Кириш Регистрация
24/04 00:00 Арсенал 5-0 Челси
24/04 12:00 Тожикистон 2-1 Афғонистон
24/04 14:00 Эрон 6-1 Қирғизистон
24/04 16:00 Таиланд 3-2 Ироқ
24/04 19:00 Ўзбекистон 2-1 Вьетнам
24/04 22:00 Лорьян 1-4 ПСЖ
24/04 23:45 Вулверхэмптон 0-1 Борнмут
25/04 00:00 Кристал Пэлас 2-0 Ньюкасл
25/04 00:00 Ман. Юнайтед 4-2 Шеффилд Юнайтед
25/04 00:00 Эвертон 2-0 Ливерпуль
25/04 00:00 Монако 1-0 Лилль
25/04 00:00 Марсель 2-2 Ницца
25/04 19:00 Қатар - Япония
25/04 22:30 Жанубий Корея - Индонезия
26/04 00:00 Брайтон - Манчестер Сити
26/04 19:00 Ўзбекистон - Саудия Арабистони
26/04 22:30 Ироқ - Вьетнам
26/04 23:45 Фрозиноне - Салернитана
27/04 00:00 Монпелье - Нант
27/04 00:00 Реал Сосьедад - Реал Мадрид

Блог

Stadion.uz мухлислари

Мухлис минбари

Осиё кубоги-2015: ютдикми, ютқаздикми?

Баҳо:
+1; -0

Икки нафар сайт мухлиси бир мавзу атрофида икки томондан ўз фикрлари билан ўртоқлашишди. Савол: Ўзбекистон терма жамоаси Осиё кубоги-2015дан нима ютдию, нима ютқазди?

ЮТДИК
Осиё кубогида терма жамоамиз чорак финалданоқ курашни тўхтатди, лекин бу турнир орқали биз керакли тажрибага эга бўлдик, шу тарафдан биз учун фойдали бўлди.

1. И.Сергеев, С.Рашидов, Ж.Искандеров, Ш.Муҳаммадиев, Сайфиев, Суюнов, Кримец каби терма жамоамизни келажаги бўлган бу футболчилар илк бор катта турнирда қатнашиш бахтига муяссар бўлди. Бу улар учун бебаҳо тажриба бўлиб хизмат қилди. Хатолар бўлиши табиий, лекин бу хатолар айнан Осиё кубогида бўлгани билан биз учун фойдали, эртага ЖЧ саралаши мобайнида бўлганидан кўра, шундай эмасми?

2. Агарда биз Ж.Кореяни мағлуб этганимизда, камида ўтган сафарги натижани такрорлаган бўлардик, бунинг устига рақибимиз Ироқ термаси бўлиши ва уларга ҳурмат сақлаган ҳолда айтишим мумкинки, биз финалгача бемалол боришимиз мумкин эди, гарчи Денисов, Исмоилов, Аҳмедовсиз ҳам. Лекин бу ҳолатда бизнинг кўплаб муаммоларимиз ёпиқлигича қолар, камчиликларимиз билинмай кетар, қисқаси “ерни чуқуроқ кавлаган” бўлиб чиқардик. Оқибатда ЖЧ саралаши давомида биз яна эски хатоларни такрорлаб юришимиз аниқ эди. Энди-чи? Айни вақтда вазифа бажарилмади, ўзимизга, бажарилган ишларимизга танқидий кўз билан қарашга мажбурмиз. ТЖМнинг фаолияти қониқарсиз даража эканлиги ойдинлашди, ўртоқлик ўйинларида фақат араблар билан ўйнадик, холбуки, Осиё кубогида биз Шарқ жамоаларига тўқнаш келишимиз олдиндан аниқ эди. КХДР, Хитой ва гуруҳдан чиқсак, Австралия ёки Ж.Корея билан ўйнаш эхтимоли юқори эди, амалда ҳам шундай бўлди. Ўртоқлик учрашувлари фақатгина Саудия билан ўйнаш учун ўтказилдими? Ана шундай саволларга жавоб топиш ва камчиликларни қайтармаслик учун энди бизда ислоҳотлар учун вақт бор, акс ҳолда ўзимизни алдашда давом этар эдик, бу бизни фойдамизга ишламаслиги аниқ эди.

