Бугун Европа чемпионатларининг деярли барчаси тур ўйинлари ўтказилса, Англияда эса Ассоциация кубогининг 1/8 финал босқичи баҳслари ўтказилади.
"Манчестер Сити" ўз майдонида "Челси"ни қабул қилади. Бундан икки ҳафта аввал АПЛ доирасида ўтказилган ўйинда лондонликлар "Эттихад стэдиум"дан ғалаба билан қайтишганди. Бу эса "шахарликлар" ўша мағлубият учун қасос олишга ҳаракат қилишади. Ўйин соат 22:15да бошланади.
Испания чемпионатининг 24-тури доирасида пешқадамлардан "Атлетико" ва "Барселона" жамоалари ўз ўйинларини бугун ўтказишади. Мадридликлар "Вальядолид"ни қабул қилишса, "Райо Вальекано" "Камп Ноу"да меҳмон бўлади.
Бугун сайтимиз орқали қуйидаги ўйинлар матнли трансляция қилинади:
22:15. Англия кубоги, 1/8 финал. "Манчестер Сити" - "Челси"
00:00. Испания Ла-лигаси, 24-тур. "Барселона" - "Райо Вальекано"