Safarali Siddiqov
Futbol — sport qiroli!
Бу — мен билган «Пари Сен-Жермен» (2-қисм)
| Баҳо: |
+4; -0
|
Чемпионлар лигаси-1994-95 ярим финалда "ПСЖ"ни мусобақанинг амалдаги ғолиби Италиянинг "Милан" жамоаси кутиб турарди. Кўпчилик "кўк-қизиллар"нинг ЧЛ ғолиби бўлишига ишонаётганди. "Милан"нинг айни дамдаги аҳволи унчалик яхши эмас эди. Ички чемпионатда 5-ўринда бораётган жамоа ЧЛда ҳам аранг чорак финалчилар сафига илиниб қолди. Гуруҳ баҳсларида ўзининг янги тарихини яратаётган Амстердамнинг "Аякс" клуби "Милан"ни уйда ҳам, меҳмонда ҳам бир хил ҳисоб билан таслим этди — 2:0. Париждаги дастлабки ярим финал ўйинида "Милан" ўта эҳтиёткорлик билан бошлади. Хавфли вазиятлар гоҳ у жамоанинг, гоҳ бу жамоанинг дарвозаси ёнида содир этиларди. Аммо бунақа ўйинларда қандай ўйнашни биладиган "Милан" барибир омадни ўз томонига қарата олди. Футбол тарихидаги энг мустаҳкам ҳимоя чизиғига эга бўлган Италия жамоаси олдида "ПСЖ"нинг Веа ва Жиноладан иборат ҳужум тандеми ожиз қолди. Ниҳоят 90-дақиқада хорватиялик Звонимир Бобан киритган гол "Милан"га ғалаба келтирди — 1:0.
Жавоб ўйинида ҳам "Милан"нинг ҳимояси бехато ўйнади. Улар "ПСЖ"нинг ўйинини ипидан-игнасигача ўрганиб чиқишгани ярим финал баҳсларида аён бўлди-қолди. "Милан" сафидаги бошқа бир болқонлик Деян Савичевич "Сан-Сиро"да кечган баҳсда "дубль" қайд этди ва жамоасининг "ПСЖ" устидан узил-кесил ғалабасини таъминлади — 2:0.
Каторасига 3 марта Eврокубоклар ярим финалида ўйнаган "Пари Сен-Жермен" бу сафар ҳам азалий орзусига бир қадам қолганда қоқилди. Худди шунингдек, қаторасига 3-марта ЧЛ финалида ҳаракат қилаётган "Милан" эса ўзини гуруҳ баҳсида 2 марта мағлуб этган "Аякс"дан қасдини олишлари лозим эди. Дунё футболига янги-янги юлдузларни такдим этиш бўйича мутахассис бўлган амстердамликлар бу сафар ҳам чинакам истеъдод эгаларини ўз таркибларида жамлагандилар. Ҳамма "Милан" гуруҳдаги мағлубиятлар учун "Аякс"дан аламини олади деб ишониб турганда "учар голландлар бу сафар ҳам рақибларига гал бермадилар. 85-дақиқада 19 ёшли Патрик Клюйверт "Аякс"га ғалаба келтирувчи "олтин гол"ни киритди. Бу воқеа дунё футболида биргина ҳитоб билан янгради — Тотал футболнинг қайтиши!
"Пари Сен -Жермен" жамоаси ана шундан сўнг севимли жамоаларимдан бирига айланди. Бу жамоанинг ҳар бир ўйиндаги натижасидан бохабар бўлиб борардим. У пайтлар футбол трансляциялари ҳозиргидек эмас эди. Натижаларни газеталардан ёки информацион дастурлардан билиб олардим. Ўша мавсум якунлангандан сўнг "Пари Сен-Жермен"ни бир қанча етакчилар тарк этди. Жорж Веа Италиянинг "Милан" жамоаси билан шартнома имзолади. У ўша йили 1995 йилнинг энг яхши футболчисига бериладиган "Олтин тўп" мукофотини қўлга киритди. Давид Жинола Англиянинг "Ньюкасл" жамоасига ўтиб кетди. Бразилияликлар — Вальдо ва Рикардо Гомеш олдинги жамоалари "Бенфика"га қайтиб боришди. Ўз навбатида жамоага бир қанча иқтидорли футболчилар ҳам қабул қилинди. Ўтган мавсумда Франция чемпионати тўпурари, "Нант" ҳужумчиси Патрис Локо парижликлар ҳужум чизиғини кучайтирди. Бундан ташқари Лоран Фурнье, Бруно Н'Готти ("Лион" ), Стефан Мейх ("Осер" ), Юрий Жоркаефф ("Монако" ), панамалик Хулио Дели Вальдес ("Кальяри") каби ажойиб иқтидор эгалари "кўк-қизиллар"нинг янги таркибини шакллантиришди. Улар янги 1995/1996 мавсумида Кубок эгалари кубоги мусобақасида "Пари Сен-Жермен" жамоаси либосида муносиб ҳаракат қилдилар.
