Кириш Регистрация
28/03 19:00 Динамо - Металлург
29/03 19:00 ОКМК - Бунёдкор
29/03 19:15 Қизилқум - Локомотив

Блог

Stadion.uz мухлислари

Мухлис минбари

Алло, тириклар борми?

Баҳо:
+0; -0

Янги Зеландияда бўлиб ўтган ёшлар ўртасидаги жаҳон чемпионатида Равшан Ҳайдаров шогирдларининг ўйинини томоша қилар эканман, ўзбек футболи машҳур титаник кемаси сингари чўкишда давом этаётганига тўла тўкис амин булдим.

Нега айнан титаник сингари? Ушбу фильмни кургансиз, кема капитанининг бепарволиги, маъсулиятни ҳис этмаслиги, ўзига ва кемага булган ортиқча ишонч туфайли ушбу фожиа рўй беради. Кема айсбергга урилгач секин-аста қуйи палубаларга сув тўла бошлайди ва тепага кўтарила боради. Кема капитани мудҳиш хатоликка йўл қўйганини англаб етганда афсуски кеч бўлган эди. Энди ягона илинж йўловчилар ҳаётини сақлаб қолиш эди. Титаник кемаси қурилган вақтда уни чўкмайдиган кема деб бонг уришган эдилар, ҳеч ким уни биринчи сафаридаёқ муаммога йўлиқишини тассавур қилмаган, ҳаттоки уни ясаган кемасозлар ҳам. Шунинг учун бу кемада қутқарув кемалари кам, фалокат белгисини берувчи мушаклар ўрнига байрам мушаклари ортилган эди. Чиқмаган жондан умид деб мушакларни ишга туширишди, лекин шу кема яқинидан сузиб ўтаётган бошқа кемалар байрамни нишонлашмоқда деган хаёлга боришиб ёрдамга ошиқишмади, қайиқлар сувга туширилди, уларни сони камлиги учун аввал аёллар ва болалар қайиққа ортилиши даркор эди. Бу вақтда қуйи палубалар сувга тўлиб юқорига шиддат билан интилар, чўкмас кема чўкиш арафасида эди. Кеманинг ёрилган қисмида сув тўлиб бориши оқибатида мувозанат йўқолиб, бир боши чўкка бошлади, оқибатда кибрли кемани тумшуғи кўтарилиб, бир муддат горизонтал кўринишга келади, кейин босимга дош бера олмай, кема қоқ ўртасидан бўлинади, чўкиш жараёни тезлашади.

Ёшлар жамоасининг ўйини, кеманинг айнан тумшуғи кўтарилган жараённи эсга солмоқда. Тўғри, ёшларимиз австриялик тенгдошларини мағлуб этишди, Сенегал билан мардонавор курашишди, лекин йиллар ўтиб, бизга мағлуб бўлган Австрия ёшлари Бундеслигада жавлон уришади, биз эмас, бизни зўр-базўр ютган сенегаллик болакайлар “Марсел”, “Бордо” ёки “Нант” шарафини ҳимоя қилишади, биз эмас. Бу вақтда бизнинг ишонганларимиз Олий лигамизда чўкишда давом этишади. Жамоаларимизнинг Осиё Чемпионлар лигасидаги хунук натижалари, миллий терма жамоамизнинг Россияда бўлиб ўтадиган жаҳон чемпионати йўлланмаси учун бошланган саралашни биринчи учрашувида Шимолий Кореядан қабул қилинган тарсакисидан маълум бўлдики, футбол кемамиз уммон тубига шўнғиб бормоқда. Термамиз Осиёда калтакбоп болакайларга айланиб қолишди, январда Саудия устидан қозонилган ғалаба бизнинг ҳозирча охирги ютуғимиз бўлиб турибди. Гоҳ японлар савалашади, гоҳ форслар ўз майдонимизда ютиб кетади. Жанубий Кореяга ютқазишимиз биз учун одатий ҳолга айланган эди, энди шимолликларга ҳам ютқазишни бошладик, бунгаям кўникамиз шекилли. Ўйин тугаганигаю, терма жамоамиз юртга қайтганига анча бўлди, лекин бу мағлубият сабаблари ҳақида футболимиз мутасадди шахслари, жумладан, терма жамоалар маркази ёки ЎФФ раҳбарияти томонидан бирор бир расмий чиқиш бўлгани йўқ, фақатгина термамиз қайтган куни Миржалол Қосимовнинг СА сайтига берган қисқа интервьюсини ўқидик, холос.

