Кириш Регистрация
25/04 00:00 Кристал Пэлас 2-0 Ньюкасл
25/04 00:00 Ман. Юнайтед 4-2 Шеффилд Юнайтед
25/04 00:00 Эвертон 2-0 Ливерпуль
25/04 00:00 Монако 1-0 Лилль
25/04 00:00 Марсель 2-2 Ницца
25/04 19:00 Қатар 2-4 Япония
25/04 22:30 Жанубий Корея 2-2 Индонезия
25/04 23:00 Удинезе 1-2 Рома
26/04 00:00 Брайтон 0-4 Манчестер Сити
26/04 16:00 Таиланд 3-3 Тожикистон
26/04 19:00 Ўзбекистон - Саудия Арабистони
26/04 19:00 Ўзбекистон 3-3 Эрон
26/04 22:30 Ироқ - Вьетнам
26/04 23:45 Фрозиноне - Салернитана
27/04 00:00 Монпелье - Нант
27/04 00:00 Реал Сосьедад - Реал Мадрид
27/04 16:30 Вест Хэм - Ливерпуль
27/04 17:00 Лас-Пальмас - Жирона
27/04 18:00 Лечче - Монца
27/04 19:00 Ман. Юнайтед - Бёрнли
27/04 19:00 Вулверхэмптон - Лутон
27/04 19:00 Фулхэм - Кристал Пэлас
27/04 19:00 Ньюкасл - Шеффилд Юнайтед
27/04 19:15 Альмерия - Хетафе
27/04 21:00 Ювентус - Милан
27/04 21:30 Эвертон - Брентфорд
27/04 21:30 Алавес - Сельта
27/04 23:45 Лацио - Верона
28/04 00:00 Астон Вилла - Челси
28/04 00:00 ПСЖ - Гавр
28/04 00:00 Атлетико - Атлетик Бильбао

Блог

Яҳёхўжа Улуғхўжаев

Tanganing ikkinchi tomoni

Пуйол: «Мессини ёмон кўраман»

Баҳо:
+0; -0

Пуйол: «Мессини ёмон кўраман»

Stadion.uz “Барселона” жамоасининг собиқ сардори Карлес Пуйолнинг олтинга тенг иқтибослари билан таништириб ўтади.

Ўзининг биринчи қадами ҳақида
Ота-онам футболга бўлган қизиқишимга жиддий эътибор беришмаган. Улар мени катта университетлардан бирида ўқиб, доктор ёки юрист бўлишими исташган.

Ёшликдаги орзу
Тан олишим лозим, ёшлигимда ҳеч қачон профессионал футболчи бўлишни орзу қилмаганман. Шунчаки тўп тепаётганимда ўзимни бахтиёр ҳис этар эдим. Менинг ёшлигимдаги ширин хотираларимнинг барчаси тўп билан боғлиқ.

Ёшлик
Ёшлик чоғимида футболни доимо акам ва унинг дўстлари билан ўйнаганман. Улар мендан анча катта бўлишига қарамай, ҳеч қачон дарвозада туришни истамаганман. Шунга қарамай, улар дарвозага турмасам ҳеч қачон ўзлари билан тўп тепишга рухсат бермасликларини айтишгач, индамай дарвозага йўл олар эдим.

Ўз салоҳияти ҳақида
Менда Ромарионинг техникаси йўқ. Овермарснинг тезлиги ва Патрик Клювертнинг жисмоний қудрати ҳам йўқ. Шунга қарамай, мен доимо меҳнат қилишдан тўхтамайман. Бу менинг супер иқтидорим саналади. Ўзимни кечаси билан ухламай имтиҳонга тайёрланган ҳолда беш баҳо оладиган ўқувчига ўхшатаман. Бундай ўқувчилар иқтидорли бўлишмайди, лекин оғир меҳнатдан қочмагани боис доимо барча фанлардан 5 баҳо олишади.

«Барселона» — бу
“Барселона” футбол жамоаси бу Каталония миллий терма жамоаси дегани!

Омадли жамоа
Агар футболчилар ўз истакларини клубникидан пастроқ қўйишса, ғалаба ва натижалар албатта келади.

Амалга ошмаган трансфер
“Реал” Камачони бош мураббий этиб тайинлаганида, у мен ва Роналдиньони ўз жамоасида кўришни истаган эди. Улар икки бор бизни қўлга киритиш учун расмий таклиф билан чиққан, бироқ биз ўша даврда дунёнинг энг кучли клуби – “Барселона” шарафини ҳимоя қилаётган эдик. Мен доимо совринларни “Барселона” билан қўлга киритишни истаганман.

Ўтиш даври ҳақида
Мен қайта қуриш тарафдори эмасман. Шунга қарамай, мухлислар доимо омадсиз мавсумдан сўнг, янги услубда ҳаракат қилишимизни исташади. Ўйлашимча, бу нотўғри қарор. Сабаби, совринлар омадсиз мавсумларда орттирилган тажриба маҳсули саналади.

