Англия премьер-лигасининг 10-тури доирасидаги сўнгги ўйин "марказий баҳс" мақомида бўлди. "Тоттенхэм" ўз майдонида "Манчестер Сити"ни қабул қилиб, имкониятни бой беришди.

Гвардиола шогирдлари ҳақли ғалабани қўлга киритишди. Мезбонлар ўйин бошидаёқ хатога йўл қўйишди. "Сити" дарвозабони тепиб берган тўпни Триппьер ўзига бўйсиндира олмагани натижасида Стерлинг эгаллаб олди ва Маҳрезга аниқ узатма берди. Риёд эса имкониятдан фойдаланиб, ҳисобни очди. Жазоирлик футболчи бу голни "Лестер"нинг марҳум президентига бағишлади.

Баҳснинг қолган қисмида "шаҳарликлар" ақлли ўйин намойиш қилиб, "шпорлар"га ҳеч қандай имконият беришмади. Мезбонлар ҳужумчиси Харри Кейн бошқа футболчилардан узиб қўйилди.

Шу тариқа, "Манчестер Сити" ўз очколарини 26тага етказиб, тўплар фарқига кўра "Ливерпуль"дан олдинда бормоқда.

Англия чемпионати, 10-тур
Тоттенхэм – Манчестер Сити 0:1 (0:1, 0:0)
Гол: 0:1 – 6 Марез.
Тоттенхэм – Льорис, Триппьер, Санчес, Алдервейрелд, Дэвис, Дайер (Уинкс, 67), Дембеле (Алли, 75), Сиссоко, Ламела, Лукас Моура (Эриксен, 81), Кейн.
Манчестер Сити – Эдерсон, Уокер, Стоунз, Лапорт, Менди, Бернарду Силва, Фернандиньо, Сильва (Компани, 89), Марез (Габриэл Жезус, 90), Агуэро (де Брюйне, 71), Стерлинг.
Огоҳлантиришлар: Лукас Моура (45), Лапорт (53), Фернандиньо (61), Дэвис (90).