Кириш Регистрация
04/12 00:30 Арсенал 2-0 Брентфорд
04/12 00:30 Брайтон 3-4 Астон Вилла
04/12 00:30 Бёрнли 0-1 Кристал Пэлас
04/12 00:30 Вулверхэмптон 0-1 Ноттингем Форест
04/12 01:15 Лидс 3-1 Челси
04/12 01:15 Ливерпуль 1-1 Сандерленд
05/12 01:00 Ман. Юнайтед 1-1 Вест Хэм
06/12 01:00 Реал Овьедо - Мальорка
06/12 17:30 Астон Вилла - Арсенал
06/12 18:00 Вильярреал - Хетафе
06/12 19:00 Сассуоло - Фиорентина
06/12 20:00 Эвертон - Ноттингем Форест
06/12 20:00 Манчестер Сити - Сандерленд
06/12 20:00 Ньюкасл - Бёрнли
06/12 20:00 Тоттенхэм - Брентфорд
06/12 20:00 Борнмут - Челси
06/12 20:15 Алавес - Реал Сосьедад
06/12 22:00 Интер - Комо
06/12 22:30 Лидс - Ливерпуль
06/12 22:30 Бетис - Барселона

Блог

Яҳёхўжа Улуғхўжаев

Tanganing ikkinchi tomoni

Ғалабага чанқоқ ва жангга шай йигитлар

Баҳо:
+0; -0

Stadion.uz “Аякс” жамоасининг янги авлоди ҳақида қисқача тўхталиб ўтади.

Голландия чемпионининг ўйинини тажрибали жангчилар(Зиеч, Тадич, Блинд, Онана, Нерез, ван Де Бек) белгилаб беришлар турган гап, бироқ “Аякс”да янги номлар ҳам йўқ эмас. Бу жамоа ўзининг иқтидорли ёшларни катта ареналарга олиб чиқишда давом этмоқда. Ҳозирча академиянинг янги битирувчилари номини эслаб қолиш қийин, бироқ бу вақтинча холат…

Карел Эйтинг

21 ёшли Карел Эйтингни олайлик. Бундан бир мавсум илгари асосий таркибга кира олмагани учун жамоани тарк этмоқчи бўлган футболчи эндиликда марказда ўйинни “ёндирмоқда”. Масалан яқиндагина ПСВга қарши учрашувда таянч ярим ҳимоячиси ўз имкониятларини барчага кўрсатиб қўйди.Учрашувни томоша қилганлар бўлса, билади. Футболчи ўйиндаги ягона голни бир ўзи ташкиллаштирди ва сўнги пасни ҳам ўзи берди. Энг қизиғи шундаки, супер иқтидор эгаси саналган Карел ҳам “Аякс”нинг асосий таркиб футболчиси эмас. Унга топширилган 8 рақамга мос бўлиши учун етарлича ўйин амалиётига эга бўлиши талаб этилади. Агарда, жамоа Карелга бундай имкониятни яратиб берса, тез орада бутун Европа бу футболчи ҳақида сўзлашни бошлайди. Ишонаверинг!

Райан Гравенберг

Майдон марказида Карелнинг ёнгинасида унданда ёшроқ яна бир футболчи жадаллик билан ўсиб бормоқда. Сезганингиздек, сўз Райан Гравенберг ҳақида бормоқда. Эндигина 17 ёшни қаршилаган фуболчи жамоа сафида энг ёш дебют қилган футболчи сифатида Зейдорфнинг рекордини тортиб олишга ҳам улгурди. Дарҳақиқат, унинг ўйин услуби ҳам голландиялик афсонавий футболчини эсалтиб юборади. Райан ҳимояга ёрдам беришда беназир. Керакли палаларда жамоаси учун учинчи ҳимоячига айланишни уддалаган футболчи ҳужумларга ҳам қўшилишга вақт томади. Унинг ҳисобида айни дамда 2 та гол бор эканлиги ҳам сўзимизга исбот бўлади. Қаҳрамонимиз юқори теҳникага эга бўлмасада, ҳайратланарли даражада жисмоний имкониятлар эгаси. Менимча, бу йигит ҳам жамоада узоқ ушланиб қолмаса керак.Сабаби, кўплаб мутахассислар уни Евро 2020да Голландия терма жамоаси либосида пайдо бўлишини таҳмин қилишмоқда.

Юрген Эккеленкамп

Бу футболчи клуб мухлислари томонидан иккинчи Яри Литманен бўлиши таҳмин қилинмоқда. Унинг ўйин услуби ҳам финландиялик футболчини эслатиб юбориши бор гап. Ишонсангиз уларнинг хатто ташқи кўриниши ҳам жуда ўхшаш. Уни Литманендан ўзиб кетиши ҳақида сўзлашга эрта, бироқ “Аякс” мураббийлари футболчини Голландия футболининг сўнгги 10 йилликдаги энг яхши футболчиси деб таъриф беришмоқда. Бундай илтифот Европада дуч келган футболчиларга ҳам кўрсатилавермайди. 19 ёшли ҳужумчи асосий таркибда оз кўринган бўлсада, гол киритишга ҳам муваффақ бўлди ва ўзига билдирилаётган кедитларни тўлиқ оқлашга тайёр эканлигини сездириб қўйди. Гол киритганидан сўнг, “Аякс”нинг ёшлар жамоаси сардорини тез-тез асосий таркибга жалб этиш бошланди. Барчаси кўнгилдагидек кетса, кўп ўтмай катта ареналарда бу йигитни учратишингиз аниқ.

Сержиньо Дест

19 ёшли йигитча аллақачон асосий жамоанинг асосий футболчиси даражасига кўтарилишга улгурди. Ўнг қанот ҳимоясида деярли барча учрашувларда майдонга тушаётган Дестнинг келажаги борасида узоқ сўзлаш мумкин. Тўғри, баъзан унда хатолар ҳам учраб туради, бироқ замонавий футболда хато қилмайдинган футболчи йўқ ҳисоб. Боз устига 19 ёшли футболчилар асосий жамоада дебют қилиш ҳақида бош қотираётган бир пайтда, Сержиньо майдонда “жавлон урмоқда”. Шунга қарамай, “Аякс”нинг янги юлдузчалари орасида у энг қиммати. Айни дамда Сержиньони қўлга киритишни истаган жамоа 12 миллио евродан воз кечиши тала этилади. Эътиборлиси шундаки, қаҳрамонимиз шахсан Роналд Кумандан таклиф бўлишига қарамай, АҚШ терма жамоасида тўп суришни авзал кўрди.

Нао Ланг

“Аякс”нинг ёшлари ҳақида сўз кетар экан, Лангни эсалб ўтмаслик мумкин эмас. Тўғри, айни дамда у жамоа сафида эмас, бироқ унинг имкониятлари жуда катта. Ўйин амалиётига эга бўлиш илинжида “Твенте” сафига бориб қўшилган. Расман "Аякс" футболчиси. 20 ёшли Нао Голландия биринчилигида хет-трик қилишга ҳам муваффақ бўлганидан сўнг, “Твенте” уни ўз сафида олиб қўлишга ҳаракат қилди, бироқ “Аякс” Наони ортга қайтаришини дарров маълум қилди. Катта эҳтимол билан келаси йил футболчи жамоа сафида тўлиқ асосий футболчи сифастида мавсумни бошлайди.

Киритилган сана: 05.02.2020 00:01. Ўкилди: 7101 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.