3. Ниҳоят мураббий масаласини кўриб чиқиш имкониятига эга бўлдик. М.Қосимов шу вақтга қадар терма жамоа рулини қутқарувчи сифатида ярим йўлда қабул қилиб олар ва вазифа бажарилмаган тақдирда ҳам ўзини оқлаш учун сабаб бор эди. Гарчи у шу пайтгача ундай қилмаган бўлса ҳам (асосан бу ишни унинг учун бошқалар амалга оширишар эди). Осиё Кубоги 2015га эса у бошдан охиригача жамоани ўзи бошқарди. Саралашдан то чорак финалгача бўлган йўлни босиб ўтди. Энди унинг фаолиятига баҳо бериш имкониятига эгамиз. Унинг ўз лавозимида қолиш ёки қолмаслиги бошқа масала, лекин буни кўриб чиқиш учун ҳозир айни пайти. Бу ҳам фойдали жиҳат биз учун. Қайтараман Осиё кубогида муваффақиятли иштирок этганимизда бу масалани кўриб чиқишга эҳтиёж ҳам, хоҳиш ҳам бўлмас эди. Энди муҳокама қилиб кўриш имкониятига эгамиз. Қосимов билан Жаҳон чемпионатига бора оламизми ёки вақт борида янги мураббий тайинлаш керакми? Ўйлаймизки, тез орада бу саволларга жавоб топамиз.

Шахсий фикримча, агар хориждан мураббий олиб келмайдиган бўлсак, Қосимовнинг қолгани маъқул, ҳар ҳолда бизда унинг ўрнига келадиган ва ундан устунроқ мураббийни кўрмаяман. Лекин Қосимовнинг ўзи қандай фикрда? Балки уни ҳам эшитиб кўриш керакдир. Бунга ҳам бизда вақт ва имкон борлиги фойдали.

Хуллас, Осиё кубогидан ютқазиб ютганларимиз шулардан иборат, албатта хатолардан хулоса чиқарсак ютган бўламиз, акс ҳолда Россия майдонларида бўладиган жахон чемпионатига саралаш даврида ҳам бизга 2тагина гол етмай қолиши мумкин.

ЮТҚАЗДИК
Осиё кубоги-2015дан ўзбек футболи ютқазди. Ҳа, дарҳақиқат ютқазди! Сабаб дейсизми? Демак, сабаби бундай, биз Осиё кубоги ғолиблигига даъвогарлик қилолмасдик, аксинча, гуруҳдан чиқиб, сал узоқроққа боришга ҳаракат қилардик ва қилдик. Ўзингиз ўйланг, ҳозирги ҳолатда биз биз Осиёда ўртамиёна, роса ўйинимиз чиқса, ўртамиёнадан сал баландроқмиз. Демак, Осиё кубогида медаллар учун курашолмаслигимиз аниқ экан, нега миллий терма жамоамизда тубдан ёшартиришни амалга ошириб, Россия-2018 йўлида Осиё кубогини аниқ мақсадлар йўлида қурбон қилганимиз маъқул эмасмиди? Барибир қурбон бердикку? Бу ҳолат ҳам ТЖМнинг қанчалар узоқни кўролмаслиги, вақтинча натижаларга зўр беришини кенг оммага кўрсатиб қўйди! Ҳа, ушбу Осиё кубогида ўзбек футболи энг асосий ва аёвсиз бўлган вақтдан ва мақсаддан ютқазди!!!

Яна бир ҳолатга этибор берсак, Саудияга қарши ўйиндаги ғалаба ЎФФ ва ТЖМ, э борингки, ПФЛнинг гўёки тўғри йўлдан кўрсатаётгани, ҳисоботларда вақтинчалик натижа деб футболимизни қурбон қилиб биз гуруҳдан чиқдик, озгина омад келмай қолгани учун мусобақадан уйга қайтдик деб ўзларини, оммани алдашади, аслида эса ботқоқ томон бормоқдамиз, футболимиз юришни истамаса, ботқоққа мажбурий судраб боришмоқда. Балки гуруҳдан чиқолмаганимизга қандайдир ислоҳотлар бўлармиди (мен гуруҳдан чиқишимизни чин дилдан истаганман). Ҳеч бўлмаса чет элдан ёрдамчи мутахассис ва ТЖМ ва ЎФФга малакали, юракдан элим деб, юртим деб, кўзларидан ўт чақнаб ёниб ишлайдиганларни ишга олишармиди?! Яна билмадим...

