Италия терма жамоаси ва "Интер"нинг собиқ ҳимоячиси Марко Матерацци ҳозирги жамоани 2010 йилги таркиб билан солиштирди.
"Бизнинг "Интер" ҳали ҳам бир оила. Бу ғалаба қозонишимизга имкон берган асосий омил эди. Ҳозирги жамоада ҳам худди шундай кўряпман. Барелла, Мартинес, Чалҳанўглу - бу ўзгаришларни амалга оширишга қодир футболчилар", - деди Матерацци Tuttomercatoweb билан суҳбатда.
Эслатиб ўтамиз, ўтган дам олиш кунлари "Интер" Чемпионлар лигаси финалида "Манчестер Сити"га қарши ўйнади. "Нерадзуррилар" 0:1 ҳисобида минимал мағлубиятга учради. А Серияда миланликлар учинчи ўринни эгаллади.
