Stadion.uz мухлислари
Мухлис минбари
Ўзбек футболи қачон ривожланади?
| Баҳо: |
+0; -0
|
Охирги пайтларда футболимизда келишилган ўйинлар ҳақидаги гап-сўзлар кўпайиб кетди. Бўлса бордир, бундай иллатлар борлигини ҳеч ким инкор ҳам қила олмайди. Лекин мен ҳам бу ҳақида гапирмоқчи эмасман. Футболимизнинг қуйироқ поғонасида, яъни 2-лигада содир бўлаётган иллатлар ва болалар футболи ҳақида тўхталмоқчиман. Қолаверса, “Футболимиз қачон ривожланади?” деган саволга, мухлис сифатидаги қарашларим билан жавоб беришга ҳаракат қилиб кўраман.
Тасаввур қилинг: Eрга кўчат экдингиз, унга қанча эътибор бериб тўғри парвариш қилсангиз, вақти келиб шунча яхши ҳосил беради. Агар қаддини бироз эгиб қўйсангиз, у ниҳол дарахтга айланганидан кейин ҳам асорати қолади. Вақтидан илгарироқ экилса, совуқ уриб кетиши, кечикилса унмаслиги ҳам мумкин. Бу боғбоннинг иши, бу ишни унга қўйиб бериш керак.
Нега мактабда математикадан она-тили ўқитувчиси дарс бермайди. Ёки физика фани ўқитувчиси тарихдан дарс берса бўлади-ку. Сабаби яхши биламиз. Ҳамма ўзи ўқиган соҳаси бўйича таълим беради. Агарда мактабга илк қадам қўйган болаларга алифбени жисмоний тарбия ўқитувчиси ҳам ўргатаверса нима бўлишини ўйлаб кўринг.
Халқимизда “чумчуқ сўйса ҳам қассоб сўйсин” деган мақол бор. Яъни ҳамма ўз қўлидан келган, ақли, билими, салоҳияти етган ишни қилгани маъқул. Лекин бу мақолнинг бизнинг футболимиз учун заррача аҳамияти йўқ. 2-лигада узтозлик қилаётган мураббийларга назар солиб кўринг. Ярмидан кўпи футболда омади чопмаган, жарохат олиб фаолиятини эрта якунлаган ёки қайсидир спортга яқин соҳада ишлаганларни ташкил қилади. Таниш-билиш қилиб, адашиб келиб қолганлар ҳам бор. Футбол академияларида (ёки тўгаракларида) ёш болаларга устозлик қилаётган кўпчилик мураббийларнинг ҳам футбол соҳасида етарлича билими борлигига, болалар билан ишлай оладиган даражада руҳшунос, тарбияли эканлигига мен шубха қиламан.
Менинг дўстларимнинг кўпчилиги 2-лигада турли клубларда ўйнашарди. 2012-йиллар эди адашмасам, бир ўртоғим Ғузорнинг “Шўртан” клуби 1-лигаси жамоасига “сбор”га борадиган бўлди, қўшилиб бордим. Борсак, турли ёшдаги болалар ҳар хил машғулотлар бажаришяпти. 10-11 ёшли болаларнинг пенальти тепиш машғулоти эътиборимни тортди. Ачинарлиси, мураббийи хато қилган ёш болаларга сўкиниб, чунонам бақирардики, ҳалиги хато қилган болакайлар кейинги сафар янада довдираб ўзини йўқотиб қўйишарди. Ахир мураббий деган, аввало ўзи аҳлоқли бўлиши, хато қилса яхшилаб тушунтириб кўрсатиб бериши ва ҳар томонлама ўрнак бўлиши керакмасми? Афсуски, бунга ўхшаб ўзини мураббий деб ҳисоблайдиганлар кўплаб топилади.
