Кириш Регистрация
23/04 00:00 Севилья 2-1 Мальорка
23/04 20:30 Ўзбекистон 3-0 Вьетнам
23/04 20:30 Кувайт 2-1 Малайзия
24/04 00:00 Арсенал 5-0 Челси
24/04 12:00 Тожикистон 2-1 Афғонистон
24/04 14:00 Эрон 6-1 Қирғизистон
24/04 16:00 Таиланд 3-2 Ироқ
24/04 19:00 Ўзбекистон 0-1 Вьетнам
24/04 22:00 Лорьян - ПСЖ
24/04 23:45 Вулверхэмптон - Борнмут
25/04 00:00 Кристал Пэлас - Ньюкасл
25/04 00:00 Ман. Юнайтед - Шеффилд Юнайтед
25/04 00:00 Эвертон - Ливерпуль
25/04 00:00 Монако - Лилль
25/04 00:00 Марсель - Ницца
25/04 19:00 Қатар - Япония
25/04 22:30 Жанубий Корея - Индонезия
26/04 00:00 Брайтон - Манчестер Сити

Блог

Stadion.uz мухлислари

Мухлис минбари

Ичимда қолишни истамаган дардларим...

Баҳо:
+2; -0

Хитойга қарши ўйиндан кейин ҳамма жойда, интернетда, спорт сайтлари ва ижтимоий тармоқларда, кўчада, бозорда, боғда ҳам, тоғда ҳам кўп ва хўп гапирилди. Икки киши ва ундан ортиқ кишининг йиғилишида бош мавзу терма жамоамизнинг мағлубияти ҳақида бўлди. Аммо бу гаплар гапирилган жойида қолди кетди. Ҳеч бир журналист мағлубият сабабларига чуқур ёндашиб, ўйиндаги хато ва камчиликларни очиб беришга жиддий киришмади. Мағлубиятнинг бош айбдори кимлигини билишса-да, унга нисбатан танқидий мақола битишга балки вақтлари етмади. Аксинча, мақтовлар, унга ишониш кераклиги ҳақида уқтиришдан нарига ўтишолмади.

Мен кеч бўлса-да ўйин ҳақида икки оғиз гапиришга қарор қилдим. Зеро, дардларим ичимда қолиб кетмасин.

Хитойликларнинг кучли босими мухлисларни ҳавотирга солиб, футболчиларимизнинг ўйинида тартибсизлик юзага келди. Тасодифий голимизнинг хурсандчилиги узоққа чўзилмади. Ўйинда ва ўйин борасида Хитой тўлиқ устунликга эришганлиги мухлислар орасида танқидларнинг ошиб кетишига сабаб бўлди. Энг биринчи навбатда таркиб мутлақо нотўғри танланди. Гарчи Шимолий Корея устидан қозонилган ғалабамиз асосчилари бўлган таркиб бўлсада, илк ўйинда ҳам ушбу таркиб ўйинни қойиллатиб ўйнаб қўйгани йўқ.

Ўйиндан кейин мени бир савол ўйлантириб қўйди. Терма жамоамиз таркибида ҳужум чизиғида ким ўйнади? Интернетга кириб таркибга қарасам Игор Сергеев ёзилган экан. Шу тўғрими? Сергеев иккинчи, ҳатто учинчи планда ҳам кўринмади-ку.

Энг алам қиладиган ҳолат, мағлуб бўлаётган пайтимизда, футболчиларимизнинг хотиржам ҳолда тўпни назорат қилишлари бўлди. Кеча иккинчи турда Қатар мағлуб бўлаётган эрсада рақибга қандай шижоат билан қаршилик кўрсатди. Ироқни қаранг. Мағлубиятни тан олмасдан курашди. Бизникилар-чи? Қўрқишдими? Имкон топа олишмадими? Бу фақат ўзларига аён.

