Кириш Регистрация
26/07 20:00 Бунёдкор - Пахтакор
27/07 20:00 Андижон - Бухоро
27/07 20:00 Локомотив - Сўғдиёна

Блог

Stadion.uz мухлислари

Мухлис минбари

Техника жойида, жисмоний ҳолат-чи?

Баҳо:
+0; -0

Давлатимиз томонидан миллионлар ўйини ҳисобланмиш футболга миллиардлаб пул сарфланмоқда. Хўш, бу сарфланган маблағлар ўзини қай даражада оқламоқда? Ўзбекистон футболи ушбу саъй-ҳаракатлар эвазига қай даражада юксалмоқда? Энг катта ютуғимиз турли ёшдаги ЖЧларда иштирок этганими? Хўш, ушбу ЖЧлар бизга нечта Европа даражаcbдаги ёш юлдузларни кашф этди? Ҳозир шу ёшларимиз қайси жамоаларда тўп суришмоқда? Ўзи шу ёшларимиз ЖЧларда иштирок этган пайтдаёқ бизнинг катта муаммоларимиздан бири бўлмиш жисмоний тайёргарлигимиз анча нўноқ эканлиги кўзга ташланганди. Бу муаммолардан кўз юмдик ва юммоқдамиз, ёш юлдузларимиз ёрқин нур сочиш ўрнига қумга тушган сув мисоли йўқолиб кетишмоқда!

Хўш, айб кимда? Мураббийлардами ёки дангасалик қилаётган футболчилар? Мураббийда деб ўйлаётганлар хато қиласизлар (балки), ўша ёшларга тарбия бераётган мураббийлар Европанинг қайси жамоасида тобланган ёки ўйнаган. Уларни кўргани шу ўзимизнинг шиддатсиз футбол холос-ку?! Шундай экан, улар ҳам билганича ишлашади-да, ўзи билмаган, кўрмаган футбол ҳавосини умидвор ёш юлдузларга қаёқдан сингдиради? Яхшиси бу муаммони бартараф этишни ТЖМ ва ЎФФ бир ўйлаб кўришса бўларди. Шунча миллиардлаб сўмлар сарф қилинаётган бир пайтда юракдан яхши ишлаётган ёш мураббийларни наҳотки Голландия, Германия, Бельгия каби давлатларга махсус шартнома эвазига энг ками бир йилга малака ошириш, Европа иш савиясини ҳис қилишга жўнатишолмаса-а?!

Хўш, нимага ТЖМ бу ҳақда бош қотирмаяпти, ёки бу ошиқча бош оғриғимикан. Ахир футболиз пойдевори шу ёшларимиз мураббийи-ку. Майли, ёшлар ҳақида яна кейинроқ яна бир суҳбатлашармиз, МТЖ ҳақидаям бир оғиз гапириб ўтайлик. Мана оху нолаларимиз ТЖМга етиб бориб, Қосимовга битта кемани бошқариш насиб этди, бир қатор ўртоқлик учрашувлари ўтказишга келишилди.

Бундан албатта хурсандмиз. Қанчадан-қанча мухлислар талаб қилишди Қосимовга чет элдан маслаҳатчи малакали мутахасис олиб келишни. Ҳатто ЎФФ президенти Мираброр Зуфарович ҳам агар Қосимов истаса четдан малакали мутахассис олиб келиш мумкинлигини таъкидлаб ўтди, аммо Қосимов мустақил ишлашни хоҳлади ва биз бу қарорини ҳурмат қилишга мажбурмиз. Ахир натижага мураббий жавоб беради-да. Аммо МТЖга Европанинг савияли жамоаларида ишлаган жисмоний тайёргарлик бўйича профессионал мутахассис олиб келамиз, дейилганда ҳамма рози бўларди менимча. Ахир ҳозирги ҳолатимизда жисмоний тайёргарлигимиз ҳатто араб давлатлари
жамоаларидан пастда. Агар шундай мураббий олиб келиб маҳаллий футболчиларимизни ҳар ойда йиғиб ҳолатларини назорат қилиб камчиликларни бартараф этиб борса, футболимиз ва футболчиларимиз ютади-ку. Агар шундай даражада ишлар олиб борилса, Осиё ўйинлари ва ОК-2015 мусобақаларида футболчиларимиз жисмоний тарафдан бекаму-кўст етиб боришса, биз гуруҳдан чиқиш учунмас, балки чемпионлик учун курашармидик.

Хўп, биз турли ёшларда ЖЧларда иштирок этмоқдамиз, лекин асосий ЖЧда натижа йўқ, ёшларимиз ЖЧда минимал вазифани уддалашади, катталарга плей-офф ҳам армон. Бунга сабаб, шахсий фикримча, футболчиларимизнинг ёшини кичайтириб, ўзидан кичиклар билан мусобақалашишидир. Албатта, 14-15 ёшли болаларни 18-19 ёшли йигитлар ютади. Лекин ёш чегараланмаган ҳақиқий ЖЧда бизнинг кимлигимиз кўриниб қоляпти! БИЗ КИМНИ АЛДАЯПМИЗ, ЎЗИМИЗНИМИ? ФИФАними?

Чемпионлик учун курашардик деб айтишдан осони йўқ, аммо бунинг замирида машаққатли меҳнат бор, шунинг учун ТЖМ ва ЎФФга таклифимиз бор. ТЖМ қошида жисмоний ҳолатларни назорат қилиш бўлимини очиш керак ва бу бўлимга хориждан малакали мутахассисларни жалб қилиш керак. Мутахассислар барча ёшдаги терма жамоаларга номзодлар ҳолатини қатъий назорат қилиши керак. Камчилиги бор футболчиларга аниқ дастур асосида тикланишига ёрдам бериш керак. Шунингдек, ушбу бўлим футбол академияларимизниям назорат остига олиши ва ҳар уч ойда комиссия аъзолари бориб, назоратдан ўтказиб турса яхши бўларди.

Ушбу таклиф юзасидан ЎФФнинг илмий техник бўлими ходимларига илтимос, эътибор бериб ўрганиб чиқинглар ва янада мукаммал кўринишга келтириб муҳокамага ташланглар. Биз футбол мухлислари ҳозирги ҳолатда Европа футболидан завқ олмоқдамиз, ўша завқни ўзимизнинг футболдан қидирамиз, талаб қиламиз. Шундай экан, футбол раҳбариятларидан ўша завқ учун икки ҳисса куч билан ишлашларини тилаб қоламиз.

Шавкатбек Неъматов (SHAVKATFCB)

Киритилган сана: 06.05.2014 14:26. Ўкилди: 8211 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.


счётчик