Бизнинг футболда ижодкор футболчилар етишмайди. Ҳалиям эскича фикрлайдиган болалар билан ишловчи мураббийлар ҳамма футболчиларни бир хил қолипга солиб қўяётганининг натижаси бу. Масалан, қайсидир болакай Месси ёки Азарга ўхшаб жарима майдонига ёриб киришга ҳаракат қилса ва агар тўпни йўқотса унга бу тўғри эмаслигини бақириб, тўпни қанотга ошириш кераклигини миясига сингдиришади. Айрим мураббийларимизга тўпни эгаллаб ўзи вазият яратишга ҳаракат қиладиган ўйинчидан кўра, тўпдан тезроқ қутулиб, иложи бўлса қанотларга, қанотлардан эса таваккалига жарима майдони ичига ошираверадиган футболчилар кўпроқ ёқади, шекилли?
2-лигада жуда кўп ёмон иллатлар содир бўлмоқда. Баъзи мураббийлар ўйинчини асосий таркибга тушиши учун 50-70 минг сўмдан (ёки бунданам кўп) пул сўрашар экан. “Сенда “заявка” йўқ, фалон пул берсанг тўғрилаб бераман, кейин ўйнайверасан” деб, қанчадир миқдорда пул олишади. Лекин “заявка” қилиш учун ўшанча пул кетмайди аслида ёки “без заявка” ҳам ўйнатаверади пулини олгандан кейин. Яна машғулот пайтида борини бериб ҳаракат қилган ўйинчи ўйин вақтида захирада қолиб кетади. Сабаби, ўйин куни мураббий ўз яхши таниган, 1-лигада ўйнаган тажрибалироқ футболчиларни ўйинга туширади.
Нима ҳам дердик, ҳамма ҳам жамоаси ғалаба қозонишини истайди. Кўзи ёниб турган ёшлар машғулотларда чин дилдан ҳаракат қилса-ю, ўйин вақтида эса умуман кўрмаган бошқа биттаси келиб унинг ўрнига тушиб кетаверса кимга яхши? Шахсан мен учун бундай ўйинларнинг натижаси бир пул. Муҳими юрагида ўтиб бор ёшларга кўпроқ ўйин амалиёти берилиши керак. Бундай мисолларни кети узилмайди, сал эътиборлироқ бўлсак, бундан-да кўп қинғир ишлар содир бўлаётганига гувоҳ бўламиз.
Куни кеча миллий терма жамоамиз Қатарга йирик ҳисобда имкониятни бой берди. Инчеонда бўлиб ўтган ўйинларни ҳам кўрдингиз. Келинг, бир нарсани тан олайлик. Биз шу пайтгача Иордания, Уммон, Қатар, Бахрайн каби терма жамоалардан бир бош устунмиз, футболимиз улардан анча олдинда деб юрардик. Лекин биз бир қадам ташлаётган пайтимизда бошқалар 7-8 қадам ташлаб бўлишган экан.
Хўш, футболимиз ривожи учун нима қилиш керак?