Миржалол Қосимов ўйинчилардан фойдалана олмаётганлигига эътибор беряпсизми? Легионерларимизнинг савияси паст эмас. Таркибдаги ҳеч бир футболчининг савияси Хитойнинг таркибидаги футболчилардан паст эмас эди. Кўп ва хўп айтиладиган бир гап бор "ҳар қандай кучли футболчидан, кучли мураббий чиқмайди". Ҳақ гап. Кучли мураббий уёқда турсин, умуман мураббий чиқишига ҳам на кафолат, на ишонч бор. Шундай экан, нега Қосимов ўйин савиясини ошира олмаётганлигини кўра-билиб турган бўлсада, кетиш ҳақида ўйлаб кўрмаяпти? Терма жамоамизни юқори чўққиларда кўришни истасак, футболимизни ҳам замонавий ўйин услубига мослаштириб, ёш футболчиларнинг қон-қонига сингдириб бориш кераклигини унутмаслигимиз даркор.

Дарвоқе, ушбу турнир ЖЧ-2018 саралашидан олдинги энг катта турнир ҳисоблансада, ҳали-ҳамоно "қария" таркибга ишонч билдираётган мураббийнинг савия даражасини билиб олиш қийин эмас. Сардор Рашидов, Жамшид Искандаров, Егор Кримец ва бошқа ёшларга имкон бермасдан ортга қайтиш биз мухлисларнинг, келажакни ўйлаб аламга, ғамга ботишимизга сабаб бўлиб қолади. Яна бир гап. Худо кўрсатмасин, агарда Саудия Арабистонига мағлуб бўлиб, гуруҳда қолиб кетган тақдиримизда ҳам, Қосимовнинг терма жамоа мураббийлигидан кетишига ишончим комил эмас. Шундай бўлишини хоҳласамда, бу иш амалга ошиши жуда-жуда қийин. Қосимов футболчиларни психологик томонлама тайёрлай олмайди. Бу ҳолат унинг энг катта камчилиги бўлса, иккинчи камчилик эса, тактика томонлама жуда паст савияда. Умуман олганда, мураббий учун энг керакли бўлган жиҳатларни Қосимовдан топиш қийин.

ЎФФда футболга алоқадор шахслар иш олиб бормаётганлиги кўп йиллардан буён ғашимни келтиради, жаҳлимни чиқаради. Биргина Йоахим Лёвнинг ўзи 8 йил ичида кучли ва жанговор таркиб тайёрлади. Шубҳасиз, бу ишлар федерация раҳбарларининг ёрдами орқали амалга ошди. Бизда эса 8 йил ичида мураббий алмаштириш давомли бўлди. Хулоса сиздан.

Орзимурод Худайқулов

Киритилган сана: 16.01.2015 22:35. Ўкилди: 10773 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