Парижликлар мазкур мусобақада бирин-кетин "Селтик" (Шотландия), "Парма" (Италия) жамоаларини ер тишлатиб, бу сафар ҳам ярим финалгача етиб келишди. Улар учун ўтиб бўлмас тўсиқ бўлиб келган бу босқичда Ла Коруньянинг "Депортиво" жамоаси уларга рақиблик қилди. Ҳар икки ўйинда ҳам бир хил — 1:0 ҳисоби билан зафар қозонган "Пари Сен-Жермен" ниҳоят тўртинчи уринишда финал масаласини уддалади. Финал ўйини 1996 йилнинг 8 май куни Бельгия пойтахти Брюсселда ташкил этилди. Унда "Пари Сен-Жермен" Австриянинг "Рапид" жамоасига қарши майдонга тушди. Ўйиннинг 28-дақиқасида жамоанинг янги аъзоси Бруно Н'Готти узоқ масофадан шундай зарба йўлладики...
1993 йилда Марселнинг "Олимпик" клубига ЧЛ ғолиблигини олиб берган гол муаллифи — ҳимоячи Базиль Боли 4-ракамда ҳаракат қиларди. Бу француз клублари орасида Еврокубоклардаги дастлабки муваффақият эди. Француз клубларининг Еврокубоклардаги 2-ғалабасига муаллифлик қилган "Пари Сен-Жермен" сафидаги ягона гол муаллифи Бруно Н'Готти ҳам 4-ракамда ўйнарди. Қизиқ ўхшашлик. Шундай эмасми? Ниҳоят тўртинчи уринишда "Пари Сен-Жермен" Еврокубокда ғалаба қозонишни уддалади. Бу клуб тарихидаги энг улкан муваффақият эди. Аммо бир йил олдин Чемпионлар Лигасида ғолиб бўлмагани учун ҳали забт этилмаган марралар кўпдек кўринди.
Кубок эгалари кубоги-1995/1996. Финал.
"Пари Сен-Жермен" - "Рапид" - 1:0.
Брюссель. "Кирол Бодуэн" стадиони. 30216 томошабин. 08.05.1996 й.
"Пари Сен-Жермен": Лама, Ле Гуэн, Коллетер, Н'Готти, Рош, Жоркаефф, Браво, Герен, Л.Фурнье (Льясер, 78), Раи (Дели Вальдес, 12), Локо.
Бош мураббий: Луис Фернандес.
"Рапид": Консел, Т.Иванов, Шёттель, Хатц, Хераф, Штегер, К.Штумпф (Барасич, 46), Гугги, Янкер, Кюбауэр, Марашек.
Бош мураббий: Эрнест Докупил.
Гол: Н'Готти (28).
Оҳ, ўша даврдаги футбол!.. Менинг назаримда, ҳозирги даврдаги нотенглик ҳолатидаги футболдан ўша даврдаги футбол жозибалироқ. Мавсум якунида "Пари Сен-Жермен" сафини етакчилардан бири Юрий Жоркаефф тарк этди. Миланнинг "Интер" жамоаси футболчини ўз сафига қўшиб олди. 1994 йилги жаҳон чемпиони бразилиялик Леонардо "ПСЖ" сафига келиб қўшилди. Парижликлар 1996/1997 мавсумида ҳам Кубок эгалари кубоги мусобақасида иштирок этди. Улар йўл-йўлакай "Галатасарой" (Туркия), АЕК (Греция), "Ливерпуль" (Англия) жамоаларини мағлуб этиб, бу мавсум ҳам финалгача етиб боришди. Уларнинг финалдаги рақиби таркибида бразилиялик Роналдо каби юлдузи бўлган Каталониянинг "Барселона" жамоаси эди.
