Safarali Siddiqov
Futbol — sport qiroli!
Мундиални кузатиб...
| Баҳо: |
+1; -0
|
Жаҳлинг чиқса, бурнингни тишла
Уругвай-Италия ўйинида асосий қаҳрамонлар бўлиши кутилаётган Марио Балотелли ва Луис Суарес ўша куни антиқаҳрамонларга айланишди. Масалан, Балотелли керак бўлмаган жойда қоидани бузиб, карточкаларни кўпайтириб олди. Агар Италия нимчоракфиналга чиққан такдирда ҳам Балотелли ўйинни ўтказиб юборарди. Шунинг учун мураббий уни тезда алмаштирди. Марио ўша вазиятда ҳар доимгидай ўзини идора қилишни билмади. Шу футболчи, менинг назаримда, қаерда ўйнамасин фойдасидан кўра зарари кўпроқ теккан. Евро-2012 ярим финалидаги Германия терма жамоаси дарвозасига киритилган 2 та голдан бошқа Балотелли бир жойни қойиллатганини билмайман. Бу ёқда Ватан шарафи учун кўраш кетаётганда Балотелли ҳам бошқалар қатори хаёлни бир жойга қўйиб ўйнаши керак эди. 
Луис Суареснинг Кьеллинини тишлаб олиши эса ҳаммасидан ошиб тушди. Одатда, Суарес ҳам қизиққон футболчилар тоифасига киради. Ҳар кандай вазиятда ҳам асабни жиловлаб олиш керак. Бу ёқда Ватаннинг терма жамоаси муҳим учрашувда иштирок этиб турганда шундай қилиш шартми? Менимча, ўшанда Суарес жамоасини кейинги босқичга чиқишига ишонмади. Чунки Италия ҳимояда жуда аниқ ҳаракат қилаётганди. Бунақа инсонлар, назаримда, биринчи ўринда жамоа манфаатидан кўра ўз манфаатини устун кўради. Жамоасини кейинги учрашувларда қанчалик машаққатли ўйинлар кутиб турганини ҳис этмайди. 4 йилда бир марта ўтказиладиган ЖЧда шундай иш қилиб нима кераги бор?
Маркизионинг четлатилиши... Менимча, футболчилар кейинги йилларда эҳтиёткорлик нима эканини унутиб қўйишмокда. Ўшангача ҳаммаси Италия учун "беш" эди. Ўша вазиятдан кейин воқеалар ривожи 180 даражага ўзгариб кетди. Уругвай ғалабани илиб кетди. Балотелли ҳам, Маркизио ҳам, Суарес ҳам Криштиану Роналдунинг Гана терма жамоасига қарши ўйиндан кейинги аҳволини бир кўрганида яна қайтиб бу одатларини такрорламас эдиларми? Шу ўринда бутун Шарқ дунёсида машҳур бўлган бир ҳикматни эслатиб ўтишни мувофиқ деб билдим: "Курашда рақибини енгган кучли эмас, ғазаби келганда ўзини босиб олган одам кучлидир".
Тўрт оға-ини ботирлар ёхуд ниҳоят Месси уддалайдими? 
Сарлавҳани кўриб ажабланманг. Аргентина футболи тарихидаги 4 та энг яхши ўйинчининг фаолиятига бир назар ташлагим келди. Булар Марио Кемпес, Диего Марадона, Габриэль Батистута ва Лионель Месси. Тўртталаси ҳам ўз олдиларига юксак мақсадларни қўйган футболчилар. Уларнинг энг олий мақсадлари ҳам битта бўлга - жаҳон чемпиони бўлиш. Улардан айримларига бу шарафли унвон насиб этган, айримларига эса йўқ. Марио Кемпес ЖЧ-1978да муҳим голлари билан Аргентина терма жамоасини чемпионликкача етаклаб борди. 6 та гол билан ЖЧда тўпурар бўлди, мусобақанинг энг яхши футболчиси деб топилди. Кейин Диего Марадона замони келди. Унинг номи футбол тарихида олтин ҳарфлар билан ёзиладиган бўлди. Диего Марадонани ҳатто айрим ҳолларда футбол қироли Пеледан ҳам устун кўришади. ЖЧ-1986да Аргентина терма жамоасининг бош совринни қўлга киритишида Марадонанинг жуда катта ҳиссаси бор.
