Stadion.uz мухлислари
Мухлис минбари
ОЧЛ. Чайқалиш ва тебранишлар ортда қолгандир?!
| Баҳо: |
+2; -0
|
Футболни алдаб бўлмайди. Жамоаларимизнинг Осиё чемпионлар лигасида кўрсатаётган натижалари бу фикрни тасдиқлаб турибди. Пала-партиш ўйин, болаларча хатоликлар, гол уролмас ҳужумчилар, мана сизга Олий деб аталмиш лигамизнинг асл кўриниши, юзи.
“Юзинг қийшиқ бўлса, ойнадан ўпкалама”, - деган мақолни халқимиз бежизга ўйлаб топмаган. ОЧЛ ойна ва биз унда юзига ҳуснбузару тошмалар тошган ўз футболимизни кўряпмиз. Хоҳ клубимиз бўлсин, хоҳ терма жамоамиз ўйнаган ўйинлар бўлсин, ҳакамлар бизга қаршидек туюлаверади, уларнинг қарорлари бизнинг мағлубиятларга сабабдек кўринади, лекин ҳар ким экканини олади, лойиғини олади. Олий лигамиздаги муаммолар халқаро майдонда оёғимизга болта урмоқда. Энг кулгилиси матбуот анжуманларида кутилмоқда. Рақиб мураббийи ўйин олдидан жамоаларимиз кучли эканини таъкидлаб, мақтаб, бошимизни силаб ютиб кетишмоқда. Бизнинг мураббийлар эса мавсум боши эканлиги, яхши спорт формасига чиқиб улгурмаганлигини, камчиликларни тўғрилаш учун ҳаракат қилишаётганлигини таъкидлашдан нарига ўтишмаяпти.
Қизиқ, шунча пайт Туркия ва Дубайда нима ишлар билан банд бўлишди экан. Ҳозирги натижаларни қайд этиш учун харажат қилиб, хорижда сафар йиғинлари ўтказиш шартмиди? Сўнгги йилларда биз арабларга қарши ўйнашни ўрганиб олдик, энди уларни бемалол ютамиз деб юрардик, аслида ҳам уч тўрт йил олдин шундай бўлаётган эди. Лекин футбол бир жойда тўхтаб турмайди. Бизнинг мураббийлар ҳали ҳам ўша хаёл билан юрган бир вақтда Араблар бизга қарши қандай ўйнаш керак эканлигини ўрганишибди, изланишибди ва энди ютуқларни қўлга киритишмоқда. Нима ҳам дердик, ош бўлсин деб қарсак чаламиз холос.
Бир пайтлар Абрамов арабларга қандай ўйнаш кераклигини шундай ифодалаган эди: араблар учун футбол, бу кўнгилхушлик, мисоли хобби. Уларга тўпни берсангиз бўлди, истаган ишини қилади, индивидуал ҳаракатлар билан кўнглига ёққан трюклар қилади. Уларга қарши қандай ўйнаш керак биласизми, жавоби оддий, тўпни олиб қўйинг ва берманг, тўпсиз қолган араб ҳеч ким. Айнан шундай усулда чиройли ғалабалар қўлга киритилди. Энди эса араблар ҳам бизга қарши жудаям оддий усулни қўллашмоқда: ўзбекларга ташаббусни беринг ва қанотларни ёпинг, ҳимояда зич ўйнанг ва қарши ҳужумда тезлигингизга ишонинг. Бор йўғи шу.
Бизнинг мураббийлар ўз устида ишламай хомхаёлларга берилиб юрган вақтда, араблар хорижлик мураббийлар билан шартнома имзолаб, ўз жамоаларини кучайтириб боришмоқда. Шундай экан жамоаларимиз савиясиз легионер футболчилардан кўра бир дона савияли хорижлик мураббий билан шартнома тузсалар ва ўз академияларига эътиборни кучайтириб борсалар мақсадга мувофиқ бўлармиди? Агарда хорижлик мураббий келса, “Пахтакор” таркибидаги Сергеев, Искандаров, Машарипов каби футболчиларнинг янги қирралари очилишига ишонаман. Бу билан Бабаян ёмон мураббий демоқчи эмасман, ўтган йилги чемпионлик тасодифан рўй бергани йўқ ва бунда мураббийни ҳиссаси беқиёс албатта. Аммо Бабаян “Пахтакор”да неча йиллардан бери ишлаб келмоқда, шу жамоа ичидаги одам. Бу вақт оралиғида у жамоасини ташқаридан кузатиш имконига эга бўлмаган. Жамоа ичидаги баъзи бир камчиликлар, ишлаш тартиби, машғулотларга кўз ўрганиб, кўникиб кетган. Шундай пайтда жамоада хорижлик мутахасис иш бошласа қандайдир янгиланиш сезилади, футболчилар ҳам доимий бир хил машғулотлар билан биргаликда ўзлари учун янгилик бўлган қўшимча машғулотларни ўрганишади, жамоада янги тактик услублар пайдо бўлади. Бу билан эса фақатгина жамоа ютади, футболчилар ҳам ўсишдан тўхтаб қолмай, янада ўз устиларида ишлаб, юқори даражага чиқишар, шунингдек янги номлар пайдо бўлиш эҳтимоли ошган бўларди. Мисол учун Одил Аҳмедовни ҳам жамоада бир муддат ишлаган россиялик мутахассис Непомняшчий кашф этган эди.