Энди "Пари Сен-Жермен" учун ўз-ўзидан янги вазифа пайдо бўлди. Улар шу пайтгача ҳеч бир жамоа кетма-кет юта олмаган Кубок эгалари кубогини кетма-кет ютишлари керак. Мен юқорида бу тўғрида айтиб ўтдим. 1994 йилда "Парма"ни мағлуб этган "Арсенал" бир йил ўтиб ҳам финалда ўйнади ва Испаниянинг "Сарагоса" жамоасига ютқазди. Энди навбат "Пари Сен-Жермен"га ҳам келган эди, лекин ўйин такдирини "Барса" ҳужумчиси Роналдонинг 37-дақиқада пенальтидан киритган голи ҳал қилди. Кубок эгалари кубогини ҳеч бир жамоа кетма-кет ютмаганди, бу сафар ҳам ана шу нохуш анъана бузилмади. 1999 йилда мусобақани ўтказиш узил-кесил бекор қилинди ва Кубок эгалари кубоги кетма-кет ҳеч кайси жамоа ютолмаган дунёдаги ягона мусобақа сифатида тарихга кирди. Аммо 1997 йилда мусобақа ғолиблигини қўлга киритган "Барселона" турнирда энг кўп (4 марта) ғалаба қозонган ягона жамоа бўлиб қолди. "Барселона"нинг асосий рақиби бўлмиш "Реал" эса бу турнирни бирор марта ҳам ютмагани учун бундан кейин ҳам ҳеч қачон ютолмаслиги аниқ. "Кироллик клуби" ўзи иштирок этган мусобақалар орасида айнан ана шу турнирни ютолмаган.
Кубок эгалари кубоги-1996/1997. Финал.
"Барселона" - "Пари Сен-Жермен"-1:0.
Роттердам. "Де Куйп". 52000 томошабин. 14.05.1997 й.
Ҳакам: Маркус Мерк (Германия)
"Барселона": Витор Байа, Георге Попеску (Амор, 46), Серхи, Абелардо, Фернанду Коуту, Гвардиола, Фигу, Луис Энрике (Пицци, 89), де ла Пенья (Стоичков,85), Роналдо.
Бош мураббий: Бобби Робсон.
"Пари Сен-Жермен: Лама, Н'Готти, Доми, Ле Гуэн, Леонардо, Герен (Дели Вальдес, 69), Раи, Л. Фурнье (Альжерино, 58), Коэ, Ж. Леруа, Локо (Пуже, 78).
Бош мураббий: Рикардо Гомеш.
Гол: Рональдо (37-пенальтидан).
Француз футболида ўша пайтларда жуда кўплаб истеъдодли футболчилар етишиб чиқди. Ана шу истеъдодли ўйинчилар маҳорати эвазига Франция терма жамоаси 1998 йилда жаҳон чемпиони, 2000 йилда эса Европа чемпиони бўлди. ЖЧ-2006 даги кумуш медалда ҳам ана шу авлоднинг ҳиссаси катта эди. Франция терма жамоасига ана шундай футболчиларни етказиб берган жамоалардан бири эса "Пари Сен-Жермен" эди.
Орадан йиллар ўтди. Мен ҳамон ўша йиллардаги футболни соғиниб яшайман. Ҳа, мен "ПСЖ"ни яхши кўрардим, унга мухлислик қилардим ва ҳозир ҳам ана шу жамоанинг мухлисиман. Ҳозирги кунда "Пари Сен-Жермен" яна олдинги ҳолатига қайтмоқда. Таркибда ҳам кучли футболчилар тўпланган. Иброҳимович, Лукас Моура, Тьягу Сильва, Кавани, Матюиди, Пасторе, Верратти, Маркиньос, Максвелл, Менез каби иқтидорли йигитлар жамоанинг янги тарихини яратишга қодирлар. "ПСЖ" ҳозир Франция чемпионатида ишонч билан пешкадамлик қилмоқда, ЧЛда кейинги босқичга йўл олди. Нима бўлганда ҳам бу жамоанинг кейинги ишларига омад тилайман ва мухлислик қилишда давом этаман.