Нега ютган ўйинларимизда мақтанишни боплайдиган акаларимиз, мағлуб бўлган вақтда қораларини кўрсатишмайди? Нима учун мураббий мағлубият сабабини футболчилардан, жумладан дарвозабондан қидиради? Ахир Нестеровни майдонга Р.Бердиев туширмадику. Терма жамоа мураббийи майдонга ким тушишини ўзи ҳал этади, шундай экан, клубида захирада қолаётган Нестеровни ҳозирги ҳолати талабга жавоб бермаслигини мураббий олдиндан билиши керакмасми? Дарвозабонлар мураббийи лавозими номигагина холосми? Энг аламлиси, футболимиз тепасида турган шахсларнинг бу мағлубиятга бўлган реакцияси бўлди. Гўёки шундай бўлиши керакдек қабул қилинди. Нега ахир, тушунтириб берадиган одам топиладими ёки бу гал ҳам олдимизга ЖЧ чиқиш вазифаси қўйилмаганми? Шундай бўлса биз мухлисларга бир оғиз айтиб қўйинглар. Нимадандир умидвор бўлиб юрмасдан, асаблар бузилмасдан, стадионга кирмай, ўйинларни кўрмай қўяқоламиз, вазифаси йўқ жамоани мухлиси ҳам бўлмагани маъқул. Биз чўккан кема атрофидамиз, бу саволларга жавоб берадиган тириклар борми???

Маъмуржон Тиллабоев (Mamrino)

Киритилган сана: 20.06.2015 09:01. Ўкилди: 11269 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


XUSNIDDINRMF
Сана: 21.07.2015 20:58. XUSNIDDINRMFга ёзиш
+0; -0
Tiriklar bor

Ушбу фикрга жавобан


SPEKTR
Сана: 05.07.2015 11:37. SPEKTRга ёзиш
+0; -0
Бабаян термани ж ч га олиб чикса уни Т Ж М га бош килиб куйиш керак

Ушбу фикрга жавобан


SPEKTR
Сана: 05.07.2015 11:30. SPEKTRга ёзиш
+0; -0
Ешларимиз ажойиб уйин курсатишвоти .Гап йук.Факат Узбекистон Германия Уйини шархловчиси боларимизи жудаям ерга урворди.Европа чемпиони ешлар чемп энг кучли терма жамоаси(айнан хар хил миллатлардан йигилган немис термаси)футболчиларига Карши уйинда Яна бу терма уйинчилари бундеслигада асосийда уйнайди.Бизаникилар уз чемп захирада утиришади.Шархловчи озгина оширворди.Футболчиларимизи ер Килиб ташлаган шархловчи акамизниям немис шархловчилари Билан бир солиштириб курсакмикан.Косимовни жамоаси алакандай Осие жамоасига шармандаларча ютказса номдор ракибга Карши тенгма тенге уйнадик дейишади.Осиени жамоасини словакияликмиди эй лигионери Бунедкорни 5 уйинчисини еш бола ккилиб алдаб гол урса.Жудаям кучли футболчи деб огиз тулдирамиз.Германиядек терма еки Украинани енган Сенегал номдормасми

Ушбу фикрга жавобан


FCBLIDER
Сана: 04.07.2015 21:20. FCBLIDERга ёзиш
+0; -0
O\'zbekiston Rossiyaga bormasa bulmaydi. 2-mezbon bo\'lish imkonyati boshqa bo\'lmaydi. Ozgina aybni muxlislardan izlash kerak. Sungi vaqtlarda kuzatdimki bugun O\'zb yutadi xudo xoxlasa vatanimiz g\'alaba qozonadi deydigandan. UZB barbir yutqazadi, qachon yutgan bularni o\'yini kurgandan uxlagan yaxshi deganlar ko\'p. Yaqinda senegal bn o\'yinda senegal bizni rubobda raqisga tushayotgandi o\'yin shunday davom etayotganidan xursand edim. Shunda bittasi o\'zb doim yutqazgan qishiq oyoqlar deb aytdi. Senegal gol urdi. Niyatni yaxshi qiling ishonchni yuqotmang. Babayan o\'zini uzb tarixiga yaxshi nom kirish uchun unga zo\'r imkonyat berildi. BABAYAN TERMANI OLIB CHIQSA PAXTAKOR STADIONI OLDIDA UNGA HAYKAL O\'RNATAMIZ.