Вақт ўтмоқда, уни тўхтатиб бўлмайди. Россияга боришни хоҳлайдиган терма жамоалар аллақачон энг камида тўрт йиллик аниқ режа асосида мехнат қилишни бошлаб юборишган, керак бўлса 2,5 йилдан кейинга ҳам ФИФАни бўш кунларига ўртоқлик ўйинлари учун рақибларини аниқлаб бўлишган. Биз-чи? Бизда нари борса ярим йиллик аниқ режа бўлмаса керак, раҳбарият хотиржам ҳали вақт бор деб хотиржам. Аммо эртага худо пошшо қабилидаги ишларга эса ҳаммамиз ўрганиб бўлдик, гўёки ҳаммаси шундай бўлиши керакдек, аслидачи? Аслида эса бундай турнирлар Олий лигамизни савиясини кўрсатиб берди ҳаммага. Жамшидни, Сергеевни, э борингки, ҳамманинг савиясини кўрсатиб берди. Ҳозирги ҳолатда Қосимов ундоқ, Қосимов бундоқ, қолганлар оппоқ. Нимага??? Негаки, улар панада ўз ишлари билан банд. Қосимов кетсин дейишмоқда, ўрнига ким келади? Яна шу коллектив билан ишлайдими? Бундан қандай наф, агарда Қосимовнинг ўрнига ўзимизда бирор мураббий тайинлашса, яхшиси Қосимовнинг жойида қолдираверишсин, барибир эски тоғара, эски ҳаммом...

ОРЗУ...
Баъзан ЎФФни азим чинорга ўхшатгим келади. Йўғон танаси шамолу-бўронларга дош бериб, қалин пўстлари танасини музлама-совуқлардан ҳимоя қилсин, бошланғич йўғон шохларни эса ПФЛ, ТЖМга ўхшатгим келади. Улар ўсаётган шохларни янаям баландроқ ўсишига, ўсаётган янги шохларни шамолларда синиб кетишидан асрашини хоҳлайман. Майдароқ шох-шаббаларни мураббийларга ўхшатдим, улар ҳар баҳор янги-янги куртакларни оламга кўз-кўз қилиб, бутун ёз бўйи ривожлантириб, кузда эса шохидан ажратиб бошқа жойларга юборсин. Куртаклар эса, ўзингиз тушунгандирсизлар... Куртаклик чоғидаёқ одамларнинг кўзини яшнатсин, бутун фасллар давомида ҳавони чангу-гардлардан тозалаб, одамларга завқ улашсин.

Ҳали гапирадиган гапларимиз ниҳоятда кўп, қолганини кейинги сафарга қолдирдик.

Маъмуржон Тиллабоев (Mamrino)
Шавкатбек Неъматов (ShavkatFCB)

Киритилган сана: 26.01.2015 11:22. Ўкилди: 9269 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


SHEYX
Сана: 26.01.2015 17:43. SHEYXга ёзиш
+0; -0
NORAKAга, \nFikrizga qo\'shilaman. Qosimovdan kelajakda zo\'r murabbiy chiqishiga ishonaman. Hozir u tajriba to\'plash davrini boshdan kechirmoqda. Ammo masalaning yomon tarafi shundaki, milliy terma jamoa tajriba to\'plash joyi emas. Aksincha o\'zbek murabbiyligidagi eng yuqori palka. Bu joyni O\'zbekistonnig eng tajribali va eng zo\'r murabbiyi egallashi lozim. Agar ayni paytda tajriba ortirayotgan Qozimovimizdanda yaxshiroq murabbiy yo\'g\'akan nega chetdan tajribali murabbiy olib kelmasligimiz kerak?!

