"Манчестер Юнайтед" ёзда бош мураббийини алмаштириши мумкин. Миш-мишларга кўра, яқинда "Ипсвич"ни чемпионшипдан Премьер-лигага олиб чиққан Киран Маккенна "қизил иблислар"нинг радарида.
MailSport нашрига таяниб, Transfer News Live хабарига кўра, "Манчестер Юнайтед" аллақачон 38 ёшли Маккенна вакиллари билан боғланган. Аввалроқ ушбу шимолий ирландиялик мутахассис "қизил иблислар" мураббийлар штабида Жозе Моуриньо ва Оле-Гуннар Сульшер қўл остида ишлаган. Бундан ташқари, Маккенна “Манчестер Юнайтед” ёшлар жамоасини бошқарган ва клубда скаут сифатида ишлаган.
Эслатиб ўтамиз, Киран Маккенна 2021 йил декабрь ойи ўрталаридан бери "Ипсвич"га мураббийлик қилиб келади.
