"Палмейрас" ҳужумчиси Витор Роке Бразилияга қайтганидан кейинги илк голини нишонлади.
Ёш ҳужумчи Испанияда ўзини кўрсата олмади ва февраль ойи охирида "Барселона" уни "Бетис"даги ижарасидан чақириб олиб, "Палмейрас"га сотди. Бугун Бразилия А Сериясида "Васко да Гама"га қарши кечган баҳсда Роке ватанига қайтганидан буён илк голини урди. Футболчининг голи "Палмейрас"га минимал ҳисобда ғалаба келтирди.
Сан-Паулу жамоаси сафида ўтказилган аввалги 12 та беллашувда Витор Роке бирор марта ҳам рақиб дарвозасини ишғол этмаганди.
"Барселона" 20 ёшли футболчининг трансферидан 25,5 млн евро ишлаб олди. У бир йил аввал Каталония гранди томонидан "Атлетико Паранаэнсе"дан 30 млн еврога сотиб олинган эди.
