"Реал" ярим ҳимоячиси Лука Модрич "олтин тўп" соҳибига унинг жамоадоши, ҳужумчи Карим Бензема айланишига ишонмоқда.
“Биз ҳаммамиз нима бўлишини биламиз. Биз у учун жуда хурсандмиз. Бензема қилган ва қилишда давом этаётган барча ишлари учун "олтин тўп"га лойиқ", - дея Модрич сўзларини келтирмоқда журналист Фабрицио Романо твиттерда.
34 ёшли Бензема 2009 йилда "Реал"га ўтган эди. Жорий мавсумда у 9 та ўйинда 5 та гол урди ва голли узатмани амалга оширди. Томонлар ўртасидаги келишув мавсум охирида тугайди, бироқ шартнома яна бир йилга узайтирилади.