Лионель Месси ҳақида
Лео Месси - ақл бовар қилмас даражада кучли футболчи. Уни барча ёмон кўради. Мен уни ёмон кўрувчи футболчилар ичида биринчи ўринда тураман. Унинг майдонда тўп билан қандай енгил ҳаракат қилаётганини кўрсам, 100 йил машқ қилсам ҳам унинг даражасига чиқа олмаслигини англайман. Ҳа айтганча, у мени ҳам доимо машғулотларда қийнашда давом этмоқда. У оёқлари ерда маҳкам турадиган йигит. Шунинг учун ҳам узоқ муддат юқори савияда тўп суришига ишоман. У сайёрамиздаги энг кучли ҳужумчи.

Даҳо Месси
Ўйлашимча, унинг миясида қандайдир ўзгача сезги органи бор. Ўша сезги органи унга бир сония ичида вазиятдан чиқиб кетиш учун қарор чиқаришидан ёрдам беради. Бу худди барча бир сонияга музлаб қолганида, Месси ҳаракатлана олишга қодирдек ҳис уйғотади. Рақиблар қотиб қолган пайтда, Месси обдон ўйлаб олиб қарор қабул қилишга ҳам улгура олади. Бу унинг супер имкониятларидан бири.

Роналду ва Месси қарама-қаршилиги
Роналду — дунёнинг энг яхши футболчиларидан бири, бироқ Месси барибир ундан устунроқ. Улар ўртасидаги соғлом рақобат сабабли футболчилар ўсишга муваффақ бўлишган. Ўйлашимча, иккаласи ҳам бир-бирига ўзлари сезмаган ҳолда янада ривожланиш учун туртки бўлган. Уларда эркин нафас олиш учун имконият йўқ. Шундай бўлсада, мен Месси билан бир жамоада тўп сурганман ва унинг имкониятларини яхши биламан. У йилдан-йилга янада кучли бўлиб бормоқда.

Дунёдаги энг кучли мураббий
Мен учун Пеп дунёдаги энг кучли футбол мутахассиси. Сиз жамоа қандай тўп сураётганига қараб ҳам уни Гвардиола бошқараётганини дарров англаб оласиз. Мен Пеп “Манчестер Сити” билан ЕЧЛда зафар қучади деб аниқ айта олмайман, бироқ бугунги кунда улар АПЛ пойгасидан чиқиб кетишган. Шундай экан, бор эътиборни ЕЧЛга қаратишлари аниқ.

ЖЧ ғолиблиги ҳақида
Барча футболчилар мундиалда ғолиб чиқишни истайди, аммо уларнинг ҳаммасига ҳам бу насиб этавермайди. Мен кам сонли футболчилар қаторида эканлигимдан хурсандман. Шундай бўлса-да, бу ўзимни Эйфель минорасининг томида ҳис қилишим учун камлик қилади.

Жамоадошлари
Айрим жамоадошларимга ҳам дўст, ҳам мухлисман. Тўғриси, уларни нима учун ҳурмат қилишимни ҳалигача аниқ айта олмайман.

Энг ёқтирган мусобақаси
Бу сўзсиз Европа чемпионлар Лигаси! Бошқа ҳеч қандай мусобақада бундай интрига ва чемпионлик учун курашни учратмайсиз. Бу мусобақада бир бор зафар қучиш барча орзуларингиз рўёби билан баробар. Энди уч бор ЕЧЛ кубогини бош узра кўтариш қанчалар ёқмили эканини тасаввур қилиб кўринг!

Футболдаги бахт
Менга “Барселона” ва Испания терма жамоаларида тўп суриш бахти насиб этди. Мени доимо қувонтирган нарса шуки, мен икки жамоада ҳам чиройли ўйин кўрсатиб бош совринларга эга чиққанман. Бунақаси футболда ҳар куни ҳам содир бўлавермайди.

Футболдан кетиш азоби ҳақида
Бу жуда оғир ва аламли жараён. Сен аввалгидек меҳнат қилишга ҳаракат қиласан, бироқ организмнинг сенга бўйсунмаётганини англай бошлайсан. Мен доимо бор кучим билан машқ қилишга ўрганиб қолганман. Ёш ўтгандан кейин эса, барчаси сенинг қўлингда эмаслигини чуқур тушуниб етасан. Ўзингни тақдир олдида ожиз сезасан. Оқибатда, вақт ўзиникини олганини тан олишдан бошқа чоранг йўқ.

Пуйол қандай мураббий бўлмоқчи?
Мен футболчиларга тинмай тактикадан кўрсатма берувчи “кўринмас мураббий” бўлишни истамайман. Менинг устунлигим улкан тажрибамда. Бой ҳаётий ва спорт тажрибам эвазига ёш футболчиларга нафақат майдонда, балки унинг ташқарисида ҳам яхши устоз бўлишим мумкин. Мен "Ҳаёт мураббийи” сифатида шогирдларимни тўғри фикрлашни, ҳаётдаги қийинчиликларни енгиб ўтишни ва ҳиссиётларни бошқаришни ўргатмоқчиман.

Киритилган сана: 19.04.2020 01:06. Ўкилди: 1983 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.