"Ливерпуль" учун Фабиньонинг жамоани тарк этишини катта йўқотиш деса ҳам бўлади. Энди биз бу клубда ярим ҳимоянинг тўлиқ янгиланишига гувоҳ бўламиз.
The Athletic мухбири Жеймс Пирснинг сўзларига кўра, Фабиньо агар "Ал Иттиҳод"га ўтса, "Ливерпул"да бу позиция учун футболчилар рўйхати аллақачон мавжуд.
Бразилиялик ярим ҳимоячи кейинги мавсумда жамоанинг муҳим қисми бўлиши керак эди, аммо саудияликлар барча режаларни чалкаштириб юборди. Клуб бразилиялик учун 40 миллион евро таклиф олди ва футболчининг ўзи бугун Германияга мавсумолди йиғини учун бирга учмади.
Воқеалар жуда тез ривожланмоқда, аммо "қизиллар"да Фабиньони алмаштиришга тайёр бўлган даъвогарлар рўйхати бор. Пирснинг таъкидлашича, "Ливерпуль" дастлаб бразилияликнинг узоқ муддатли шартномасини кутаётган эди, аммо энди уларга дарҳол Юрген Клопп жамоасига мос келадиган футболчи керак бўлади. Натижада, улар излаётган ўйинчининг профили энди бироз ўзгариши мумкин.
Ромео Лавия ҳамон "Ливерпуль" жамоаси учун энг яхши танлов бўлиб қолмоқда, бироқ "Ливерпуль" "Саутгемптон" учун 50 миллион фунт стерлингни жуда юқори нарх деб ҳисобламоқда.
Қисқа рўйхатга "Фиорентина"дан Софьян Амрабат, "Бавария"дан Райан Гравенберх ва "Манчестер Сити"дан Калвин Филлипс ҳам киритилган.
Аммо "Брайтон" юлдузи Мойсес Кайседога жиддий вариант сифатида қаралмайди, чунки у "Челси" билан шартноманинг шахсий шартларни келишиб олган ва "қизиллар" бу борада пойгага киришмоқчи эмас.
