Кириш Регистрация
25/04 00:00 Кристал Пэлас 2-0 Ньюкасл
25/04 00:00 Ман. Юнайтед 4-2 Шеффилд Юнайтед
25/04 00:00 Эвертон 2-0 Ливерпуль
25/04 00:00 Монако 1-0 Лилль
25/04 00:00 Марсель 2-2 Ницца
25/04 19:00 Қатар 2-4 Япония
25/04 22:30 Жанубий Корея 2-2 Индонезия
25/04 23:00 Удинезе 1-2 Рома
26/04 00:00 Брайтон 0-4 Манчестер Сити
26/04 16:00 Таиланд - Тожикистон
26/04 19:00 Ўзбекистон - Саудия Арабистони
26/04 19:00 Ўзбекистон - Эрон
26/04 22:30 Ироқ - Вьетнам
26/04 23:45 Фрозиноне - Салернитана
27/04 00:00 Монпелье - Нант
27/04 00:00 Реал Сосьедад - Реал Мадрид
27/04 16:30 Вест Хэм - Ливерпуль
27/04 18:00 Лечче - Монца
27/04 19:00 Ман. Юнайтед - Бёрнли
27/04 19:00 Вулверхэмптон - Лутон
27/04 19:00 Фулхэм - Кристал Пэлас
27/04 19:00 Ньюкасл - Шеффилд Юнайтед
27/04 19:15 Альмерия - Хетафе
27/04 21:00 Ювентус - Милан
27/04 21:30 Эвертон - Брентфорд
27/04 21:30 Алавес - Сельта
27/04 23:45 Лацио - Верона
28/04 00:00 Астон Вилла - Челси
28/04 00:00 ПСЖ - Гавр
28/04 00:00 Атлетико - Атлетик Бильбао

Блог

Сафарали Сиддиқов

Футбол — спорт қироли!

Фақат футбол ўйнайлик ва томоша қилайлик!

Баҳо:
+2; -0

Ҳасанали Қодировнинг сайтда эълон қилинган охирги мақоласи нақадар долзарб эканлигини барчамиз ҳис этиб турибмиз. Дарҳақиқат, нафақат ўзимизда балки бутун дунёда ҳам футбол ҳозирда кимларгадир яхшигина фойда келтирадиган даромад манбаига айланган. Хоҳ қонуний бўлсин, хоҳ ноқонуний бўлсин. Футболчининг иқтидори, унинг жамоа учун қилган хизматлари иккинчи даражада. Бизнес оламидаги пойгада ютқазилмаса бас. Тўғрисини айтсам, бундан 20 йиллар илгариги футбол ҳозиргига қараганда анча томошабоп десам ишонаверинг. У пайтлар футбол мухлислар учун ўйналарди. Ҳозир эса...

Ўшанда Ромарио, Р.Бажжо, Абеди Пеле, Веа, Жинола, Ван Бастен, Гуллит, Маттеус, Клинсманн каби футбол усталари кўрсатган чиройли ўйинлардан олам-олам завқ олардик. Стадионга ташриф буюрган мухлислар ҳақиқий жангга гувоҳ бўлишарди. Инглизларнинг оламга совғаси бўлмиш Футбол аталмиш санъат бугунги кунга келиб, афсуски, кимларнингдир чўнтагини қаппайтирадиган воситага айланди. Спортнинг орқасидан пул топишни мақсад қилган ўша корчалон футболчининг Яратган инъом этган истеъдодидан ёки мухлислар ишончидан шундай усталик билан фойдаланадики, ҳайратдан ёқа ушлайсан киши. "Арсенал" ниҳоят 10 йил деганда соврин ютди. Унгача жамоанинг мақсади фақат бизнес соҳасида муваффақиятга эришиш бўлди деса ҳам бўлади. "Канонирлар" сафига бу 10 йил оралиғида қанчадан-қанча футболчилар келиб-кетишмади, дейсиз.

Лекин эрта-индин бошқа клубга сотиб юборишларини ҳис этиб ўйнаган футболчи қаёқдан ҳам жамоасига соврин олиб бериш учун курашсин. Эммануэл Адебайор "Монако"дан "Арсенал"га 4 миллион эвазига келганди. Айни кучга тулган палласи 25 миллионга "Манчестер Сити"га сотиб юборилди. Ёки "Арсенал" учун мутлақо текинга тушган Сеск Фабрегас "Барселона"га 40 миллионга пулланди. Ана даромаду мана даромад. Франк Рибери ҳозирда "Бавария"нинг етакчилардан. У ҳам шу пайтгача топ клублардан ("Бавария" топ-клуб эмасми?) тушадиган таклифни кута-кута Мюнхен клубида муқим жой топди. Ўшанда "Бавария"нинг раҳбарларидан бири Ули Хёнесснинг матбуот орқали айтган мана бу гапи ниҳоятда ўринли бўлди: "Эртага "Реал" ёки "Барселона"га ўтишни орзу қилиб ўйнайдиган футболчи секин портлайдиган бомбага ўхшайди. Риберига жавоб беринглар. Биз келажакда Мюнхенда шундай жамоа барпо этамизки, футбол оламида ҳамма чўққиларни забт эта олади". Унинг сўзларини исботи сифатида 2013 йилда "Бавария" Чемпионлар Лигасини ютди. Ана шу футболчилардан тузилган Германия терма жамоаси эса 2014 йилда жаҳон чемпиони бўлди.

