"Манчестер Сити" бош мураббийи Пеп Гвардиола "Реал" ҳужумчиси Родригони ўз жамоасида кўришни жуда хоҳламоқда. Marca нашрининг хабарига кўра, бразилиялик футболчининг трансфери ойна ёпилгунга қадар амалга ошиши мумкин.
Манбанинг таъкидлашича, ҳаммаси ҳали "Реал"дан кетиш истагини билдирмаган футболчининг хоҳишига боғлиқ бўлади. Аввалроқ Родриго Килиан Мбаппе трансферидан сўнг унинг ўйин амалиёти кескин қисқариб кетишидан қўрққан эди.
Испания чемпионатининг сўнгги мавсумида Родриго 10 та гол урди ва 5 та голли узатмани амалга оширди. 23 ёшли ҳужумчи “Реал” билан икки марта Чемпионлар лигасида ғолиб чиққан.
