Кириш Регистрация
21/12 00:45 Верона 0-1 Милан
21/12 01:00 Жирона 3-0 Вальядолид
21/12 17:30 Астон Вилла 2-1 Манчестер Сити
21/12 18:00 Хетафе 0-1 Мальорка
21/12 19:00 Торино 0-2 Болонья
21/12 20:00 Брентфорд 0-2 Ноттингем Форест
21/12 20:00 Ипсвич 0-4 Ньюкасл
21/12 20:00 Вест Хэм 1-1 Брайтон
21/12 20:15 Сельта 2-0 Реал Сосьедад
21/12 22:00 Женоа - Наполи
21/12 22:30 Кристал Пэлас - Арсенал
21/12 22:30 Осасуна - Атлетик Бильбао
22/12 00:45 Лечче - Лацио
22/12 01:00 Барселона - Атлетико
22/12 16:30 Рома - Парма
22/12 18:00 Валенсия - Алавес
22/12 19:00 Фулхэм - Саутгемптон
22/12 19:00 Лестер - Вулверхэмптон
22/12 19:00 Ман. Юнайтед - Борнмут
22/12 19:00 Эвертон - Челси
22/12 19:00 Венеция - Кальяри
22/12 20:15 Реал Мадрид - Севилья
22/12 21:30 Тоттенхэм - Ливерпуль
22/12 22:00 Аталанта - Эмполи
22/12 22:30 Леганес - Вильярреал
22/12 22:30 Лас-Пальмас - Эспаньол

Блог

Сафарали Сиддиқов

Футбол — спорт қироли!

Италиясиз мундиал ёхуд Швеция грандлар кушандасими?

Баҳо:
+0; -0

Биз Италияни йирик мусобақаларнинг фаворити сифатида билардик. Бу юрт вакилларига қарши қайси мамлакат терма жамоаси ўйнамасин, албатта, алоҳида тайёргарлик билан майдонга тўшарди. Турли йилларда бу мамлакат футболида Паоло Росси, Чезаре Мальдини, Паоло Мальдини, Роберто Баджо каби дунё даражасидаги футболчилар етишиб чиққан.

ЖЧ-2018 саралашида ҳам Италия ёмон ўйнамади. Жампьеро Вентура ҳам таркибни ёмон шакллантирмаётганди. Таркибда бир қанча янги иқтидорли ёшларни кўрдик. Улар келгусида ўз устида купроқ ишласалар Апеннин ярим оролида янги Буффон, Мальдини ва Баджолар етишиб чиқса не ажаб?

Гуруҳ босқичида Италияни Испания терма жамоаси синовдан ўтказди. Сўнгги йилларнинг энг кучли жамоалардан бири испанлар Италияни гуруҳда қолдириб кетди. Улар ҳақиқатан ҳам Италиядан бир бош устун эди. "Реал" ва "Барселона"нинг етакчи футболчиларидан тузилган Испания гуруҳда ҳақли равишда биринчи ўринни эгаллади. Италия плей-оффда кучини кўрсатиши аниқ эди. Уларнинг рақиблари Швеция термаси Златан Ибрагимовичсиз қолган бўлса ҳам анойи жамоа эмасди. Швеция терма жамоаси Златан Ибрагимович етакчилигида ЖЧ-2010 ва ЖЧ-2014 саралашидан ўтолмади. Улар охирги марта ЖЧ-2006 мундиалида иштирок этишган.

Швеция терма жамоаси азалдан ҳам грандлар учун ноқулай рақиб бўлиб келган. Эсингизда бўлса, 2002 йилда Япония ва Жанубий Кореяда ўтган ЖЧда Швеция Аргентинани йиғлатганди. Энди Италиянинг бошига шу кунни солди. Ўша Аргентинага қарши ўйин худди кечаги Италияга қарши ўйиннинг кўчирилган нусхаси деса ҳам бўлади. Чунки аҳамияти жиҳатидан иккала ўйин ҳам ҳаёт-мамот жангги эди. Қизиғи, ўша ўйинда Швецияни дуранг натижа қаноатлантирарди.