Ушбу фикрга жавобан


MIKOH
Сана: 21.06.2015 07:22. MIKOHга ёзиш
+0; -0
Abramovni JCH 2014 saralashdagi bitta mag\'lubiyat uchun ishdan bo\'shatishgandi. Qosimov esa jiddiy maqomdagi 5ta o\'yinni boy berdi Iordaniya bilan JCH 2014 pleyy of, Janubiy Koreya bilan JCH 2014 sarashi va Osiyo kubogi 2015, endi esa JCH 2018 sarashidagi Shimoliy Koreyaga qarshi o\'yin.Qosimovni ishdan olish uchun yana nechta uchrashuvni yutqizish kerak tushunmadim.Janubiy Koreyaga yutqazganimizdan keyin M Usmonov Qosimov jamoasi ko\'rsatayotgan ko\'ngli to\'layotganligi sababli uni ishdan bo\'shatmasligini aytgan edi, nima Abramov jamoasi Eronga qarshi Toshkentda yomon o\'ynaganmidi, aynan usha jamoa emasmi Yaponiya ustidan Tokioda biz uchun tarixiy bo\'lgan g\'alabani qo\'lga kiritgan? UFFdagi horomxo\'rlar uchun MTJni umuman qizig\'i yo\'q.Manimcha birinchi o\'rinda oliy ligani isloh qilish kerak.Hakamlar va O\'FF yordamida "Paxtakor"ni chempion qilish g\'oyasidan voz kechish kerak.Halol o\'yin deymizu bu yilni hisobida hakamlar 3ta o\'yinda "Paxtakor"ga yordam berishdi. Babayan degan manqurtni futbolimizdan yuqotish kerak."Qizilqum" darvozasiga 0:0 paytda penalti, "So\'g\'diyona" bilan aksincha jjarima maydoni ichida "Paxtakor" himoyachilari to\'pni qo\'l bilan o\'nashdi hakam esa penalti belgilashmadi.Umuman olganda so\'ngi 10 yil ichida "Paxtakor" darvozasiga biror marta penalti belgilanmagan buni statistikani o\'rganib chiqib ham bilsayiz bo\'ladi. Boshqa hech qaysi jamoada buday hol kuzatilmaydi.Qiziq, juda qiziq.OCHL dagi jamoalarning tanazzulga uchrashiga ham aynan mana shu holat ("Paxtakor"ga yon bosish) sababchi "Paxtakor" o\'yinchilari baribir yutamiz deb milliy chempionatda hakamlarga ishonib qolishgan Osiyoga esa Babayanning tishi o\'tmasligini unutib quyishgan, boshqa jamoa o\'yinchilari esa "Paxtakor" baribir chempion deb harakat qimey quyishdi.Maqsad bo\'lmagandan keyin....

Ушбу фикрга жавобан


QIPCHOQ
Сана: 21.06.2015 00:40. QIPCHOQга ёзиш
+0; -0
Bizni futbolimizni saviyasi Yaponiyaniki bilan tengmasku. Teng bulganda biznikilar xam qolishmasdi ulardan

Ушбу фикрга жавобан


QIPCHOQ
Сана: 21.06.2015 00:37. QIPCHOQга ёзиш
+0; -0
Ey shu Qosimovda nima ayb? Terma jamoalarni murabbiylarida nima ayb? Xamma ayb 1- va oliy ligada kelishilgan uyinlarni uyishtirayotganlarda, bolalar futbolida g\'irromlik qilayotganlarda. Buni xamma biladiku yana gapni aylantirib Qosimovni ayblaysizlar.Notug\'ri tashxis kasallikni yanada og\'irlashtiradi. Qosimov ketgani bilan futbolimiz rivojlanib qolmaydi. Xolisona futbolimizga baxo beringlar azizlar.

Ушбу фикрга жавобан


BOTIR
Сана: 20.06.2015 23:41. BOTIRга ёзиш
+0; -0
Гапириш ва ёзишни фойдаси йук хаммаси куркок

Ушбу фикрга жавобан


BULUT
Сана: 20.06.2015 20:50. BULUTга ёзиш
+0; -0
Миржалолни кариндош уругию чуруги канисанлар, чикиб "донишманд" акангни химоя кил! бечора аканг 3 кунлик келинчакдай беркинадия мухлислардан?

