"Арсенал"нинг собиқ ҳимоячиси Уильям Галлас ўтган ёзда "Челси"дан "канонирлар" сафига 75 миллион евро эвазига кўчиб ўтган Кай Хаверцни сотиб олишнинг мақсадга мувофиқлигига шубҳа қилди.
"Айни дамда Хаверц унчалик яхши ўйин кўрсатмаяпти. У "Арсенал"га ўтганида ҳайрон бўлдим. Клуб бошқа бир футболчини сотиб олиши мумкин эди. Кайга майдонда ўзига мос позиция топиш жуда қийин. "Арсенал"нинг ўйин услуби "Челси"ники эмас, шунинг учун Хаверцга ҳозир қийин. Нима бўлган тақдирда ҳам, Кай "Арсенал"да муваффақият қозона олмайди деб ўйламайман", - деди Галлас Football Tweet билан суҳбатда.
Эслатиб ўтамиз, Галлас ўз фаолиятида "Арсенал"дан ташқари "Челси" ва "Тоттенхэм"да ҳам ўйнаган.
