Кириш Регистрация
04/11 00:45 Интер 1-0 Венеция
04/11 01:00 Атлетик Бильбао 1-1 Бетис
04/11 19:00 Ал-Васл 1-1 Ас-Садд
04/11 21:00 Ал-Аҳли (СА) 5-1 Аш-Шорта
04/11 21:00 Персеполис 1-1 Ал-Ғарафа
04/11 22:30 Эмполи 1-0 Комо
04/11 22:30 Парма 0-1 Женоа
04/11 23:00 Ал-Ҳилол 3-0 Истиқлол
05/11 00:45 Лацио 2-1 Кальяри
05/11 01:00 Сельта 1-0 Хетафе
05/11 01:00 Фулхэм 2-1 Брентфорд
05/11 13:00 Сентрэл Кост - Шангхай Шенхуа
05/11 15:00 Кавасаки Фронтале - Шангхай Порт
05/11 15:00 Виссел Кобе - Квангжу
05/11 17:00 Жоҳор Дорул Таъзим - Ульсан Хёндэ
05/11 19:00 Пахтакор - Ар-Райян
05/11 23:00 Ан-Наср (СА) - Ал-Айн

Блог

Сафарали Сиддиқов

Футбол — спорт қироли!

Бировнинг ҳақи буюрмас

Баҳо:
+0; -0

Мавсум сўнгига келиб, чемпионатимизда ўйинлар шиддатли тус олаётгандек. "Пахтакор", "Насаф", "Бунёдкор", "Локомотив"дан ташқари бошка жамоалар ҳам ҳар бир очко учун сидқидилдан курашаётгани чемпионатимизга бўлган қизиқишни яна қайтарди десам бўлар. Чемпионат якунланишига 4 тур бор. Ҳозирча " Пахтакор"да 63, "Локомотив"да 62, "Насаф" эса 60 очко мавжуд. Демак, ким чемпион бўлишини олдиндан айтиб беролмаймиз, шундайми? Мана сизга интрига.

Бунинг футболимиз учун қанчалик фойдаси катта эканлигини айтмайсизми? Қолаверса, терма жамоамиз ҳам бундан наф кўради. Осиё майдонларида ҳам исталган рақибни довдиратиб ташлай оламиз. Бир вақтлар чемпионатимиз бошланмасидан чемпион кимлигини билган вақтларимиз ҳам бўлган. Бундан ташқари ҳакамларнинг нохолис ҳаракатлари. Қайси бир йили "Бунёдкор" - "Машъал" ўйинида Хайрулла Каримовнинг қўли билан урган голи "Бунёдкор"га ғалаба келтирди. 1997 йилги Ўзбекистон Кубоги финали ҳеч ҳам эсимдан чиқмайди. "Пахтакор" ва "Нефтчи" ўртасидаги ўзбек "эл-классико"сини томоша қилдик. Ўшанда ўйиннинг 4-дақиқасида "Нефтчи" тожикистонлик легионери Вячеслав Князев  жаримадан шундай гол киритдики... Бунақасини биздан фақат Миржалол Қосимов урарди. Аммо бундан буёғига ҳакамлар “иш” бажаришди. Дастлаб "Нефтчи" дарвозаси томон ноҳақ пенальти белгилаб ҳисобни тенглаштириб беришди. Кейин ўйин тугашига 10 дақиқа чамаси вақт қолганда "Нефтчи" ҳужумчиси Рустам Дўрмонов 2-голни "Пахтакор" дарвозасига жойлади. Кубок Фарғонага кетаётгандек кўринганди. Аммо шу ўринда яна ҳакамлар "Пахтакор" фойдасига вазиятни ҳал этиб беришди. Голдан бироз ўтиб Рустам Дурмоновга йўқ жойдан "қизил" кўрсатилди. Ўйиннинг сўнгги дақиқасида "Пахтакор" ҳужумчиси Андрей Акопянц офсайддан гол киритди.