Кейин Марадона 2та жаҳон чемпионатида қатнашди. ЖЧ-1990да кумуш 
медални қўлга киритган бўлса, ЖЧ-1994да эса допинг назоратидан ўта олмай чемпионатдан ҳайдалди. Аммо бу орада Аргентина футболида бошқа бир футбол юлдузи бўй кўрсатди. Бу инсон ҳозирги кунгача Аргентина терма жамоасида энг сермаҳсул голеадор бўлган Габриэль Батистутадир. Батистута ЖЧ-1994да илк учрашувдаёқ Греция терма жамоаси дарвозасига хет-трик йўллади. Унинг ҳам олий мақсади жаҳон чемпионлигини қўлга киритиш эди. АҚШда ўтган ЖЧда Марадона четлатилгандан кейин терма жамоанинг ўйини буткул йўқолди. Нимчоракфиналда Аргентина Руминия терма жамоасидан шармандали тарзда маглубиятга учради - 2:3. ЖЧ-1998да ҳам "Бати-гол" ўзининг хет-трикини нишонлади. Ямайка терма жамоаси "йўл-йўллилар" томонидан 5:0 хисоби билан таслим этилди. Бу жамоанинг ҳам мақсади чемпионлик эди. Аммо чорак финалда Аргентина Голландия терма жамоасидан мағлубиятга учради - 1:2. 
ЖЧ-2002да Аргентина терма жамоаси кучли таркиб билан ташриф буюрди. Бу жамоанинг таркибини кўрган аргентиналиклар "бу таркиб 1986 йилда чемпион бўлган таркибимиздан 2-3 марта кучли" дейишгача борганди. Бироқ тақдирда ёзилгани бутунлай бошқача бўлиб чиқди. Нигерия, Англия ва Швеция терма жамоалари билан гуруҳда ҳаракат қилган Аргентина аламли тарзда чемпионатни тарк этди. Айниқса, гуруҳдаги охирги ўйин Швеция терма жамоасига қарши ўйиндан сўнг Габриэль Батистута чин кўнгилдан кўз ёш тўкди. Бу вақтга келиб футболчининг ёши ҳам 33га кириб улгурганди. Ўша чемпионат "Бати-гол" учун жаҳон чемпиони бўлиш учун охирги имконият эди. У фаолиятининг асосий қисмини Флоренциянинг "Фиорентина" жамоасида ўтказди. Флоренцияда унга ҳайкал ўрнатилган. Шундай футболчи жаҳон чемпиони бўлолмагани бутун дунёдаги футбол мухлисларини надоматга қолдирди. Ўша Швеция терма жамоасига қарши ўйиндан кейин журналистларга Батистута шу тарзда интервью берди: "Қандай ширин орзуларимиз бор эди-я!"
Аргентина футболи ҳамма жамонларда ҳам истеъдодларга бой бўлган. Батистута замони ниҳоясига етгандан кейин ЖЧ-2006да бошқа вундеркинд Лео Месси бўй кўрсатди. Бу футболчи тўғрисида ортиқча тўхталиб ўтишнинг ҳожати йўқдир. "Барселона" билан қўлга киритган титулларию, 4 марта жаҳоннинг тенгсиз футболчиси деб топилишининг ўзиёқ ҳар қандай футболчининг юксак орзуси бўла олади. Лекин унинг фаолиятида ҳам забт этилмаган чўққилар йўқ эмас. У жаҳон чемпиони унвонини қўлга киритгани йўқ. Ўшанда Месси илк учрашувдаёқ Сербия ва Черногория терма жамоаси дарвозасига тўп киритди. ЖЧ-2010да эса бирорта ҳам гол киритмай ортга қайтди. Ниҳоят, ЖЧ-2014да Месси ўзининг юксак орзуси томон катта қадам ташлади. Ниҳоят Кемпес, Марадона, Батистута ва Мессидан иборат 4 оға-ини ботирлардан "кенжа ботир"га навбат келганга ўхшайди. Аммо бунга бошқа фаворитлар рози бўлармикан? Ҳаммасини вақт кўрсатади.
Биз ҳам жаҳон чемпионатида иштирок этсак бўладими?