Ўта шахсий фикрим бўйича бундай: Аввало федерация футболимиз пойдевори бўлмиш – болалар ва ёшлар футболига катта эътибор қаратиши керак. Эътибор деганда фақат стадион қуриб, шароитни яхшилаш назарда тутилмайди. Футболи ривожланган Испания, Англия, Германия каби мамлакатларнинг футбол мактабларидан ўрнак, андоза олиш керак. “Барселона”, “Манчестер Юнайтед”, “Аякс”дек футбол мактаблари билан (қанча пул кетса ҳам) шартнома тузиш керак. Яъни бу шартномага кўра, бизнинг 10-15 га яқин мутахассисларимиз ўша клублар билан маълум муддат бирга ишлашади; иш жараёни ўрганилади; қайси ёшдаги боалаларга қандай машғулот ўтиляпти ва ҳк. Барча майда-чуйдаларгача ўрганилади. Ора-орада мутахаcсисларимиз қайтиб келиб шу ердаги иқтидорли ёш мураббийларга ўз билим ва тажрибаларини улашиб туришади. Шу ерда туриб ўз билимларини ошираётган, таълим олаётган мураббийларимиз, яъни болалар мураббийидан тортиб, 2-лига мураббийлари ҳам махсус лицензияга эга бўлиши (лицензияга қўшиб билимли ҳам бўлиши) шарт. Ҳар бир машғулот муайян тартибда, аниқ стратегия остида ўтиши керак. Масалан, бугун Андижон шаҳрида 12 ёшли болалар махсус дастур асосида машғулот ўтишяптими, Бухорода ҳам, бошқа жойда ҳам айнан ўша дастур бўйича машғулот ўтилиши керак. Ҳар бир боланинг иқтидори, позициясидан келиб чиқиб у била алоҳида қўшимча машғулотлар ўтказилиши ҳам керак. Юқорида номлари айтиб ўтилган клуб академияларининг (турли ёшдаги) тарбияланувчилари билан бизнинг тарбияланувчилар тез-тез ўртоқлик ўйинларида учрашиб туришлари керак.
2-лигада фақат 20 ёшгача бўлган футболчилар ўйнашига рухсат берилиши керак. 6 ёшдан тортиб 20 ёшгача бўлган болаларнинг барчаси жуда пухта дастур асосида тарбия қилиниши, ҳозиргидек ҳаммаси кўр-кўрона бажарилмаслиги керак. 13 ёшдан бошлаб жисмоний машқларга жуда катта эътибор берилиши зарур. Бошқа термалар билан ўйналганда, негадир кўпинча бизникилар чарчаб қолиши тўғриси жуда ачинарли.
Махсус лицензия ва билимга эга бўлган мураббийлар ишга ўз вақтида келиши, иш вақтида сигарет, носга ўхшаш нарсаларни тарк қилишлари керак. Вилоят федерацияси раҳбарлари ҳар ойда мураббийлар, ота-оналар, керак бўлса журналистлар иштирокида мажлис ўтқизиб туриши керак. Бундан кўзланган мақсад юқорида келтирилган порахўрлик ва бошқа иллатларга қарши курашиш бўлади.
Агарда барчасига ҳукумат даражасида ёндашилса ва ҳамма ўз ишини билиб, виждонан бажарса ҳаммаси яхши бўлишига ишончим комил. Тўғри, бу ишларни амалга ошириш учун йиллаб вақт ва катта пул сарф қилинади. Муҳими, ҳозир илк қадамларни ташлашимиз керак. Агар барча бир ёқадан бош чиқариб ҳаракат қилса яқин йиллар ичида бу меҳнатлар самарасиз қолмайди.
Юқорида айтиб ўтилган лицензиялар ҳозир ҳам бор-ку дейишингиз мумкин. Мен, лицензия ва билим сўзларини бекорга ёнма-ён ёзмаяпман. Қўрқаётган нарсам, бизда таниш-билиш деган нарса жуда авж олган. Агар шундай тарзда барча ёш тоифасидаги мураббийларга махсус лицензия бериладиган бўлса ҳам, бизникилар бир йўлини қилиб, соҳани тушунмаса ҳам ўша лицензияни олишга ҳаракат қилиб кўришади. “Ҳамма пул шу ерда экан-ку” деб, тушунмаган соҳасиниям банд қилиб ўтиравергандан кейин у қандай соҳа бўлса ҳам ривожланмайди.
Ҳурматли Мираброр Зуфарович!
Агар футболимизни мактабга қиёсласак – сиз мактабимизнинг директорисиз. Шундай экан, наҳотки мактабга илк қадамларини ташлаётган, қалбида не-не орзулари бор болакайларга қандайдир чаласавод, муттаҳамлар устозлик қилишига рози бўласиз?