Мен буни ҳеч иккиланмай айтишим мумкинки, немисларда бошқа нарсага эмас, фақат футболга асосий эътибор қаратилганининг маҳсули бўлди. Бизнес дунёси шундай оламки, у қурбонлар талаб қилади. Бир нарсангдан кечмасанг, ҳеч қачон ишинг юришмайди. Мадриднинг "Реал" клуби ана шу бизнес дунёсида ютқазмаслик учун асосий футболчиларидан бири Анхель ди Марияни "МЮ"га сотиб юборди. Ди Мария "Реал" учун қанча хизматлар қилмасин, унинг иқтидори қанчалик юксак бўлмасин, аммо муҳими бу эмас. Хамес ва Кроосга тўланган маблағ қопланиши билан бирга клуб бундан қанча фойда кўради, ахир? Бир йил муқаддам 100 миллионга тушган Гарет Бэйл "Реал"нинг ғазнасини бўшатиб қўйди, дейсизми? Йўқ! Флорентино Переснинг мана интервьюси сўзимизни анча тасдиқлайди: "Биз 100 миллионга Бэйлни олганимиз билан 120 миллионга футболчи сотдик". Ана бизнес! Месут Ўзил ва Гонсало Игуаин ҳам бир Бэйл қилган ишни бажара олишар, лекин муҳими бу эмас. Муҳими бозор иқтисодиёт талаблари олдида оқсаб қолмаслик. Бунақа мисолларни кўплаб келтириш мумкин.

Шахсан менга жамоа мухлисларининг суюклисига айланган, футболни жон-дилидан севадиган, Ватани учун жонини фидо қилишга тайёр бўладиган футболчилар ёқади. Ўзимизда ҳам футболчиларимизни жуда ёшлигидан хорижга юборишдан наф йўқми дейман-да. Ундан кўра ўзимизнинг чемпионатни кучайтиришни ўйлайлик. Ахир ОЧЛда 4 та клубимиз ўйнайди. Бунинг учун биринчи навбатда чемпионат ўйинларидан отинг ўчгур коррупция деган иллатни супуриб ташласак, ҳаммаси жойига тушади. Бундан 20 йиллар илгари бизда ҳам футбол бошқача эди. Ҳозир ҳаммамиз орзу қилаётганимиз футбол ўшанда Ўзбекистонда мавжуд эди десам, ишонаверинг. Стадионлар ҳам мухлислар билан тўлиб-тошарди. 1996 йилги чемпионатда "Навбаҳор" -"Янгиер" (5:1) ўйинига кирган томошабин чемпионатимиз тарихидаги бирорта ўйинда кузатилмаган бўлса керак. Осиё чемпионатида чиройли ўйин кўрсатган, "Бунёдкор" - "Ал-Жазира" ўйинининг энг яхши футболчиси Сардор Рашидов ҳозирча хорижга кетмагани маъкул, менимча.

Осиё Чемпионлар Лигасида юртимиз шарафини муносиб ҳимоя қилинса, менимча, ана шунинг ўзи хориж клуби захира ўриндиғини банд қилиб ўтиришдан минг марта афзал. Ахир бир эмас, 4 та жамоамиз ОЧЛнинг гуруҳ боскичида иштирок этади. Бу ёкда бизнинг жамоаларимиз араблардан "калтак" еб ётишсаю, у ёқда хориж клубларининг захира ўриндиғидан етакчи ишончли футболчиларимиз “мустаҳкам” ўрин олишса. Албатта алам қилади.

Мен мақоламнинг аввалини бежизга ўтган асрнинг 90-йилларидаги футболни эслашдан бошладим. Сўзимнинг исботи сифатида мана бу видеотасвирни томоша қилинг ва завқ олинг деб қоламан.

Киритилган сана: 18.02.2015 14:02. Ўкилди: 10071 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


SHUHRATXOJA
Сана: 27.02.2015 18:45. SHUHRATXOJAга ёзиш
+0; -0
:coolsmile: :exclaim:

Ушбу фикрга жавобан

NORAKA
Сана: 18.02.2015 16:06. NORAKAга ёзиш
+0; -0
Кеча Бунёдкорни ўйинини кўриб қанча хурсанд бўлган бўлсам,бугун 5000 дан ортиқ футбол мухлисини билет йўқлиги туфайли стадионга киролмаганига шунча хафа бўлдим.Бунақаси фақат бизда бўлса керак.Нималар бўлаяпти ўзи.Боқимандалик шунчаликка олиб келдими.

Ушбу фикрга жавобан

ILHOMBEKT
Сана: 18.02.2015 15:19. ILHOMBEKTга ёзиш
+0; -0
Жудаям Огрикли Мавзу. ОЧЛда клубларимизга омад тилаймиз.

Ушбу фикрга жавобан

SHAMSHER
Сана: 18.02.2015 15:06. SHAMSHERга ёзиш
+0; -0
Футболимиз ривожи оғриқли мавзу

Ушбу фикрга жавобан

BBOZOROV
Сана: 18.02.2015 14:56. BBOZOROVга ёзиш
+0; -0
Футболимиз ривожи учун биз мухлислар нима килишимз мумкин? хурматли макола муаллифи макола яхши чикибди.

Ушбу фикрга жавобан

UZBEKISTONIM
Сана: 18.02.2015 14:24. UZBEKISTONIMга ёзиш
+0; -0
Зўр чиқибди.Рахмат муаллиф.

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.