"Тоттенхэм" ҳимоячиси Бен Дэвис Антонио Контенинг клубдаги фаолияти ҳақидаги фикрлари билан ўртоқлашди.
Италиялик мутахассис 2021 йилнинг ноябрида “шпорлар”ни қабул қилиб олганди. У жамоани Чемпионлар лигасига олиб чиқишга муваффақ бўлди, аммо кейинги мавсум у қадар муваффақиятли бўлмади ва 2023 йилнинг мартида мутахассис клубни тарк этди.
"Конте дарҳол жамоамизни ўзгартирди. Унинг қўл остида биз кучли эдик, голлар урдик, ўйинларда устунлик қилдик. Ўша пайтда ҳамма нарса ишлаган. Худди Почеттино даврида бўлгани каби бизда ўзимизга ишонч ҳисси бор эди ва баъзида ғалаба қозонишимизни олдиндан билардик. Тизим аъло даражада ишлади, биз бунга кўникиб қолдик ва унинг самарадорлигига тўлиқ ишондик", - дея Дэвиснинг сўзларини келтиради журналист Жюльен Лорен.