Мақолам чўзилиб кетиб, вақтингизни олган бўлсам, барчангиздан узр сўрайман. Шунчаки курган-билганларимни, чинакам мухлис сифатидаги кўрган-билганларимни баён этдим, холос. Фикрларингизни кутиб қоламан, азизларим!
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 WRBEIRQX  |
Сана: 06.08.2024 07:38. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 07:38. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 02:32. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 02:32. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 02:31. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 02:31. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 02:29. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 02:29. WRBEIRQXга ёзиш |
+0; -0
|
|
1
|
 SNAYPERS |
Сана: 03.02.2014 13:31. SNAYPERSга ёзиш |
+0; -0
|
|
0
|
МУАЛЛИФНИНГ БОШҚА МАҚОЛАЛАРИ
- Замбаракнинг ўқи
- Ғолибликнинг машаққатли йўли
- ЕЧЛ: Олтин авлодлар тўқнашуви
- ЖЧ-2018. Ғолиблик йўли
- Мундиаллар жозибаси
- Италиясиз мундиал ёхуд Швеция грандлар кушандасими?
- Бузоқнинг югургани сомонхонагачами?
- Ўта омадсиз
- Кетма-кет ЕЧЛни ютишни «Реал» уддалайдими?
- «Юве»нинг таянч қуроли
- Натижа тарихда қолади
- Эски ҳаммом, эски тос
- «Камбэк» — футбол безаги
- Сафарали Сиддиқов: ПСЖ учун муносиб жазо!
- Серхио Рамос — тўқсон-плюс
- Кимларнидир хушнуд этди бу голлар
- Шундай имкониятни бой берганмиз
- Ёлғон ғалаба!
- Бизнинг услуб
- Энг кучли футбол триолар
- Лаънати дарвоза устуни ва тўсини
- Биз финалда ўйнашимиз мумкин эди
- Бировнинг ҳақи буюрмас
- Бу — бизнинг Ватан олдидаги бурчимиз!
- Нимчорак финал охирги манзил бўлмасин
- Бу сафар «Ювентус» ютадими?
- Ярим финал жавоб ўйинлари олдидан: «Барса» кейинги босқичга чиқдими?
- Мард майдонда синалади
- Мухлислар учун ўйнанг
- Фақат футбол ўйнайлик ва томоша қилайлик!
- Истеъдодларни қандай қилиб қадрлаш мумкин?
- Қозонда бори чўмичга чиқади
- Жанубий Кореяни ютса бўлади
- Футбол лотереяси омадсизлари ёхуд Германия ва Аргентинанинг ЖЧдаги навбатдаги тўқнашуви
- ЖЧ-2014. Ярим финалда ҳам эски танишлар
- ЖЧ-2014. Чорак финал. Азалий рақиблар тўқнашуви
- Мундиални кузатиб...
- Янги технологияга катта раҳмат!
- Антиқа чемпионат
- Мундиалга боролмаган Радамель Фалькао
- «Реал» - «Атлетико» тўқнашуви: бу сафар ким ғолиб?
- Чемпион бўлолмаган «Ливерпуль» (2-қисм)
- Чемпион бўлолмаган «Ливерпуль» (1-қисм)
- ЕЧЛ финалида ким фаворит?
- Жанжалли эл-классико!
- Футбол қаҳрамонлари-2 (2-қисм)
- Футбол қаҳрамонлари-2 (1-қисм)
- Футбол қаҳрамонлари
- Бизга ҳозирча «0+3» кўринишидаги квота керак
- Бу — мен билган «Пари Сен-Жермен» (2-қисм)
- Бу — мен билган «Пари Сен-Жермен»
- 2014 йил Бразилия учун омадли келадими ёхуд 1950 йилга саёҳат
- Унутилмас учрашувлар. 2-қисм
- Унутилмас учрашувлар. 1-қисм
- «Таркибингизда сотқин йўқ экан!»
- «Барселона»нинг биринчи ғалабаси
- Капелло ва «Милан»нинг мўжизалари
- Миллат фожиаси
- Истеъдодларни қадрланг!
- Бразилияга боришимиз шарт!
- Аламзада «Марсель»нинг шонли ғалабаси
- Омад ва омадсизлик
- Дастлабки финал!
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