Нафақат “Пахтакор”да, балки қолган жамоаларда ҳам аҳвол шундай. “Насаф” жамоаси Коблашни нима учун таркибга жалб этган, очиғи тушунолмадим. Бу футболчи Осиё чемпионлар лигасида тўп сурувчи жамоада ўйнашга нолойиқ эканлигини ўтган учта тур кўрсатиб берди. Балки унинг ўтган йилги ўйинлари Бердиевга манзур бўлгандир, лекин бу йил у ҳозирча ишончни оқлай олмаяпти.
“Локомотив”дан кўпчилик ижобий натижалар кутаётган эди, лекин Абрамов бошчилигидаги темирйўлчилар ҳаммани ажаблантириб қўйишди. Жамоада қандайдир босим ўз ўйинини кўрсатишга халақит қилаётгандай туюлмоқда. Шунингдек жамоага келиб қўшилган Зотеев ва Копадзе ҳам ишончни оқлай олишмаяпти. Ўз навбатида Нестеровни жарохат олиши ҳам жамоага қимматга тушмоқда. Легионерлардан Кояшевич ўзини яхши томонлама кўрсатмоқда холос, қолганлари эса ўзимизникилардан қолишмайди.
Шунингдек, ОЧЛ ўйинларида мураббийни ҳам бир қатор тактикалар, экспериментлару, таваккалчилика қўл уриши ҳам, юмшоқ қилиб айтганда, ўхшамади. Энди араблар бир пайтлар Абрамовни ўзи айтганидек футбол кўрсатишмаяпти. Мураббий эса бир пайтлар эришган чўққини янгилаш эмас, аксинча уни сақлаб қолишга ҳаракат қилмоқда. Бу хол эса Вадим Карленовичга босим бўлмоқда.
“Бунёдкор” эса ҳаммасини чиройли бошлаган эди, лекин кейинчалик жамоа ўзи учун керакли натижаларни қайд эта олмаяпти. Лушчан эса жамоа ўйинини С.Рашидов атрофида қурмоқчи бўлаётгани учун айблаш мумкин. Бу ҳол Рашидовга ҳам босимни оширмоқда. Очиғи, Осиё Кубогидан сўнг Сардорни ўйинида ҳам пасайиш кузатилмоқда. Мухлислар ҳам энди ундан жуда кўп нарса кутишаётганлиги ҳам Сардорни босим остида қолишига сабаб бўлмоқда. Вақт кутиб турмайди, кўз очиб юмгунча ОЧЛ гуруҳ босқичини бир давраси ортда қолди, энди жамоаларимизни хато қилишга ҳақлари йўқ.
Ҳар қандай чайқалиш ва тебранишлар ортда қолиб, фақат ижобий натижалар талаб этиладиган ўйинлар бошланиш арафасида, умид қиламизки, бу тўртовлон келгуси ўйинларда йўл қўйилган хатолардан хулоса чиқариб, чиройли ўйинлар ва ютуқлар билан мухлисларни хурсанд этишади. Биз бунга ишонамиз ва қўллаб-қувватлашда давом этамиз.
