"Манчестер Сити" ярим ҳимоячиси Бернарду Силвага расман янги шартнома таклифини юборди, деб ёзди журналист Фабрицио Романо твиттерда. Клуб 28 ёшли португалиялик янги шартнома имзолашига ишонч билдирмоқда.
Аввалроқ Силва "Барселона"да Дембеле ўрнини эгаллаши мумкинлиги хабар қилинганди. Бироқ клуб каталонияликлар билан ҳам, аввалроқ қизиқиш билдирилган "ПСЖ" билан ҳам музокара олиб бориш ниятида эмас.
Португалиялик ярим ҳимоячининг амалдаги шартномаси 2025 йилгача мўлжалланган.
2022/23-йилги мавсумда Силва 54 та ўйин ўтказиб, 7 та гол урди ва 6 та голли узатмани амалга оширди.