AKMALFCB никли мухлис
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 ABOMUSLIM |
Сана: 08.10.2014 08:48. ABOMUSLIMга ёзиш |
+0; -0
|
|
Зўр мақола!!! Офарин муаллиф!! Қўллаб қувватлаймиз!!
|
 ANDUZ |
Сана: 08.10.2014 08:45. ANDUZга ёзиш |
+0; -0
|
|
Биргина футболда эмас бунака майнавозчиликлар. Спортнинг бошка сохаларида хам тикилиб ётибти. Менинг кушним бокс буйича жуда хам кучли бола. Бемалол Олимпиада бахсларида рингга чикиб голибликка даъвогарлик кила олади. Лекин унинг мураббийлари жанглари учун берилган мукофот пулларини хазм килиб, биттагина гилам билан чеклаб куйишгандан кейин боксдан кетиб колди. Хозирда мактабда жисмоний тарбия укитувчиси булиб ишлайди. Профессионал боксгача етиб бормади.
|
|
ANDUZ |
Сана: 08.10.2014 08:39. ANDUZга ёзиш |
+0; -0
|
|
Косимовдака уйинчиларимиз купайсин, лекин мураббийларимиз эмас :)
|
 KARIMZHONS |
Сана: 08.10.2014 04:02. KARIMZHONSга ёзиш |
+0; -0
|
|
---О.Ахмедов,В.Денисовдек тугма талантларимиз замонавий узбек футболимз учун жуда камлик килади.Улар РОССИЯ чемпионатида анча куч сарф килиб,борларини бериб ажойиб уйин курсатмокдалар.Кискаси улардан бошка тугма талантлар юзага чикмаётганлиги учун булажак уртоклик учрашувларида улардан фойдаланишга тугри келса керак.Бу уларга ортикча юклама[нагрузка]булиши мумкун. Бир томондан Осиё-15гача уларни чарчатиб куйилинишига йул куймаслик керак.Шунинг учун хар томонлама талантларни излашни сусайайтириш керак эмас.Мендан таклиф бор,илтимос фикрлар булими Сана: 08.10.2014 03:14. KARIMZHONSга каранг.----Хурмат билан Султонов Каримжон.
|
|
KARIMZHONS |
Сана: 08.10.2014 03:14. KARIMZHONSга ёзиш |
+0; -0
|
|
---Шквирин,Косимовлар уз вактида тугма талантлар эди.У вактларда хозиргидек аъло даражадаги шароитлар йук булса хам,стадионлар тула ва кизикарли уйинлар булар эди.Хозир бизнинг футболга шундай тугма талантлар керак.Замонавий футболда 3-4та талантлар билан яхши натижага эришиб булмайди. Камида 20-25та булиши керак.Хозир бизнинг футболда НАТИЖА ЙУКЛИГИга асосий сабаб, кучли мураббий ва футболчиларни юзага чикара оладиган ТИЗИМ ЙУКЛИГИдир. Бу ТИЗИМ - МИЛЛИЙ ТЕРМА ЖАМОА МАЪКОМИни олиш учун кураш ТИЗИМИдир.Мархамат танишинг:---------Футбол буйича миллий терма жамоамизни кучайтириш учун таклифларим--- --Миллий терма жамоамиз тайёргарлигига ички ракобатни кучайтирадиган йулни (яхши манода албатта) курсатиб утмокчиман. Кучли терма билан учрашув ташкил килиш харажатига караганда бу йул хеч кандай кушимча маблаг талаб килмайди. Факат футболчиларимиздан,айрим ташкилотчиларимиздан,хакамларимиздан озгина кушимча вактларини ва этиборларини Ватанимиз футболи учун аямасалар булгани. Энг асосийси миллий терма жамоамизга чарчашни билмайдиган,гайратли,хар томонлама тайёргарликга эга булган ва яъни кучлиларнинг кучлиси аъзо булса булгани.Иккита терма жамо асосида- Узбекистон миллий терма жамоаси макомини олиш учун кураш ташкил килиш оркали кучли миллий терма жамоамизни юзага чикаришимиз мумкин.Хозир терма жамоа азолиги ва номзодларни танлашда-бош мураббий ва унинг ёрдамчилари уз кузатиши,тажрибаси ва анализига таянади.