KARIMZHONS
Сана: 18.01.2015 09:57. KARIMZHONSга ёзиш
+0; -0
---- Бизнинг АЗИЗ УЗБЕКИСТОНИМИЗда УСТОЗ ва МУРАББИЙЛАРни чин дилдан эзозлашади ва хурмат килишади. Шу жумладан футболимиз мураббийларини хам жуда катта эзозлашади ва хурмат килишади.Устозлик,Футбол мураббийлиги ва айникса МТЖ бош мураббийлиги узингиз яхши биласиз Улугвор,шарафли,юксак масулиятли касб. Лекин шу билан бирга хаддан ташкари халовати йук касб булиб, галаба ва маглубият ёнма--ён юради. Олкишлар ва салбий муносабатлар хам.\n Уларга каттадан-катта ишончлар билдиришади.Тахминан 90 фоиздан ошик мураббийлар узларига билдирилган ишончни тула тукис оклашади ва уддалашади албатта. Масалан футбол мураббие юксак натижалар курсатса ишончни оклади деймиз. Натижага эриша олмаса ушбу мураббий танкидлар остида колади ёки нари борса лавозимидан олинади. Мени фикримча мураббийлик касби,шу жумладан футбол мураббийлиги хам МУКАДДАС касблардан биридир деб хисоблайман. Шу сабабли шундай ИНСОНлар танкид остига олинаётганда ёки лавозимидан олиш тугрисида гап кетганда жуда хам эхтиёткорлик билан бу масалага ёндошиш шарт ва лозимдир. Масалан Энилэеив,Саркисянц,Абрамов,Косимов, Бабаян,Р Бердев ва бошка куплаб шу каби мураббийларимизни хар канча эзозласак ва хурмат килсак шунча оз. Уларнинг хар бирини футболимиз тарихида уз урни бор. Мураббий хам ИНСОН.ИНСОН булганда хам мукаддас инсондир. Унга канчалик огир масулият топширилганини хам биласиз.Лекин масалан мураббий натижа курсата олмаса у тугрисида салбий фикр билдиришга хеч качон шошилиш керак эмас. Устоз Отангдан Улуг деган хикмат бор Азизлар. Биласизми буни сабаби жуда хам оддийдир,яъни мураббий хохлайдими йукми масалан МТЖмизга номзод булган футболчиларни хаммасини курикдан утгазишга ёрдамчилари булсада унинг хамма футболчиларни курикдан утгазишга ва энг тугри оптимал карор кабул килишга имкони йук. Шу билан бирга иккинчи томондан бош мураббийга нисбатан билдирилган салбий фикрлар ва кунгироклар унинг фаолиятига салбий тасир курсатиши мумкин. Учинчи томондан эса юкорида айтганимдек мураббий хам ИНСОН ва ушбу ИНСОН хам хато килмасликдан кафолатмаган.Шундай экан яхшиси мураббийларимизга талантли футболчиларни танловида ёки бошкачарок килиб айтганда хар томонлама чарчаш нималигини билмайдиган талантли футболчиларни юзага чикаришда кумак бера оладиган фикрлар билдирайлик. Масалан,----Олий лигадаги футболчилар рейтингини тузиш ва соглом ракобат асосидаги-МИЛЛИЙ ТЕРМА ЖАМОА МАКОМИни олиш учун КУРАШ ТИЗИМИни йулга куйишни вактни утказмасдан УФФси,ТЖМи,ПФЛси хозирдан келажак режасига киритиши керак.-Ушбу ТИЗИМ Бош мураббий имкониятларини оширади ва хар томонлама чарчаш нималигини билмайдиган кучли футболчи термага тушиши юз фоиз уз кулида булади. Бу ТИЗИМ бази мансабдорларга ва мураббийларга ёкмаслиги мумкин . Cабаби бу ТИЗИМ уларни уз ишларига масулият билан карашларига туртки булади.Чунки ракобат бор жойда ким кучлигу ким кучсизлиги билиниб колади. Таниш билишчиликга,юз хотирликга ва кингир ишларга урин колмайди. Шу ТИЗИМ оркали ким кучли футболчи булса уша юзага чикади. Тугри мен бор йуги оддий мухлисман.Лекин шахсан мен футболимиз келажагини айни шу тизимни амалга оширишда курмокдаман.Шу сабабли МИРАБРОРАКА СИЗДАН КАТТА ИЛТИМОС ШУ НАРСАГА ШАХСАН УЗИНГИЗ ЭТИБОР БЕРМАСАНГИЗ БУЛМАЙДИ.