Маъмуржон Тиллабоев (Mamrino)
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 WRBEIRQX  |
Сана: 06.08.2024 06:33. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 06:33. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 06:30. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 06:30. WRBEIRQXга ёзиш |
+0; -0
|
|
1
|
 KUBOK |
Сана: 02.04.2015 08:29. KUBOKга ёзиш |
+0; -0
|
|
0
|
 UZRESPECT |
Сана: 02.04.2015 06:30. UZRESPECTга ёзиш |
+0; -0
|
|
0
|
 KARIMZHONS |
Сана: 02.04.2015 00:34. KARIMZHONSга ёзиш |
+0; -1
|
|
0
|
|
MESSISUARIS |
Сана: 01.04.2015 23:13. MESSISUARISга ёзиш |
+0; -0
|
|
0
|
 DAMIR |
Сана: 01.04.2015 22:22. DAMIRга ёзиш |
+0; -0
|
|
0
|
 UZBEKISTONIM |
Сана: 01.04.2015 21:33. UZBEKISTONIMга ёзиш |
+0; -0
|
|
0
|
|
FLORENTINO |
Сана: 01.04.2015 20:38. FLORENTINOга ёзиш |
+0; -0
|
|
0
|
 BECKHAM |
Сана: 01.04.2015 20:23. BECKHAMга ёзиш |
+0; -0
|
|
0
|
 BUNGO |
Сана: 01.04.2015 19:55. BUNGOга ёзиш |
+0; -0
|
|
0
|
МУАЛЛИФНИНГ БОШҚА МАҚОЛАЛАРИ
- Шарҳловчи ким? У қандай бўлиши керак?
- Терма жамоадаги дўстимга!
- «Ерни чуқурроқ ҳайдолмайдиган» ПФЛ?
- Голлар ўнлиги
- Тарихий шаҳарларимиз ОЧЛга муносиб!
- Бугун байрам!
- Узилган ришта
- Самвел Бабаян Терма жамоалар марказини «одам» қиладими?
- Алло, тириклар борми?
- Йўқолиб, унутилиб кетманг, укаларим!
- «Намунали мухлис» меҳмони — Kasperskiy
- Янги танишимиз — Филиппин
- «Нефтчи» мухлислари нимадан норози?
- «Спорт-ТВ» — нокаутчими ёки нокдаунчи?
- ОЧЛ. Чайқалиш ва тебранишлар ортда қолгандир?!
- Жаноби гол аввало мухлис учун
- «Намунали мухлис» меҳмони — AlBuxoriy
- Оқ йўл, Лушчан полвон, парвозинг баланд бўлсин, «қалдирғочлар»!
- «Нефтчи» мухлисидан Маъмур Икромовга икки оғиз гап
- Ихтиро. Футбол мухлислари учун янги дори!
- Олимпия терма жамоамизга хорижлик мураббий керак!
- «Намунали мухлис»: «Андижон» чемпион бўлмаса ҳам, терма ЖЧга чиқса бўлгани
- «Намунали мухлис» лойиҳасининг илк меҳмони
- Омонат пойдевор
- Маркетинг ва ТЖМ бир-бирига «ўгай»ми?
- Осиё кубоги-2015: ютдикми, ютқаздикми?
- Кимни алдаяпмиз?
- Ғалаба сари йўл
- Stadion.uz юзeрлари учрашуви ҳақида
- Уч ёшинг муборак, Stadion.uz!
- Осиё кубоги-2015. Саудия Арабистонига қарши таркибни топишга ҳаракат қилинг
- Ичимда қолишни истамаган дардларим...
- Танлов ғолиби билан суҳбат
- Осиё кубоги-2015. Хитойга қарши таркибни тахмин қилинг
- Терма жамоамизга аталади
- Сутми, қаймоқми?
- Stadion.uz мухлислари учрашувига таклиф этамиз
- Stadion.uz сайти мухлисларига бағишлов
- Қалбаки чемпионатга қалбдан таклифлар
- УEФАга ўтайлик...
- Суғур куни
- Ўзбек футболи қачон ривожланади?
- Футбол ва жамият
- Stadion.uz юзерларининг илк учрашуви
- Хиросима «олтини» Инчхонда ҳам такрорлансин!
- Футболимиз бозори ёпилаётган паллада...
- Биз барчадан олдиндамиз!
- Болта шўрва
- Бизнинг «месси»лар қаерда...
- Газета ва интернет
- Ўзбек ўғлони
- Футбол оламидаги қизиқарли воқеалар
- ЖЧ-2014: Кучлилар кўп, аммо чемпион ким?
- Тўқликка шўхликми?
- Мундиал пайтида қизларга маслаҳатлар
- «Спорт-ТВ» ёки «Дангаса-ТВ»?
- Мухлислик — надур?
- Бу кўзларга шодлик ярашар
- «Спорт-ТВ» — Олий лига кўзгуси!
- Шамол бўлмаса, дарахтнинг учи қимирламайди
- Мард мураббий
- Раҳмат сенга, Райан!
- Техника жойида, жисмоний ҳолат-чи?
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
