Мадриднинг “Атлетико” клуби бош мураббийи Диего Симоне “Реал”га қарши ўйиндан кейин фикрлари билан ўртоқлашди.
“Биз мағлубиятга учрадик, сабаби рақибимиз ишончли ўйин кўрсатди. Одатда мен ВАР тизими ҳақида гапирмайман. Ўйлайманки, ушбу тизим барча жамоаларнинг фойдасига ишлайди. Пенальти белгиланган вазиятда такрорий лавҳани кўрмадим. Умид қиламанки, ҳакамлар тўғри қарорни қабул қилишди.
Биз VAR тизими сабабли “Реал”га мағлуб бўлдик, деб ўйламайман. Рақибимиз жуда ҳам ишончли ўйин кўрсатди. Биз уларни ушбу ғалаба билан табриклаб кейинги ўйинларга тайёргарлик кўришимиз керак.
“Атлетико“ чемпионлик учун курашадими? “Барселона“нинг ўйинини кутишимизга тўғри келади”,-дейди Симоне.