20-мундиалда Осиё китъаси вакиллари жуда шармандали натижа қайд этишди. Австралия гуруҳдаги 3 учрашувда ҳам мағлубиятга учради. Япония, Жанубий Корея ва Эрон 1 очко билан гуруҳларидаги сўнгги поғонада мустаҳкам ўрнашишди. Бу жудаям ёмон натижа. Дарвоқе, Эрон ва Жанубий Корея Узбекистон терма жамоасидан ЖЧ йўлланмасини тортиб олган эдими? Тортиб олган эмас, тортиб олиб беришган эди. Биз ўшанда саралаш гуруҳида 2-ўринни қўлга киритиб ЖЧга йўл олган Жанубий Корея билан бир хил - 14 очко жамғардик. Бу 14 очкони ҳеч кимнинг кўмагисиз ўз кучимиз билан қўлга киритганимиз қувонарли ҳол. Аммо Жанубий Кореяга ҳар доимгидай ҳакамлар ва ОФК ёрдамга етиб келди десам, ажабланманг. Масалан, Қатар-Жанубий Корея ўйинида 1:1 ҳисоби қайд этилиб турганда, учрашув ҳаками то корейслар ғалаба тўпини киритгунча ўйинни тухтатмади-ей. Ниҳоят ўйинга қўшиб берилган 8-дақиқада (!) Жанубий Корея ғалаба тўпини киритса денг. Ливан-Жанубий Корея ўйинида ҳам корейслар ўйиннинг охирги дақиқаларида 0:1 ҳисобида ютқазишаётганди. Бу сафар ҳакам ўйиндаги тўхталишлар учун 7 дақиқа қўшиб берди ва корейслар мағлубиятдан қутулиб қолишди.
Энг қизиғи, ОФК ҳам бу вазиятлар юзасидан текширув ишларини ҳам олиб бормади. Уларга ҳам Жанубий Кореянинг ЖЧда иштирок этиши лозим бўлса керак. Япония терма жамоаси ҳам кимларнингдир ёрдами билан мундиалда иштирок этди десак муболаға бўлмайди. Япония-КХДР ўйинида 0:0 ҳисоби қайд этилиб турганда ўйинга қўшиб берилган 6-дақиқада японлар гол урди. Агар ўша гол бўлмаганда биз ҳозирги чемпионатда Японияни кўрмасдик. Ана энди не-не умидлар билан жаҳон чемпионати ўйинларига юборилган жамоаларининг аҳволини бир кўринг. ОФК вакиллари чемпионатда иштирок этган барча конфедерациялар жамоалари орасида энг паст натижани қайд этишди. Қайд этишганда ҳам ўйинларда ранг-баранглик йўқ, ўша эски ҳаммом, эски тос, ғашингизни келтиради, холос. Ўз қобиғига ўралиб қолиш дейди бунинг отини. Ўзлари кўра била туриб юқоридаги камчиликларга йўл очиб бераётган қитъа футболида ривожланиш қаёқдан бўлсин?! Биз бу ёқда неча йилдан буён ЖЧ ҳақидаги орзумизни "қўшик" қилиб ётибмиз. Қитъанинг бошқа жойларида ҳам истеъдодлар йўқ эмас. Қани, ўшаларга йўлни кенг очиб берсин, фақат Япония билан Жанубий Кореяга ёпишиб олмай. Ўзлари хоҳлаб ЖЧга олиб борган терма жамоаларининг аҳволини кўрдик, мана.
Булар жаҳон чемпионатида тажрибаси катта жамоалар деб бошқа жойларнинг футболини ўлдиравериш ёвузликнинг ўзгинасидир. Япония ва Жанубий Корея зўр бўлса, марҳамат, ҳалол курашда, хеч кимнинг ёрдамисиз ЖЧ йўлланмасини қўлга киритсин. Бу ёқда бизга ўхшаганлар янаги ЖЧнинг саралаш ўйинларини кутиб қолавермайлик. Хуллас, жаҳон чемпионати-2014да ўта нурсиз ўйин намойиш этган Осиё жамоаларининг аҳволи шу. Келгуси жаҳон чемпионатида ҳам шу каби камчиликларга йўл қўйилса, бундан-да хунук натижалар қайд этилади. Осиё жамоалари ҳар доимгидай итнинг кейинги оёғига ўхшаб қолаверадилар. Биз эса Жаҳон чемпионатига қатнашолмадик деб бармоғимизни тишлаб қолаверамиз. Ана шунинг учун инсофни ҳар кимга Ўзи берсин-да биз ниҳоят жаҳон чемпионатида тезрок иштирок этайлик деб қоламан.