Мен таклиф килмокчи булган фикрларим номзодларни танловини кучайтиради ва миллий терма жамоамиз хар доим жанговор холатда булишини таминлайди. Мен фикрларимни тушунтиришим учун мисол тарикасида бази терминларни (кискартма тарзда) ишлатишга рухсат бергайсиз.-Хозирги бош мураббий ташкил килган терма жамоани, мисол учун*АВТОРЕТАР ТЕРМА ЖАМОА*-(АТЖ) дейлик. Бу АТЖ кучини аниклаш учун,кучли терма жамоа билан уйин утгазиши керак. Худди уша кучли тер мажамоани узимиздан ташкил этиш мумкин. Буни ракобатчи терма жамоа-- (РТЖ) дейлик. Ракобат бор жойда кучлилар юзага чикади.Демак 2 та(иккита) АТЖ ва РТЖ терма жамоалар асосида,ва улар уртасида уйин утгазиш йули билан УЗБЕКИСТОН МИЛЛИЙ ТЕРМА ЖАМОАСИ аникланади.РТЖ га аъзо футболчилар олий лигада (балки кейинчалик 1-лига) иштирок этаётган ФУТБОЛЧИЛАР РЕЙТИНГИНИ ташкил килиш асосида танланади. Масалан рейтингда 1-20 уриндаги футболчилар-- РТЖ аъзоси булади.Мавсум давомида теннисчилар рейтинги ОАВ, радио ва телевидениеда узлуксиз эълон килиниб борилганидек, футболчиларимизни хам (олий лигадаги) рейтингини аниклаш ва эълон килиб бориш керак булади.Рейтингни аниклаш вазифасини олий лига хакамларига топшириш керак. Масалан олий лига футбол уйини утадиган кундан бир кун олдин футболчилардан _рейтинг имтихони_ олиш керак. Рейтинг имтихонлари буйича хар бир футболчи натижасига караб очко бериш керак.Имтихон предметлари-50,-100,-3000 метрга югуриш, маълум нуктадан туккизталикга тупни йуналтира олиш, 11-метрдан туп тепиш булиши шарт килиб куйилиши керак деб таклиф киритаман. Мутахасислар томонидан бошка предметлар киритилиши мумкин.Бундан ташкари олий лигада хар бир футболчи киритган голи ва пас учун хам очко берилиши шарт.Шу очколарнинг суммасига кура,куриб турибсизки энг кучлиларнинг кучлиси рейтингнинг юкорисида булади.АТЖ ва РТЖ уйинида голиб чикган жамоа-УЗБЕКИСТОН МИЛЛИЙ ТЕРМА ЖАМОА макомига эга булади. Ихтиёрий равишда маглуб булган жамоадан энг яхши узини курсатган 2-3 та уйинчини голиб булган жамоага жалб килишга рухсат бериш керак.Узбекистон футбол федерацияси томонидан РТЖ га бош мураббий тайинланади,-деб таклиф киритаман.Узбекистон миллий терма жамоа маглубиятсиз уйин курсатаётган булса АТЖ ва РТЖ уртасида уйин утказилмайди. Расмий уйинлар узок вакт, масалан 3 ой (уч ой) давомида булмаса,маком учун уйин утказилади. Мавсум давомида РТЖ рейтинг асосида уйинчиларни кучлисига алмаштириб борилади. АТЖ эса олдин кандай ишлаган булса уша йусинда уз ишини давом эттиради.Футболчилар рейтинги РТЖ учун ташкил килингани учун,АТЖ бош мураббие факат РТЖ бош мураббие розилиги билан 1-20 чи рейтингдаги уйинчиларни АТЖ га жалб килиши мумкин. 20-уриндан пастдаги (яъни 21,22,... ва хокозо) ларни розиликсиз тугридан тугри олиш АТЖ бош мураббийга рухсат этилади.Юкоридаги икки терма жамоа асосида яхши манодаги ракобат туфайли кучли футболчилар уз-узидан юзага чика бошлайди.Таниш билишчиликга, юз хотирликга бархам берилади. Хар-бир футболчи ва мураббий уз устида ишлашни кучайтиради . Миллий терамиз мунтазам кучли футболчилар билан таминланиб боради. Миллий терма жамоамиз мунтазам уйин амалиётига эга булади. Биз билан уйнашни орзу килувчилар сони ошади.------Хурмат билан Султонов Каримжон.