Ушбу фикрга жавобан

NORAKA
Сана: 26.01.2015 16:13. NORAKAга ёзиш
+0; -0
Биз ютқаздик.Илгари ҳам Саудияни 2007 йилда гуруҳда ютганмиз,Плей оффга мана 3 марта чиқдик.Булар янгилик эмас.Биз олға қадам ташламасдан бир жойда туриб қолдик холос. Шу ОК даги таркиб жуда кучли эди.Айниқса ўрта чизиқ буни Одил,Сервер,Азиз ,Жамшид ҳисобига.Буни бошқалар ҳам таъкидлашди.Аммо шу ярим ҳимояни жамлаб ўйната олмадик.Бири ўйнаса 2 таси захирада.Ҳужум чизиғи хам парокандаликка юз тутди.Хулоса битта шу таркиб билан бир натижага эришолмадими демак ҳали Қосимов бош мураббийликка тайёр эмас.ОК бу ЖЧ даъво қилишнинг бир босқичи булиб биз ҳали шу босқичда бирон нарсага эришмадик.ЖЧ га терма жамоаларни олиб чиққан мураббийлар таркибига боқсангиз ҳаммасининг тажрибаси жуда юқори.Яна бир нарса бизнинг терма жамоа саралашни,боринг ана биринчи босқични бир бало қилиб уддалаши мумкин.Лекин плей офф бутунлай бошқа масала.Мисол Узбекистон-Иордания.,ўтган Осиё кубоги ярим финаллари.Бу ерда қилинган хатони тўғрилашга имкон йўқ. Хулоса шуки Косимов балки келажакда булар лекин ҳозир эмас.Шу сабабли ўзгаришлар қилиш керак акс ҳолда бир жойда қотиб туришимиз ҳам амри маҳол.Майдонга БАА,Хитой,Қатар кириб келмоқда.Келгусида уларни ҳам ютиш муаммо

Ушбу фикрга жавобан

OVSARBEK
Сана: 26.01.2015 15:19. OVSARBEKга ёзиш
+0; -0
Xorijdan murabbiy? Hay, xudo xayrlaringni bersin! Qaysi pulga? Axir MTJ ning bosh murabbiyligiga maosh chegaralangan-ku!? Bilmadim, boshliqlarga oson emas deb eshitganman... Lekin, kimnidir almashtirish kerak busa, hozir ayni vaqti!

Ушбу фикрга жавобан

SHEYX
Сана: 26.01.2015 13:56. SHEYXга ёзиш
+0; -0
Ikkala muhlisning ham fikrlari bir joydan chiqqan. Yuttik yo yutqizdik db ajratishi hojatiyam yo\'q.

Ушбу фикрга жавобан

FAANAT

Сана: 26.01.2015 13:35. FAANATга ёзиш
+0; -0
bu QOSIMOV degani MTJDAN ketmas ekan demak MTJ moshpoyaga xam bora olmaydi

Ушбу фикрга жавобан

MUXLISUZB
Сана: 26.01.2015 13:18. MUXLISUZBга ёзиш
+0; -0
ХОРИЖДАН ТРЕНЕР ОЛИБ КЕЛГАНДА ХАМ АНЧА ТАЖРИБАЛИСИНИ ОЛИБ КЕЛИШ КЕРАК, БУЛМАСА КОСИМОВНИ УЗИ ЯХШИ.

Ушбу фикрга жавобан

QUVADAN
Сана: 26.01.2015 12:44. QUVADANга ёзиш
+0; -0
Косимов кетиши керак ва хориждан тажрибали мураббий олиб келиш керак. Косимов термани 2 марта жч га олиб чиколмади, осиё уйинлари ва осиё кубогида чорак финалдан кайтди яна канча имконият бериш керак хамма нарсани хам чегараси борда БАА ва Ирок ни таркиби бизникидан кучлими. Аник айтишим мумкин биз уларда 2 баробар кучлимиз факат аник максад сари етаклайдиган мураббий йук

Ушбу фикрга жавобан

PULJAM

Сана: 26.01.2015 12:21. PULJAMга ёзиш
+0; -0
:coolsmile: :coolsmile: :coolsmile:

Ушбу фикрга жавобан

KAKASTAD
Сана: 26.01.2015 12:16. KAKASTADга ёзиш
+0; -0
Ma\'murjon Shavkatbek bor ekansizlaru? Nima endi faqat muxlis minbaridan turib muxlislar fikrini ochiq ayta oladi xolosmi? Nimaga buncha qo\'rqoq jurnalistlar? Mirabror Zuvarovich Usmonov kim o\'zi? U biz muxlislar va jurnalistlar uchun UFF rahbari xolos.

Ушбу фикрга жавобан

FARHODRUZIEV
Сана: 26.01.2015 12:13. FARHODRUZIEVга ёзиш
+0; -0
Kosimovni bushatish kerak,uning urniga horijdan malakali murabiy kerak va uff dagilar uning ishiga umuman aralashmasinlar.Uzi hohlagan uyinchini tushirsin.

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.