"Ан-Наср" душанба куни "Ал-Ҳилол" меҳмони бўлиб, 1:3 ҳисобида мағлуб бўлди. Биринчи бўлимда гол урган Криштиану Роналду 83-дақиқада захирага олинди.
1:2 ҳисобида майдонни тарк этаётган юлдуз ҳужумчи бундан норози бўлди. Роналду сардорлик боғичини шеригига узатаётганда истеҳзоли жилмайди. "Ал-Ҳилол" эса пенальтидан учинчи голни урганида, Криштиану ўриндиқда ғалати ҳаракат қилиб, бармоқларини камерага қаратди. Ижтимоий тармоқларда мухлисларнинг фикрича, Роналду адолатсиз ҳакамликка шама қилган.
Мағлубиятдан сўнг "Ан-Наср" пешқадам "Ал-Ҳилол"дан 7 очко ортда қолмоқда.