Ўйинда қўшимча вақт белгиланди ва Акопянц бу сафар голни ҳаққоний урди ва "Пахтакор" кубок соҳиби. Ўшанда ҳакамлар "Пахтакор" фойдасига адашишмаганда борми? Ўша мавсумда миллий терма жамоамиз Японияга 3:6, Жанубий Кореяга 1:5, БААга 2:3 ҳисобларида ютказиб, ЖЧ-1998 йўлланмасидан қуруқ қолганда мен айнан ўша Ўзбекистон Кубоги-1997 финалидаги ҳакамларнинг хатоларини эслаганман. Халқимизда бир нақл бор: бировнинг ҳақи буюрмас...

1991 йил Мустақилликка эришган бўлсак, биз бошиданок ҳалолликни ўзимизга касб олмоғимиз даркор эди. Ахир ота-боболаримиз бизларни ҳалоллик, тўғрисўзлик йўлида тарбиялашмаганмиди? Шунинг учун ундан ҳам олдинги даврларга саёҳат қилгим келди. Мустақилликка эришганимиздан сўнг илк миллий чемпионатимиз 1992 йилда ўтказилди. Ўшанда "Пахтакор" ва "Нефтчи"нинг очколари тенг келиб қолди. Биз ўшанда низомда кўрсатилган қоидага амал қилмай иккала жамоани чемпион деб эълон қилиб юбордик. Ваҳоланки, 1992 йилнинг 5 ноябрида Самарқанд шахрида "Пахтакор" ва "Нефтчи ўртасида чемпионатнинг финал ўйини ҳам белгилаб қўйилганди. Кейин бу жамоалардан биттаси Осиё чемпионлари Кубогида иштирок этиши керак эди. Шунинг учун 1993 йилнинг баҳорида Жиззахда "Пахтакор" ва "Нефтчи" ўртасида ана шу ўйин ўтказилди. Қизиғи, ўшанда ҳам ҳакамларимиз "Пахтакор" фойдасига ишлашди. Ўйиннинг дастлабки дақиқалариданоқ "Нефтчи" бир киши кам бўлиб ўйнади. 24-дақиқада "Нефтчи" ҳужумчиси Рустам Дурмонов йўқ жойдан майдондан четлатилди. Ўйинда "Пахтакор" 3:1 ҳисобида ғалаба қозонди. Осиё чемпионлари Кубогида қатнашиш эса "Пахтакор"га ҳам насиб этмади. Ўзбекистон ҳали ОФКга аъзо бўлмагани учун ОФК жамоаларимизга мусобақаларда иштирок этишга рухсат бермади. Жиззахда ўтган ўйин эса ўртоқлик ўйини мақомида қолиб кетди. Яна ўша “бировнинг ҳақи буюрмас”, деган мақол ёдга тушади. "Нефтчи" эса чемпионатимизнинг кейинги турларини кўтаринки руҳда ўтказиб, 1993 йилда Ўзбекистон чемпиони унвонини қўлга киритди.

Орадан йиллар ўтди. Бу орада қанчадан-қанча воқеаларга гувоҳ бўлмадик. Айниқса, кейинги йилларда чемпионатимизда қўшҳокимлик ўрнатган "Пахтакор" ва "Бунёдкор" ҳеч кимга очко бергиси келмади. Биласизми? 90-йилларда Шотландияда гегемонлик қилган "Глазго Рейнжерс" кейинчалик Европа майдонларида ўртамиёналар сафида тушиб қолди. Ички чемпионатда сен билан рақобатлашадиган тузук рақиб бўлмагандан кейин ўсишдан ҳам, ривожланишдан ҳам тўхтаб қоларкансан. Масалан, 1993 йилда "Глазго Рейнжерс" Чемпионлар Лигаси финалига чиқишига бир баҳя қолди. Кейин эса чемпионатда рақобат бўлмагани учун ҳаммаси орқага кетди. Бундан ҳатто Шотландия терма жамоаси ҳам жиддий зарар кўрди. Олдинлари Европа грандлари сафида тилга олинувчи жамоа охир-оқибат аутсайдерлар қаторига тушиб қолди. Ҳозир эса "Глазго Рейнжерс" деган жамоани Шотландия чемпионатининг пастки лигаларидан ҳам тополмайсиз.

