Ушбу рукнимиздаги энг сўнгги янгиликлар билан таништиришда давом этамиз.
Янги Пирлонинг нархи маълум
Италиянинг «Брешиа» клубидаги ўйинлари билан барчанинг эътиборини ўзига қаратган Сандро Тонали ёзда гранд жамоалардан бирига ўтиши мумкин. Бу ҳақида бир нечта Италия нашрлари маълум қилмоқда.
«Брешиа» ҳам иқтидорли йигитчани таркибда узоқ ушлаб қолишнинг иложи йўқ эканлигини тушуниб турибди. Шу сабабли жамоа ёзда ўз етакчисини қўлга киритишни истаган клуб 50 миллион евродан кам тўламаслиги кераклигини расман тасдиқлади.
Тонали учун ёзда «Челси», «ПСЖ», «Наполи» ва «Милан» жамоалари кураш олиб бораётган бўлсада, асосий фоворит Туриннинг «Ювентус» клуби бўлиб турибди.
«Милан» янги дарвозабон қидирмоқда?!
Милан шахрининг «Милан» клуби ёзги трансфер ойнаси очилиши билан савияли дарвозабон харид қилишни режалштирмоқда. Бу ҳақида «Tuttosport» нашри маълум қилган.
«Милан» раҳбарияти ёзда Донаруммани ушлаб қолишнинг иложи йўқлигини тушуниб тургани боис, ёзда «Торино»нинг 33 ёшли киппери – Салваторе Сиригуни ўз сафига қўшиб олмоқчи.
Айни дамда Жанлуижи Доннарума билан ПСЖ, «Челси», «Реал Мадрид», «Ювнетус» сингари грандлар қизиқаётгани боис, «Милан» шартномаси тугашига бир йил қолган дарвозабонни сафда олиб қолишни истамаяпти.
Эслатиб ўтамиз, Салваторе Сиругунинг трансфер қиймати 8 миллион еврони ташкил этмоқда.
Торрес учун кимлар даъвогар?
Испаниянинг «Валенция» клуби футболчиси Ферран Торрес «Реал Мадрид» жамоаси эътиборида турибди. «Маrcа» нашрининг маълум қилишича, футболчининг ўзи «Валенция» билан янги шартнома имзолашдан бош тортган ва тезроқ жамоасини алмаштиришни истамоқда.
Аслида, мавсум бошида «Боруссия Дортмунд» ярим ҳимоячини сотиб олмоқчи эди, бироқ икки томон ўртасидаги музокарлар боши берк кўчага кириб қолгани учун трансфер амалгам ошмай қолди. Айни дамда, футболчи шартномани янгилашдан бош тортгани боис, топ клублар уни қўлга киритиш учун ишларни бошлаб юборди.
«Арсенал» Обемеянгни трансферга қўядими?
“Лондоннинг «Арсенал» жамоаси Пьер-Эмерику Обамеянг борасида якуний қарорга келди. Унга кўра клуб ўз ҳужумчисига янги ва яхшиланган шартнома таклиф қилишни режлаштирмоқда”-деб хабар бермоқда “Daily Express"
Манба берган хабарларга кўра, «кононирлар» раҳбариятига шахсан Миел Артетанинг ўзи илтимос билан мурожаат этган ва габонлик ҳужумчини жамоада сақлаб қолишни истамоқда.
30 ёшли ҳужумчи эса бу борада қарор қабул қилишга шошмаяпати. Сабаби, у келаси мавсум бошида «Реал Мадрид» ёки «Интер» жамоаларидан келиб тушадиган таклифларни ҳам кўриб чиқишни истамоқда. Футболчи юқори савияда узоқ муддат қола олмаслиги боис, каттароқ мусобақаларда зафар қучишни истамоқда.
Буффон қоладими?
Туриннинг «Ювентус» клуби ўзининг афсонавий дарвозабони билан тузилган шартномани яна бир йилга узайтиришга қарор қилди. Бу ҳақида Италиянинг бир нечта расмий нашрлари хабар бермоқда. Айни дамда дарвозабон 42 ёшда бўлишига қарамай, ўзини жуда яхши ҳис этмоқда.
Ҳозирча футболчининг янги шартнома имзолаш борасидаги қарори маълум бўлганича йўқ. «Fotbal Italia» нашри да айтилишича, барчаси футболчи ва раҳбарият ўртасида баҳорда бўлиб ўтадиган учрашувда ҳал этилади.
