"Манчестер Юнайтед" бош мураббийи Эрик тен Хаг яна Жэйдон Санчо ҳақидаги саволга тўғридан-тўғри жавоб беришдан қочди.
Англиялик футболчи асосий жамоа машғулотлари ва ўйинларидан четлаштирилди. Эслатиб ўтамиз, нидерландиялик мураббий 23 ёшли вингерни машғулотларда етарлича тиришқоқлик қилмаётганликда айблаган, бунга у ижтимоий тармоқларда танқидий пост билан жавоб берган ва шундан сўнг у четлатилган эди.
"Қизил иблислар" "Кристал Пэлас"ни мағлуб этган (3:0) Лига кубоги ўйинида журналистлар яна бир бор тен Хагдан Санчо билан боғлиқ вазият ҳақида сўрашди: "Мен мавжуд бўлмаган футболчилар ҳақида гапирмаяпман. Ҳаммаси унга боғлиқ", - деб жавоб берди мутахассис Sky Sports нашрига берган интервьюсида.