Ушбу фикрга жавобан

TASHRIF
Сана: 17.01.2015 11:45. TASHRIFга ёзиш
+0; -0
Ман бир нарсани куп такроладим ва яна айтаман! Футболчиларни узлари узаро тил бириктириб уйнашни истамаяптилар! Бу ерда хеч канакасига тактикани дахли йук...Хитой кучли хам эмас..куплаб браклар килди хитой хам....Бизникилар астойдил уйнашганда бир оёгида енгарди хитойни...Узиз фахмланг азиз мухлислар...узб ютказаётгандаям олдинга бормаяпти...оркага ташлаб уйинни узи чузиб утирди хаммаси...Бу нимадан далолат? Бу хохишни йуклигидан далолат...Мураббий билан муносабат яхши эмас..Хеч кайси уйнамади...Хатто Витя хам..Одил хам гол урганига унака кувонгани йук...Бекор урдимда деб уйладиёв! Хитой 2 голини хам осонлик билан уриб кетди..химоячилар атайлабдан очиб беришди..уйинни такрор куринглар хаммасини тушунасизлар! Матбуот бонг уриб тезкор футболчилар тушурилмаганини айтишяпти...Нотугри! Бошкалар уйнамаса Жамшид ва Сардорни тушганидан не фойда? Нима бу иккаласи уйнармиди улар учун хам? Бу фикр нотугри! Каранг...Янги зеландия билан яхши уйнади йигитлар...жон жахд билан..юракдан..хар бири уз имконияти даражасида уйнади ва чиройли тарзда ютди.Хаммамиз кувондик ва мактадик..Шу жумладан матбуот хам...кейин эса Катарга ёшлар таркиби билан ютказиб келди..майли ёшларку дедик..Сунг Бахрайнга карши асосий терма тушди ва худди кечагидай ланж латта уйин утказди.Сунгра яна танкидлар бошланди..Бу хам етмагандай Бахрайн билан уйинни эртасига футболчилар ва мураббийларни араб бассейнларида мазза килиб чумилиб хурсанд юрган фотолар чикди сайтга...Биз уларни деб асаб булиб юрсагу улар кайфу сафо киб чумилиб маишат килиб юришибди деб яна хамма танкид тошларини отишни бошлади..сукмаган одам колмади...кейин эса улар БАА га карши майдонга тушиб яна чиройли уйин утказиб беришди танкидларга жавобан! Шунда яна биз унутдик...Хаммамиз умид килиб юрганган ОК да бунака латта уйинлар бошланди яна! Шим.Корея билан хам уйин латта эди..Салгина иштиёк бор эди холос! Хитой билан уйинда эса умуман уйнашмади! Хохлашмади! Гап нимада? Гап болаларни узида! миржалолни ёктиришмайди и айтганини килишмайди улар! Янги зеландия билан хам Катар ва Бахрайн БАА билан хам Шим Корея ва Хитой билан хам уйин натижасига Миржалолни алокаси йук! Тугри унда тактика хам йук! ОК га терма жамоа мураббийсиз кетган деса хам булаверади..Аммо йигитлар гапни бир жойга куйишса Хитойниям бошкасиниям тиз чуктирарди..Демак улар узаро келишиб олишган! Максаб Миржалол кул остида уйнаш истаклари йук! Буни Усмонов билиши керак эди! Айб Усмоновда! Буларни эрта хуши келса арабларни йиртиб ташлайди...уйнашни хохлашмаса яна уша латта уйинни курасиз

Ушбу фикрга жавобан

ANDUZ
Сана: 17.01.2015 08:27. ANDUZга ёзиш
+0; -0
Миржалолни ТВ ходимлари очикчасига танкид кила олишмайди. Чунки утирган иссик уринлари совиб колиши мумкин. Биргина МИЛЛИОН жамоаси очикчасига танкид килган. Натижа эса лицензиядан айрилиш булди. Бахонани каранг:-миллион жамоаси секс ни сахнада очикчасига олиб чикканмиш. Ха майли унда нега бошка жамоалар (КВН чилар, Дизайнчилар) лицензиясидан айрилишмади. Яна нимамиш МИЛЛИОНЧИ ОТАШ келиб кечирим суради. Э ургилдим, суфе сенга, суралмаган кечиримни суради деб ёлгон гапирган. Косимов футболчилик фаолиятини якунлаганда жуда хам хавотирга тушганман. Худдики кадрдон одамидан айрилиб колган одамдек 1 хафта каловаланиб юрганман. Эндичи Косимов качон кетаркин деб безормиз. Бир караганда айб факат Косимовда хам эмас. Ишонч билдирилган уйинчиларда (футболчилар эмас!!!) хам бор. Биргина Витя яхши уйин курсатади шу бола. Шуни уйнига караб туриб кани энди хамма уйинчилар (футболчилар эмас!!!) шу болага ухшаб ёниб уйнашса деган хаёл билан утираман. Шу бир нарсага хайрон коламан. Кун якунланиб Косимов ухлагани ётганда бошини курпага ураволиб кунини сархисоб килармикин? Килаётган ишларини натижасини ёки келажагини уйлармикин. Биз Косимовни шу кадар танкид остида колдирдикки унда шу танкидларга нисбатан иммунитет пайдо булди шекилли. Укиса ёки эшитса кул силтаб ёки тескари караб кетишни урганиб олган. ТВ журналистлари хам мободо студияга таклиф килиб колишса олдиндан тайёрлаб куйилган савол жавобни ёддан айтиб бераётгандек таасурот уйготади гуё.\n-Хурматли Миржалол Кушокович таасуротлар кандай?\n-Хурматли Миржалол Кушокович режалар кандай?\n-Хурматли Миржалол Кушокович курсатувимиз сунгида мухлисларга тилакларингиз. (яхшиям клавиатурада Ш харфи билан Т харфи ёнма-ён эмас, булмасам роса адашар эдим). ЭЭЭЭЭ пидбол курмай десанг ватанинг шаъни, яна бир тарафдан ишкбозлик. Курай десанг мана карийиб турт йилдан бери шунака асаб бузарлик. Качонгача давом этаркин, хайронман. Майли кутайликчи бош омон булса курамиз, кузатамиз.

