Kirish Ro'yxatdan o'tish
08/08 19:00 Neftchi 5-0 Qizilqum
08/08 19:30 Bunyodkor 2-3 OKMK
08/08 20:00 Nasaf 0-0 Qo‘qon-1912

Blog

Stadion.uz muxlislari

Muxlis minbari

Танлов ғолиби билан суҳбат

Баҳо:
+2; -0

Терма жамоамиз Осиё кубогида Хитойга қарши ўйин олдидан мухлис минбари блоги “Тахминий таркибни аниқланг” деб ном олган танлов ўтказган ва унда HUSANBOY терма жамоамиз бошланғич таркибини аниқ топиб, танлов ғолиби бўлди. Биз улар билан яқиндан танишиб, ушбу савол жавобларни сизга ҳам илиндик.

— Ўзингизни таништиринг.
— Каримов Хусан Маҳамаджонович.

— Қайси вилоятдансиз? Туғилган йил, ой, кунингиз.
— Фарғона шаҳри. 1984 йил 29 сентябрь.

— Касбингиз.
— Санъаткор.

— Севимли футбол клубингиз ва футболчингиз.
— “Барселона” ва Месси.

— Stadion.uz сайтида қачон рўйхатдан ўтгансиз, сиз бу сайтни қандай топгансиз?
— Адашмасам, 2011 йили январь ойида рўйхатдан ўтганман. Сайтни уфф.уз сайтидаги қолдирилган “коммент”лар орқали топганман. Ўшандан бери фақат шу сайтга кираман.

— Сайтнинг фаолиятига қандай баҳо берасиз? Салбий ва ижобий жиҳатлари.
— Сайтнинг фаолияти манга ёқади, айниқса, объектив ёндашилган мақолалари, яъни фақат хақиқат учун курашиши, ўзбек футболи ҳақида муаммоларни беркитмасдан очиқ-ойдин ёзиши. Чет эл мутахассислари томонидан биз ҳақимизда айтилган гапларни бизга етказиши (айғоқчилик қилиши) ёқади. Камчиликлари ҳар хил ёшдаги термаларимиз билан чет эл сафарларига бориб хабарларни ўшатдан туриб ёритмаслиги. Молиявий томондан бақувват эмаслиги бунга сабаб дуб ўйлайман. Юзерларни эркин фикрлашига тўсқинлик қилмасликлари, арзимаган гап учун блок қилмасликлари ёқади манга.

— Сайтни ривожлантириш учун яна қандай ишларни амалга ошириш керак деб ўйлайсиз?
— Сайтни ривожлантириш учун фақат молиявий томондан бақувват бўлган ҳомийлар ва ҳамкорлар бўлишини хоҳлардим. Шунда сайтни янада ривожланиши учун фойда бўларди.

— Терма жамоамизнинг Осиё кубогидаги ўйинларига қандай баҳо берасиз? Хитойдан учралган мағлубиятга нима сабаб бўлди деб ўйлайсиз?
— Мухлис сифатида шуни айтишим мумкинки, МТЖ ўйинларига яхши, яъни “4” баҳо берган бўлардим. Зўр ҳам эмас, ёмон ҳам. Чунки таёргарлик ҳам унақа зўр бўлмади. Хитойдан учралган мағлубият сабаби, менимча, тактик ва жисмоний томондан ютқиздик.

— Умуман, ўзбек футболини ривожлантириш учун нималарга кўпроқ эътибор бериш керак, қандай ишларни амалга ошириш керак деб ўйлайсиз?
— Ўзбек футболи ривожи учун авало ПФЛга ПРОФEССИОНАЛЛИКНИ олиб кириш керак. Регламентни ўзгартириш керак ва боқиманда клубларни, ўз-ўзини молиявий томондан таъминлайдиган қилиш керак. Ва энг асосийси, келишилган ўйинларни йўқотиш керак. Футболга алоқаси йўқ одамларни клублардан четлатиш керак ва ўрнига футболни тушунадиган, ўз касбини мутахассиси болган фидоий одамларни қўйиш керак.

— Бу йилги миллий чемпионатда, клубларимизни ОЧЛ қатнашувидан нималарни кутяпсиз?
— Клубларимиздан кўп нарса кутганим йўқ. Чунки бизнинг клублар ҳали таёр эмас зўр натижа корсатишга. Ҳеч бўлмаганда гуруҳдан чиқишларини хоҳлардим. “Бунёдкор”ни эса аввало гуруҳ босқичига йўлланма олишини хоҳлардим.

— Чемпионатимиз савиясини ошириш учун қандай ишларни амалга ошириш лозим? Жамоалар сони 16тага оширилгани фойдали томонлари борми?
— Клубларимиз сонининг 16 тага кўпайганини фойдаси бору, лекин зарариям бор. Фойдаси кўпроқ ўйин ўтказишади клубларимиз. Зарари келишилган ўйинлар кўпаяди, медаллар учун курашадиган клублардан кўра, лигада жон сақлайдиган клублар кўпаяди.

FCYUVENTUS: — Нима деб ўйлайсиз, агар Қосимов МТЖдан кетса, футболдаги ишларимиз юришиб кетади, деб ўйлайсизми?
— Пальто эскиргани билан тугмасини янгилаш ҳеч қандай наф чиқмагандай, мураббийни алмаштирган билан муаммо ҳал бўлиб қолмайди. Муаммо бориб, ПФЛга, болалар футболига бориб тақалади. ПФЛ эса ислоҳотга жуда муҳтож.

RSAIDIY: — Термамизнинг нурсиз ўйинларига кўпчилик айтгандай бош мураббий айбдорми ёки футболчиларми? Саволни бошқача қилиб берсам, оммавий ахборот воситаларида легионерларимизнинг хорижий ички чемпионат ўйинларида доимий фаол ўйнаши ҳақида бот-бот ёзилади. Аммо нега шу футболчиларимиз ҳам МТЖ таркибида баъзи ўйинларда етакчиликни қўлга ололмай, ўзлари ҳам нурсиз ўйин ботқоғига ботиб кетишади. Нега шундай? ОАВ ёлғончими ва легионерларимиз ҳақиқатан ҳам савиясизми ёки муаммо яна бош мураббийга бориб тақаляптими?
— Менимча, мурабийнинг тажрибасизлиги сабаб. ОАВ бор гапни ёзади, уларга алдашдан нима наф?

Киритилган сана: 16.01.2015 22:08. Ўкилди: 9527 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.


счётчик