Аргентина терма жамоаси эса мусобақа фаворитларидан бири эди. Улар саралаш босқичини юз фоизлик натижа билан якунлаган, мундиалга эса фақат ва фақат чемпионликни мақсад қилишганди. Мундиалдаги дастлабки баҳсда Нигерия терма жамоаси мағлуб этилди. Иккинчи ўйинда эса Англияга кичик ҳисобда имконият бой берилди — 0:1. Охирги тур олдидан Англия ва Швецияда 4 очко, Аргентинада 3 очко бор эди.

Швецияга қарши баҳсни ҳам Аргентина ҳужумлар ёмғири остида ўтказди. Аммо ҳимояни икки қатор қўйиб олган Швеция терма жамоаси аргентиналик юлдузларнинг орзуларини яксон қилди. 59-дақиқада шведлар ярим ҳимоячиси Андерс Свенссон жарима тўпини қойилмақом ижро этди ва Аргентинанинг аҳволи янада қийинлашди. Ахир бундан бу ёғига уларни дуранг ҳам қаноатлантирмасди. Ҳимояга ётиб олган Швеция дарвозаси 88-дақиқага келиб ишгғол этилди. Эрнан Креспо аргентиналиклар учун умид яратиб берди. Бирок 1:1 ҳисоби ўйинда якуний натижа бўлиб қолди. Аргентина мундиални гуруҳ босқичида якунлади. Таркиб эса ҳакикатан ҳам чемпион бўладиган таркиб эди. Ўша учрашувда кимлар майдонга тушгани билан танишинг.

ЖЧ- 2002. Гуруҳ босқичи
Аргентина – Швеция - 1:1
Рифу (Япония). "Мияги" стадиони. 45777 томошабин. Ҳакам — Али Бусайим (БАА)
Аргентина: Кавальеро, Сорин(Верон, 63), Почеттино, Самуэль, Шамот, Альмейда (Кили Гонсалес, 63), Дзанетти, Аймар, Клаудио Лопес, Батистута(Креспо, 59), Ортега.
Бош мураббий: Марсело Бьелса
Швеция: Хедман, Мёльберг, Мьялбю, Якобссон, Лучич, Линдерот, Александерссон, А. Свенссон(Юнссон, 68), М. Свенссон, Ольбак( А. Андерссон, 46), Х. Ларссон(Ибрагимович, 88).
Бош мураббий: Томми Сёдерберг
Голлар: Креспо (88) — А.Свенссон (59).
Ноаниқ пенальти: Ортега (88)

Кўриб турганингиздек, Швеция ўшанда чемпионлик учун асосий даъвогарлардан бирини мундиалдан маҳрум килганди. Италия терма жамоаси ҳам охиригача курашди. Лекин Швеция терма жамоасининг ҳимояси бехато ўйнади.

Уч жаҳон чемпионатидан бери омади юришмаётган "Скуадро адзурра"га 2006 йилги жаҳон чемпионлиги хайрли келмаган кўринади. ЖЧ-2010 ва ЖЧ-2014 мундиалларида Италия терма жамоаси гуруҳда қолиб кетганди. Энди эса мундиалдан ҳам қуруқ қолди. Аммо "А" сериядаги интрига муҳитидан шуни англаймизки, бу мамлакатда ҳали истеъдодлар талайгина. Улар ҳали катта мусобақаларда ўзларини кўрсатишади. Бунга шубҳа йўқ! Айникса, терма жамоанинг ЖЧсиз қолиши бутун мамлакат футболини ларзага келтиргани табиий. Ана шунинг учун итальянлар энди ҳаммасини "ноль"дан бошлайдилар. Бу аниқ! Янги-янги Баджолар, Тоттилар, Мальдинилар, Пирлоларни кўрамиз ҳали. Шу ўринда ЖЧ йўлланмасини Златан Ибрагимовичсиз ҳал этган Швеция терма жамоасига ҳам омадлар тилаймиз!

Сафарали Сиддиқов

Киритилган сана: 21.11.2017 18:23. Ўкилди: 6390 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.