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 WRBEIRQX  |
Сана: 06.08.2024 04:48. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 04:48. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 04:45. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 04:45. WRBEIRQXга ёзиш |
+0; -0
|
|
1
|
 MANREDUZ  |
Сана: 28.06.2014 19:58. MANREDUZга ёзиш |
+0; -0
|
|
0
|
 RAYXASXUS |
Сана: 28.06.2014 17:58. RAYXASXUSга ёзиш |
+0; -0
|
|
0
|
 DINAZAVR |
Сана: 28.06.2014 15:58. DINAZAVRга ёзиш |
+0; -0
|
|
0
|
МУАЛЛИФНИНГ БОШҚА МАҚОЛАЛАРИ
- Замбаракнинг ўқи
- Ғолибликнинг машаққатли йўли
- ЕЧЛ: Олтин авлодлар тўқнашуви
- ЖЧ-2018. Ғолиблик йўли
- Мундиаллар жозибаси
- Италиясиз мундиал ёхуд Швеция грандлар кушандасими?
- Бузоқнинг югургани сомонхонагачами?
- Ўта омадсиз
- Кетма-кет ЕЧЛни ютишни «Реал» уддалайдими?
- «Юве»нинг таянч қуроли
- Натижа тарихда қолади
- Эски ҳаммом, эски тос
- «Камбэк» — футбол безаги
- Сафарали Сиддиқов: ПСЖ учун муносиб жазо!
- Серхио Рамос — тўқсон-плюс
- Кимларнидир хушнуд этди бу голлар
- Шундай имкониятни бой берганмиз
- Ёлғон ғалаба!
- Бизнинг услуб
- Энг кучли футбол триолар
- Лаънати дарвоза устуни ва тўсини
- Биз финалда ўйнашимиз мумкин эди
- Бировнинг ҳақи буюрмас
- Бу — бизнинг Ватан олдидаги бурчимиз!
- Нимчорак финал охирги манзил бўлмасин
- Бу сафар «Ювентус» ютадими?
- Ярим финал жавоб ўйинлари олдидан: «Барса» кейинги босқичга чиқдими?
- Мард майдонда синалади
- Мухлислар учун ўйнанг
- Фақат футбол ўйнайлик ва томоша қилайлик!
- Истеъдодларни қандай қилиб қадрлаш мумкин?
- Қозонда бори чўмичга чиқади
- Жанубий Кореяни ютса бўлади
- Футбол лотереяси омадсизлари ёхуд Германия ва Аргентинанинг ЖЧдаги навбатдаги тўқнашуви
- ЖЧ-2014. Ярим финалда ҳам эски танишлар
- ЖЧ-2014. Чорак финал. Азалий рақиблар тўқнашуви
- Мундиални кузатиб...
- Янги технологияга катта раҳмат!
- Антиқа чемпионат
- Мундиалга боролмаган Радамель Фалькао
- «Реал» - «Атлетико» тўқнашуви: бу сафар ким ғолиб?
- Чемпион бўлолмаган «Ливерпуль» (2-қисм)
- Чемпион бўлолмаган «Ливерпуль» (1-қисм)
- ЕЧЛ финалида ким фаворит?
- Жанжалли эл-классико!
- Футбол қаҳрамонлари-2 (2-қисм)
- Футбол қаҳрамонлари-2 (1-қисм)
- Футбол қаҳрамонлари
- Бизга ҳозирча «0+3» кўринишидаги квота керак
- Бу — мен билган «Пари Сен-Жермен» (2-қисм)
- Бу — мен билган «Пари Сен-Жермен»
- 2014 йил Бразилия учун омадли келадими ёхуд 1950 йилга саёҳат
- Унутилмас учрашувлар. 2-қисм
- Унутилмас учрашувлар. 1-қисм
- «Таркибингизда сотқин йўқ экан!»
- «Барселона»нинг биринчи ғалабаси
- Капелло ва «Милан»нинг мўжизалари
- Миллат фожиаси
- Истеъдодларни қадрланг!
- Бразилияга боришимиз шарт!
- Аламзада «Марсель»нинг шонли ғалабаси
- Омад ва омадсизлик
- Дастлабки финал!
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