Ушбу фикрга жавобан

FAANAT

Сана: 17.01.2015 07:58. FAANATга ёзиш
+0; -0
shunday maqolalar yozadiganlar kupaysin iloxim. Men bir narsani aniq bilaman Mirjalol qo\'rqoq murabbiy ximoyaviy uslubga yopishib olgan uni 2-3 xujumchi bilan uynatganini eslolmayman. agar komanda atiga bir tup farqi bilan ortda qolayotgan bulsa duxiga utiradi bu 180% fakt

Ушбу фикрга жавобан

DONIYORS
Сана: 17.01.2015 02:03. DONIYORSга ёзиш
+0; -0
\nАслида Миржалол Қўшоқович бошқарувидаги терма жамоамизнинг тақдири шу тариқа якун топиши бир неча йиллар олдин маълум эди. Вадим Карленович яратган услубда қарийб тўртинчи йил харакат қилмоқдамиз. 2011 йилги осиё кубогида яратилган Ўзбекистон термаси бугун сўниб бормоқда. Қанотлардан хужум, ўйинчиларнинг индивидуал махоратлари ва эркинликлари эвазига, бурчак ва бошқа стандартларга суяниб қолган терманинг услубини нафақат мен каби оддий мухлис балки бутун Осиё футбол мутахассилари яхши билишади, лекин бизнинг мутассадилар буни хали билишмас. \nКелин термамизнинг бир неча ўйинларига сал чуқурроқ тўхталсак:\n1) ОК 2011 – 07.01.2011 й. Қатар, Доха, Халифа стадиони: Қатар – Ўзбекистон 0:2\nТАРКИБ: Игнатий Нестеров. Анзур Исмоилов. Саҳоб Жўраев. Азизбек Ҳайдаров. Сервер Жепаров. Одил Аҳмедов. Александр Гейнрих. Максим Шацких. Тимур Кападзе. Жасур Ҳасанов. Виктор Карпенко \nГоллар: О.Ахмедов - 59, С.Жепаров - 77\nВ.Абрамов бошчилигида Осиё кубогини мезбонларга қарши бошлаган термамиз, учрашувни икки хужумчи билан бошлаган ва натижада кутилмаган хужумкор, тезкор, мазмунли учрашув ўтказиб 0:2 хисобида ғалаба билан якунланганди. \n 2) ОК 2011 – 12.01.2011 й. Қатар, Доха, Ал Гарафа стадиони: Ўзбекистон – Қувайт 2:1\nТАРКИБ: Нестеров, Андреев, Исмоилов, Аҳмедов, Карпенко, Ҳайдаров, Жепаров, Кападзе, Турсунов (Галиулин, 90), Гейнрих (Новкаров, 74), Шацких (Ҳасанов, 54)\nГоллар: Шацких - 41, Жепаров – 65 - Бадир Ал Мутва\nЭътибор берган бўлсангиз асосий таркибимизда ўзгариш бўлган. Бу ўйинда Сервернинг ажойиб ўйини ва ўша машхур жарима тўпини ёдга олса бўлади.\n3) ОК 2011 – 16.01.2011 й. Қатар, Доха, Ал Гарафа стадиони: Хитой – Ўзбекистон 2:2 \nТАРКИБ: Нестеров, Андреев, Исмоилов, Аҳмедов, Карпенко (Муллажонов), Ҳайдаров, Жепаров (Саломов), Кападзе, Новкаров (Турсунов), Гейнрих, Шацких \nГоллар: О.Ахмедов – 30, Гейнрих – 46 - Ю Хай – 7, Хао Цзюньминь – 56\n4) ОК 2011 – 21.01.2011 й. Қатар, Доха, Халифа стадиони: Иордания – Ўзбекистон 1:2\nТАРКИБ: Игнатий Нестеров (Тимур Жўраев, 62), Шавкат Муллажонов, Одил Аҳмедов, Саҳоб Жўраев, Азизбек Ҳайдаров, Санжар Тусунов, Тимур Кападзе, Сервер Жепаров, Жасур Ҳасанов (Станислав Андреев, 57), Александр Гейнрих (Анзур Исмоилов,76), Улуғбек Бақоев\nГоллар: У.Бақоев – 46. 49\n5) ОК 2011 – 07.01.2011 й. Қатар, Доха, Халифа стадиони: Ўзбекистон – Австралия 0:6\nТАРКИБ: Т.Жўраев, Исмоилов, С.