Англиянинг "Манчестер Юнайтед" клуби Каталониянинг "Барселона" клуби билан франциялик ҳужумчи Усмон Дембеленинг трансфери борасида деярли келишувга эришганлиги ҳақида AS нашри хабар бермоқда.
Манбанинг ёзишига қараганда, ушбу трансфер 50-60 миллион еврони ташкил этади. Дембеленинг трансферидан тушган маблағнинг бир қисмини "Барселона" "Лион" ҳужумчиси Мемфис Депайни сотиб олиш учун сарфлайди.
23 ёшли Дембеле "Барселона" таркибида 2017 йилдан бери ўйнаб келмоқда. У "кўк-анорранглилар" таркибида 75 та учрашувда майдонга тушиб, 19 та гол киритди ва 16 та голга ассистентлик қилди. Унинг амалдаги шартномаси 2022 йилнинг ёзида якунланади.
