарт эмас, биз бир жамоамиз", - дейди Ҳамес.