|
 SHERIFFF |
Сана: 07.10.2014 23:17. SHERIFFFга ёзиш |
+0; -0
|
|
мураббийлар ишга\nўз вақтида келиши, иш вақтида\nсигарет, носга ўхшаш\nнарсаларни тарк қилишлари\nкерак))
|
|
SHERIFFF |
Сана: 07.10.2014 23:16. SHERIFFFга ёзиш |
+0; -0
|
|
Баъзи мураббийлар ўйинчини\nасосий таркибга тушиши учун\n50-70 минг сўмдан (ёки\nбунданам кўп) пул сўрашар\nэкан. Yaxwimas oilani harom pul b.n boqiw
|
|
SHERIFFF |
Сана: 07.10.2014 23:13. SHERIFFFга ёзиш |
+0; -0
|
|
qoyil))). 2liga murrabiylarini salohiyati juda a4inarli ekanku.
|
|
NASAFFFF |
Сана: 07.10.2014 23:13. NASAFFFFга ёзиш |
+0; -0
|
|
Gap yo\'q! Manu shu narsalar amalga oshirilsa Messi va Ronolduning yangi avlodlari O\'zbekistonda yetishib chiqadi!\n!
|
|
MIRZIYOD |
Сана: 07.10.2014 23:10. MIRZIYODга ёзиш |
+0; -0
|
|
Ха тугри журналист холис фикр юритган
|
 AKMALFCB  |
Сана: 07.10.2014 22:52. AKMALFCBга ёзиш |
+0; -0
|
|
FARASMAN\n\nhaqsiz, lekin bular baribir muxlislarni xayolidagi lekin amalga oshmaydigan narsalar
|
 DJURAEV |
Сана: 07.10.2014 22:45. DJURAEVга ёзиш |
+0; -0
|
|
Браво
|
 FCYUVENTUS |
Сана: 07.10.2014 22:44. FCYUVENTUSга ёзиш |
+0; -2
|
|
Oldinlari kommentlarda juda ko\'p bora aytilgan gaplar
|
|
POKER |
Сана: 07.10.2014 22:38. POKERга ёзиш |
+0; -0
|
|
Узбек футболининг ривожланишига оддий мисол сифатида ота оналар хам иктидорларга каршилик килиб бошка касбни танлашига мажбур килишмокда,Болалар футболида майдон марказидан ёриб кириш холатлари куп булади ,катталар футболида бу анча камайиб кетган ,Бизда яккол химоячиларни шошириб куядиган футболчи бу Одил,Биз Одилни тарбиялаган ота онаси ва мураббийларига рахмат айтишимиз керак ,Биз уни кеч пайкаб колдик ,Болалар футболига юртбошимиз томонидан куп этибор берилмокда,
|
|
FARASMAN |
Сана: 07.10.2014 22:34. FARASMANга ёзиш |
+0; -0
|
|
Buning ustiga bechora usta ham no\'noq bir narsa bo\'lsa
|
|
FARASMAN |
Сана: 07.10.2014 22:31. FARASMANга ёзиш |
+0; -0
|
|
AKMAL JUDA YAXSHI, AMMO LEKIN BIROQ... CHIRIGAN YOG\'OCHNI USTA YO\'NMAYDI, UNI YOQVORIB BOSHQA DARAXT TOPIB ISHLOV BERADI. BIZDA FUTBOLNING BARCHA TARMOQLARI CHIRIB KETMAGANMIKIN
|
МУАЛЛИФНИНГ БОШҚА МАҚОЛАЛАРИ
- Шарҳловчи ким? У қандай бўлиши керак?
