Бошланишига 5 кун қолган Евро-2020 турнирида ғолиб бўлиш учун номзодлар ҳар доимгидан ҳам кўпроқ. Сабаби, терма кўплаб терма жамоаларнинг даражаси бир-бириникига анча яқин, аммо барибир ҳужумкорлик масаласида 3 та терма жамоа бу мавсумда қолган жамоалардан анча кучлироқ. Ушбу 3 жамоа номи билан танишиб чиқамиз:
Португалия
Португалия терма жамоаси 5 йил аввал Евро-2016 турнирида ғолиб чиққан эди. Ўша пайтдаги таркиб анча содда ва бироз кучсизроқ эди. Криштиану Роналдунинг ва мураббийнинг тактикаларари ва омад эвазига португаллар ўшанда чемпион бўлган эди. Айни дам ўша мураббий ҳамон жамоада. Шунингдек, Роналду ҳам ҳали бу термага ёрдам бера олади. Унинг ёнида эса юлдузларга тўла таркиб. Бруно Фернандеш, Диего Жота, Андре Силва, Жаоу Феликс каби номларнинг ўзи ҳаммасини айтиб турибди, ортиқча изоҳга эса ҳожат йўқ. Камтарона таркиб билан чемпион бўла олган Португалия, юлдузлар билан ушбу совринни ҳимоя қила оладими ёки йўқми буни турнир якунида билиб оламиз.
:focal(1290x326:1292x324)/origin-imgresizer.eurosport.com/2021/05/22/3137979-64315308-2560-1440.jpg)
Франция
Франция терма жамаоси ҳар доим юлдузли таркибга эга бўлиб келган, аммо сўнгги йилларда таркиб шунчаки даҳшатли кўринишга келди. Евро-2016 ва 2018 йилги Жаҳон Чемпионатида ушбу юлдузли таркиб ўз сўзини айта олди. Евро-2016 бу жамоа омадсизлик туфайли турнирда ғолиб чиқа олмаган эди, Россиядаги мундиалда эса барибир бу юлдузлар, бу номлар ўз сўзини айтди. Айни пайтда ҳам французлар сафида ўша мундиалдаги кўплаб футболчилар мавжуд. Ҳужум чизиғида ўзгаришлар катта эмас ва Бензема каби дунё даражасидаги футболчи ниҳоят таркибга қайтди, аммо барибир ҳозир бу юлдузли таркиб ва умуман жамоа ўзининг пик даражасидан бироз пастлашни бошлади. Балки, шу пасайиш даврида ҳам улар кўп ишларга қодирдир. Мбаппе, Гризманн, Бензема, Дембеле, Жиру, Коман каби футболчиларга эга жамоадан кўп нарсани кутсак ҳам бўлаверади, аслида.
Англия
Инглизларнинг таркиби мана шу турнирда энг мукаммал таркиблардан бири ҳисобланади. Шунингдек, таркибда клублар миқёсида энг кучли чемпионатда тўп сураётган футболчилар сони анчани ташкил этади. Шундай бўлса ҳам мазкур терма жамоага нимадир етишмайди. Балки, Англия Премьер-Лигасидаги оғир мавсумдан сўнг футболчиларнинг жисмоний ҳолати бу омадсизликларга сабаб бўлар ёки бир-бирига доим қарши ўйнайдиган футболчиларни бир жамоа сифатида шакллантириш қийин масаладир. Нима бўлган тақдирда ҳам уларнинг таркиби шунчаки даҳшатли. Хужумда Харри Кейн, Маркус Решфорд, Жейдон Санчо, Раҳим Стерлинг, Фил Фоден каби ҳужум вакиллари билан Англия чемпион бўлмаса, бу улар учун омадсизлик ҳисоблади.
Мазкур расмда жамоанинг асосий ҳужумчиларининг ушбу мавсумдаги статистикалари билан танишиб чиқишингиз мумкин. Хўш, қайси терма жамоанинг ҳужум чизиғи кучлироқ?