Жўраев, Хайдаров, Жепаров, Кападзе, Ахмедов, Карпенко (Азиз Ибрагимов, 71), Хасанов (Бикмаев, 55), Шацких (Турсунов, 60), Бақоев. \nУшбу учрашувда жамоани асосий дарвозабони ва хужумчиси Нестеров ва Гейнрих жарохатлари сабаб майдонга туша олишмади. “Соккеруз”лар хисобни очганидан сўнг термамиз тўпга эгалик қилиб ранг баранг хужумлар билан олдинга ўтади. Аммо Австралия контрхужумлари хисобни йирик бўлишини таминлайди.\nХуллас ўша таркибда ўйнаган аксарият футболчилар хозир хам фаолиятини давом эттиришмоқда, базилари ажойиб спорт формасида лекин ўша ўйин, бир бирини тушуниш, тезкор хужумлар умуман термамизда йўқ. \nНазаримда Қосимовда АЙБ ЙЎҚ! У инсон қўлидан келганини қилди. Ўзининг химоявий тактикаси билан шу кунларгача олиб келди термани. Аммо Миржалол Қўшоқовичнинг салохиятини билган ЎФФ ходимлари унга яна ва яна ишониб, стадионларимиз хувиллаб кетишига ва мамлакатимиз футболи ривожига тўсқинлик қилишаётканини балки англаб етишмаган бўлса керак. Зеро бу тактик услуб билан, футболчиларимизнинг махоратини қайси селекционер бахолай олади? Кимга тўпни шеригига ошира оладиган легионер керак? (Шуниям қоиллатомидиганлариям бор термамизда) \nФутболимиз катта ўзгаришларга мухтож! Янги тактика, янги услубларга мухтож, ўша қарияга чиқарган футболчиларимиз ўнлаб ёш футболчиларни ортидан тортиб ўйната оладиган йигитлар, ўша биза қария диган футболчиларимиз, Қосимовни термадаги фаолиятини шу кунларгача олиб келган, жонини жабборга бериб курашган, термани шу босқичларга олиб чиқган футболчилардир. \nБу термамиз чиройли ва қудратли ўйнашга қодирлигини юқорида келтириб ўтдим, агар йигитларга тўғри йўл кўрсатиб, уларни тўғри бошқара билса ишончим комилки бу йигитлар албатта Ўзбекистонни ЖЧ 2018 га бошлай олади. Умидим бу натижалар, шунча зое кетган йиллардан хулоса чиқариб, ЖЧ 2018 саралашига қадар мутассадиларимиз керакли ва самарали ўзгаришлар қилиб барчамизни қувонтиради.\n\n\n\nтактик у\n\n\n\n\nфутболчилар мураббийдан норози бўлса нима қиларди? Мани назаримда термани ички мухити жуда ва жуда аянчли ахволда! Фақат буни футболчилар очиқчасига этишига андишаси йўл қўймиди, йўки термани таркибдан айрилиб қолшидан қўрқса керак. Зеро мақолада келтирилганидек М.Қосимов кетишига хеч ким вада беромиди. Агар якшанба куни ғалабага эришиш бахтига муяссар бўлишса, Тошкентга қайтганда термамиз минимал вазифани бажариб қайтди деган бахона ва лағмонхоналарни "футбол шархи"да кўриб қон босимимиз 1000 бўб ўтирвурамиз. \n Тактикани қарела, умуман замонавий футболга мос кемиди. Худди қариялар компьютерда ишлаши ўрганоми, халиям таблицалани линейка орқали қоғозга туширгани каби, Миржалол ака ўзлари ўйнаган даврди араб жамоаларини тактикасини қўллашларига қоил қоламан. Дунё билган юлдузларимиз "хоп ака" деб, 22 дақиқадан бошлаб 1 тайм тугагунига қадар фақат тўпни чапдан ўнгга ошириш билан машғул бўлишди. Бирон мартда чин кўнгилдан хужум уйиштиришга интилишмади. Учрашувни адашмасам 15 дақиқасида тўпни эгаллаш бўйича статистика 72 га 28% \n