- Терма жамоадаги дўстимга!
- «Ерни чуқурроқ ҳайдолмайдиган» ПФЛ?
- Голлар ўнлиги
- Тарихий шаҳарларимиз ОЧЛга муносиб!
- Бугун байрам!
- Узилган ришта
- Самвел Бабаян Терма жамоалар марказини «одам» қиладими?
- Алло, тириклар борми?
- Йўқолиб, унутилиб кетманг, укаларим!
- «Намунали мухлис» меҳмони — Kasperskiy
- Янги танишимиз — Филиппин
- «Нефтчи» мухлислари нимадан норози?
- «Спорт-ТВ» — нокаутчими ёки нокдаунчи?
- ОЧЛ. Чайқалиш ва тебранишлар ортда қолгандир?!
- Жаноби гол аввало мухлис учун
- «Намунали мухлис» меҳмони — AlBuxoriy
- Оқ йўл, Лушчан полвон, парвозинг баланд бўлсин, «қалдирғочлар»!
- «Нефтчи» мухлисидан Маъмур Икромовга икки оғиз гап
- Ихтиро. Футбол мухлислари учун янги дори!
- Олимпия терма жамоамизга хорижлик мураббий керак!
- «Намунали мухлис»: «Андижон» чемпион бўлмаса ҳам, терма ЖЧга чиқса бўлгани
- «Намунали мухлис» лойиҳасининг илк меҳмони
- Омонат пойдевор
- Маркетинг ва ТЖМ бир-бирига «ўгай»ми?
- Осиё кубоги-2015: ютдикми, ютқаздикми?
- Кимни алдаяпмиз?
- Ғалаба сари йўл
- Stadion.uz юзeрлари учрашуви ҳақида
- Уч ёшинг муборак, Stadion.uz!
- Осиё кубоги-2015. Саудия Арабистонига қарши таркибни топишга ҳаракат қилинг
- Ичимда қолишни истамаган дардларим...
- Танлов ғолиби билан суҳбат
- Осиё кубоги-2015. Хитойга қарши таркибни тахмин қилинг
- Терма жамоамизга аталади
- Сутми, қаймоқми?
- Stadion.uz мухлислари учрашувига таклиф этамиз
- Stadion.uz сайти мухлисларига бағишлов
- Қалбаки чемпионатга қалбдан таклифлар
- УEФАга ўтайлик...
- Суғур куни
- Ўзбек футболи қачон ривожланади?
- Футбол ва жамият
- Stadion.uz юзерларининг илк учрашуви
- Хиросима «олтини» Инчхонда ҳам такрорлансин!
- Футболимиз бозори ёпилаётган паллада...
- Биз барчадан олдиндамиз!
- Болта шўрва
- Бизнинг «месси»лар қаерда...
- Газета ва интернет
- Ўзбек ўғлони
- Футбол оламидаги қизиқарли воқеалар
- ЖЧ-2014: Кучлилар кўп, аммо чемпион ким?
- Тўқликка шўхликми?
- Мундиал пайтида қизларга маслаҳатлар
- «Спорт-ТВ» ёки «Дангаса-ТВ»?
- Мухлислик — надур?
- Бу кўзларга шодлик ярашар
- «Спорт-ТВ» — Олий лига кўзгуси!
- Шамол бўлмаса, дарахтнинг учи қимирламайди
- Мард мураббий
- Раҳмат сенга, Райан!
- Техника жойида, жисмоний ҳолат-чи?
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