Бизнинг чемпионатимизда ҳам ана шу ҳол кузатилганда миллий терма жамоамиз ҳам бир қанча муаммоларга дуч келганига гувоҳ бўлдингизми? ЖЧ-2010 саралашида ўтказилган 8 та ўйиннинг 6 тасида мағлуб бўлдик. Қолаверса, яна ҳакамлар масаласи оғриқли нуқталаримиздан бўлиб қолди. Кейинги йилларда анча оёғимиздан тортди. Ўтган йилги "Пахтакор" - "Навбаҳор" ўйинини эсланг. Ҳакам сўнгги дақиқаларда "Навбаҳор" дарвозаси томон пенальти қўйиб берди. Ундан ташқари, келишилган ўйинлар можароси. Айни мавсумда ўтказилган "Пахтакор"- "Металлург" ўйинига қаранг. Кўрмай- билмай ҳеч нечса деб бўлмайдию, 2:0 ҳисобида ютиб турган "Металлург" бирданига 3 та гол ўтказиб юборганини кўриб, бутун Ўзбекистон шубҳаланди. Чемпионатимизга бўлган қизиқишнинг камайиб бораётгани, мухлисларнинг стадионларга келмай қўйганининг бош сабаби деб ана шу омилларни билардим.

Кейинги пайтларда чемпионатимиз, умуман футболимиз яхши томонга ўзгармоқда десак бўлади. Чемпионатимизда ғолиблик учун кураш 3та жамоа ўртасида авж олгани, "Насаф"нинг ўз кучи билан Ўзбекистон Кубогини қўлга киритгани сўзимизнинг яққол далилидир. Айни мавсумда жамоаларимиз Осиё Чемпионлар Кубогида кўрсатган натижалар дилимизни хира қилганди. Кейинги мавсумда ҳаммаси жойига тушиши мумкин.  Қолаверса, миллий терма жамоамиз ҳам чиройли ўйинлар кўрсатмоқда. Буларнинг ҳаммаси футболимизда олиб борилаётган ислоҳотларнинг самараси деб биламан.

Мен бу гапларим билан "Насаф" чемпион бўлса, ҳақиқат юзага чиқади, деган фикрдан йироқман. "Пахтакор", "Локомотив" ва "Насаф"дан қайси бири ўз кучи билан ғолибликни қўлга киритса, марҳамат, ҳалоли бўлсин! Барибир, бировнинг ҳақи буюрмас...

Мен юқоридаги фактларни ўз кўзим билан кўрганман, гувоҳи бўлганман. Мен уларни фақат далил учун келтирдим.

Сафарали СИДДИҚОВ

Киритилган сана: 24.10.2015 06:20. Ўкилди: 8913 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


WRBEIRQX

Сана: 06.08.2024 06:00. WRBEIRQXга ёзиш
+0; -0
1

Ушбу фикрга жавобан

WRBEIRQX

Сана: 06.08.2024 05:59. WRBEIRQXга ёзиш
+0; -0
1

Ушбу фикрга жавобан

WRBEIRQX

Сана: 06.08.2024 05:56. WRBEIRQXга ёзиш
+0; -0
1

Ушбу фикрга жавобан

WRBEIRQX

Сана: 06.08.2024 05:56. WRBEIRQXга ёзиш
+0; -0
1

Ушбу фикрга жавобан

SHAMSHER
Сана: 24.10.2015 09:56. SHAMSHERга ёзиш
+0; -0
0

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.