Ушбу фикрга жавобан

ARDUS
Сана: 17.01.2015 00:11. ARDUSга ёзиш
+0; -0
maqolaga gap yo\'q ayni haqiqat yozilgan.

Ушбу фикрга жавобан

MANCHESYU
Сана: 16.01.2015 23:46. MANCHESYUга ёзиш
+0; -0
эртанги уйинда хам кон килади латтаси чикган 4-5-1 б.н 2 хужумчи куймайди марказ хам марказдан утмайди яхшиям уйин 90 минут Косимов пойлокчи болларга айтган пойланглар кулай вазиатни деб агар 2 кун хам пойлайди ! Мураббийда аник билим йук

Ушбу фикрга жавобан

MANCHESYU
Сана: 16.01.2015 23:39. MANCHESYUга ёзиш
+0; -0
Косимов мураббий сифатида хеч качон маглибиятдан уялмайди факат йирик маглубиятдан куркади. 2-1 нима 3- 1 нима ? С. Араб-КХДР хисоби аник эди 17-1 ни бормайдими хужимга

Ушбу фикрга жавобан

MAFIA
Сана: 16.01.2015 23:16. MAFIAга ёзиш
+0; -0
Haligacha takrorlayman Muhammadiyevni o\'ng qanot hujumga qo\'yish kerak deb. Tursunovni joyiga

Ушбу фикрга жавобан

RSAIDIY
Сана: 16.01.2015 23:16. RSAIDIYга ёзиш
+0; -0
hech qayerda tanqidiy maqola ko\'rmadim, debsiz. yo\'q, Orzumurod, aynan std.uzda Qosimov ko\'p tanqid qilindi. ba\'zi yuzerlar esa tanqid bilan fikr bildirmay, tillariga erk berib yuborishdi. buni xunuk holat deb bilaman, saytni bulg\'ashdan boshqa narsa emas!\nMaqola muallifiga esa rahmat. izlanishdan to\'xtamang.

Ушбу фикрга жавобан

ABOMUSLIM
Сана: 16.01.2015 23:12. ABOMUSLIMга ёзиш
+0; -0
Агар Миржалол Саудияни ютиб чорак финалга чиқса ҳам уни термадан бўшатиш керак.Чунки барибир Австралиядан йирик ҳисобда ютқазади. Агар шундан кейин ҳам кетмаса МТЖдан Унинг уяти йўқ экан.

Ушбу фикрга жавобан

BULUT
Сана: 16.01.2015 23:04. BULUTга ёзиш
+0; -0
Яхши фикрлар, яшанг

Ушбу фикрга жавобан

JONIREALBEYL
Сана: 16.01.2015 22:54. JONIREALBEYLга ёзиш
+0; -0
Косимов термадан кетмаса тупурдим футбол курмаймиз ким мухлислик килса килаверсин яна бир гап худо бор тепада миржалол балки худони тан олар. Мухлис халкни калбини огритганни уйи куйиб кукка соврилсин кон йиглатдинг миржалол. Э боре менга барибир ютасанми арабларни ютказасанми узбек футболини улдирдинг яшасин STADION.UZ сайти НОМЕР ОДИН

Ушбу фикрга жавобан

LASSETTIUZB
Сана: 16.01.2015 22:50. LASSETTIUZBга ёзиш
+0; -0
яхши мақола

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.