«Арсенал» ярим ҳимоячиси Мартин Эдегор «ПСВ»га қарши учрашувнинг энг яхши футболчиси деб топилди.
«Канонирлар» Чемпионлар лигасини Голландия клуби устидан ишончли ғалаба (4:0) билан бошлади.
24 ёшли норвегиялик футболчи 70-дақиқада гол уриб, таблодаги якуний натижани қайд этди, учрашув бошида Букайо Сакага голли пас ҳам берди.
Ўз саъй-ҳаракатлари учун Эдегор УЕФА томонидан ўйиннинг энг яхши футболчиси совринини олди. Лондонликлар сардори нафақат иккита голда иштирок этди, балки дарвоза томон энг кўп зарба берди (Габриэль Жезус билан бирга - ҳар бири уч марта), шунингдек, муваффақиятли дриблинглар (учта) ва аниқ паслар (64) бўйича жамоа етакчисига айланди.