Ушбу фикрга жавобан


SURXAN
Сана: 20.06.2015 18:58. SURXANга ёзиш
+0; -0
Maqolaga gap yoq yurakdan yozilgan xaqiqiy muxlis dardini yozibdi lekin biz muxlislarni dardini kim ham eshitardi sayt o\'quvchilaridan boshqa qayerdan shu futbolga muxlislik qildim futbolga qiziqqan kunimga lanatlar bo\'lsin

Ушбу фикрга жавобан


ABOMUSLIM
Сана: 20.06.2015 17:27. ABOMUSLIMга ёзиш
+0; -0
Нима бўляпти ўзи ҳайрон қоласан лекин! Япония терма жамоаси бош мураббийини Осиё кубогидаги муваффақиятсизлик учун истеъфога чиқаришди. Вахоланки Заккерони уларни ЖЧга олиб чиққан эди. Нима учун бизда кетма-кет мағлубиятлар бўладию, бош мураббийни ишдан олиш у ёқда турсин саволга тутишмайдиям???????? Бу қанақа бедодлик?? Бунақада мухлислик қилишни йиғиштириб қўямиз ва Ўзбекистон терма жамоаси дунёга шарманда бўлади!!

Ушбу фикрга жавобан


SAIDAXMAD
Сана: 20.06.2015 17:20. SAIDAXMADга ёзиш
+0; -0
Qurbaqani debsasang vaq vaq deydi.devorni ursang sado chiqadi ammo bulardan sado chiqmaydi.

Ушбу фикрга жавобан


REBEL
Сана: 20.06.2015 15:15. REBELга ёзиш
+0; -0
Футболимиз тепасидагилар МТЖмизнинг бу маглубиятини билмайдиям. \nУларни бу нарса кизиктирмайдиям. \nУларни факат МТЖга алокадор иш булса, кандай фойда, кандай зарари кизиктиради холос.

Ушбу фикрга жавобан


FATHBKRU
Сана: 20.06.2015 12:16. FATHBKRUга ёзиш
+0; -0
Мана бориб бориб мухлисларни мтж хакидаги саволлари, комментлари хам камайиб боряпти, улар (яъни футболимиз "корчалонлари") айнан шуни кутишяпти яна бирор хафтада унутилиб кетади кейин, кейинги уйинга тайергарлик булади, галаба буса бонг урилади, аксинча маглубият булса яна жим житлик билан мухлисларни ховуридан тушишини кутишади. Э бу даббалар манашунака ишни йуригини олган одамлар экан. МК, МУЗ ларни сурок савол киладиган хеч ким йукми, ахир одамни ичи ениб кетяптику, аламларга кумилиб кетяпмизку. Маъмуржон Тиллабоев (Mamrino) сизга ташаккур.

Ушбу фикрга жавобан


KECHIRASIZ
Сана: 20.06.2015 11:10. KECHIRASIZга ёзиш
+0; -0
Чин юракдан сураса худо беради,мана Аскар Толибжонов чин юракдан сураганди, ОТЖмиз Бразилия сари юришини давом эттирияпти. Энди навбат Мираброр акага яна бир ултиматум куйсалар, Толибжонов, Акрамов ва бошкалар МТЖ миз учун хам дуода булишармиди? Лекин яна бир маглуб булишимиз керак унинг учун. Кейин Бахрайнни уйинга тайёрлаймиз, Филиппинни ютиб беришлари чун.

Ушбу фикрга жавобан


RESCARA
Сана: 20.06.2015 09:36. RESCARAга ёзиш
+0; -0
Барака топинг яхши макола бупти.\nЛекин хар каттан хам хайрон коласан на уфф на тжм на ютиб коса кукларга кутарадиган ман хам журналистман деб юрганларлардан садо чикмади. Бу ëгига энди жимжитлик романи.\nАфсус уффни максади узбек футболини чуктиришга ухшиди. Хар кандай корхонада вазифасини уддалай олмаëтган ходим ишдан хайдалади лекин уфф бундан мустасно барчасига куз юмилади худдики узб футболи буларнинг шахсий томоркаси.

Ушбу фикрга жавобан


RESCARA
Сана: 20.06.2015 09:35. RESCARAга ёзиш
+0; -0
Барака топинг яхши макола бупти.\nЛекин хар каттан хам хайрон коласан на уфф на тжм на ютиб коса кукларга кутарадиган ман хам журналистман деб юрганларлардан садо чикмади. Бу ëгига энди жимжитлик романи.\nАфсус уффни максади узбек футболини чуктиришга ухшиди. Хар кандай корхонада вазифасини уддалай олмаëтган ходим ишдан хайдалади лекин уфф бундан мустасно барчасига куз юмилади худдики узб футболи буларнинг шахсий томоркаси.

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.