Кириш Регистрация
25/04 00:00 Кристал Пэлас 2-0 Ньюкасл
25/04 00:00 Ман. Юнайтед 4-2 Шеффилд Юнайтед
25/04 00:00 Эвертон 2-0 Ливерпуль
25/04 00:00 Монако 1-0 Лилль
25/04 00:00 Марсель 2-2 Ницца
25/04 19:00 Қатар 2-4 Япония
25/04 22:30 Жанубий Корея - Индонезия
25/04 23:00 Удинезе 1-2 Рома
26/04 00:00 Брайтон - Манчестер Сити
26/04 19:00 Ўзбекистон - Саудия Арабистони
26/04 22:30 Ироқ - Вьетнам
26/04 23:45 Фрозиноне - Салернитана
27/04 00:00 Монпелье - Нант
27/04 00:00 Реал Сосьедад - Реал Мадрид
27/04 16:30 Вест Хэм - Ливерпуль
27/04 18:00 Лечче - Монца
27/04 18:00 Интер - Торино
27/04 19:00 Ман. Юнайтед - Бёрнли
27/04 19:00 Вулверхэмптон - Лутон
27/04 19:00 Фулхэм - Кристал Пэлас
27/04 19:00 Ньюкасл - Шеффилд Юнайтед
27/04 19:15 Альмерия - Хетафе
27/04 21:00 Ювентус - Милан
27/04 21:30 Эвертон - Брентфорд
27/04 21:30 Алавес - Сельта
27/04 23:45 Лацио - Верона
28/04 00:00 Астон Вилла - Челси
28/04 00:00 ПСЖ - Гавр
28/04 00:00 Атлетико - Атлетик Бильбао

Блог

Stadion.uz мухлислари

Мухлис минбари

Бу кўзларга шодлик ярашар

Баҳо:
+1; -0

Бу кўзларга қараш оғир.
Дардли кўзлар, маъюс кўзлар.
Мундиал деб ёниб-ёниб.
Умидлари сўнган кўзлар.
Барча ўзбек, ёшу-қари,
Бир мушт бўлиб орзу сари,
Етай деб қоқилганда,
Алам билан боққан кўзлар,
Дардли кўзлар, маъюс кўзлар.

Очиғи, ҳамма учун чайналиб, қизиғи йўқ мавзу ҳақида ёзмоқчи эмасман. Бугунги мавзу сизу бизга ўхшаган футболимизнинг фидойи мухлислари хақида. Ҳозирги мухлис бир пайтлардагидек ўйин ўтганига уч кун бўлган бўлса-да, натижани билолмай радиоприёмник тагида спорт хабарларини кутиб яшайдиган мухлис эмас, замон тезкор бўлганидек, инсонларнинг ҳам заковати ошиб, ахборотга бўлган талабини интернет орқали қондириб бормоқда. Уйда ўтирган ҳолда дунёнинг бир бурчагида бўлаётган воқеа ҳодисаларни кузатиши, ўз фикрини билдириши мумкин. Юртимизда спортга оид бир қатор сайтлар фаолият олиб бормоқда, ҳар бирининг ўз йўналиши, услуби, мухлиси бор. Айнан шу сайтлар орасида футболга оид чемпионат.азия, уфф.уз, арена.уз ва стадион.уз сайтлари алоҳида ажралиб туради ва имкон қадар футбол ишқибозлари талабини қондириб келмоқда.

Ҳозирги кунда футбол оламида мундиал ҳавоси кезиб юрибди. Европанинг кучли бешлигида мавсум якунланиб, чемпионлар маълум бўлди, фақатгина Испания примеросида 1 тур қолди, холос. Сўнгги турдаги “Атлетико” – “Барселона” жамоаларининг “Камп Ноу”даги тўқнашуви чемпионлик тақдирини сўнгги нуқтаси бўлиб хизмат қилади. Одатда финаллар Кубок тизимида ўтадиган турнирларнинг якуни бўлиб хизмат қиларди, чемпионат ўйинларида ҳам финал бўлишини Ла-Лига исботлаб берди. Бундай якунни фақат орзу қилиш мумкин.

Яна саноқли кунлардан сўнг Рио қирғоқларида навбатдаги жаҳон чемпионати старт олади, ҳозирда унда қатнашувчи 32 юрт терма жамоалари сўнгги тайёргарлик машғулотларини олиб боришмоқда, кенгайтирилган таркибларини эълон қилишмоқда, футболчилар ва мухлислар ҳаяжон билан мундиални кутишмоқда. Баҳс-мунозаралар давом этмоқда, Колумбия халқи Фалькаонинг соғайишини умид билан кутишаётган бир пайтда, ундан ҳеч бир жабҳада қолишмайдиган К.Тевес Аргентина терма жамоаси таркибидан тушиб қолди. Айнан унинг ажойиб ўйинлари ва голлари туфайли “Ювентус” бир қатор ўйинларни ўз фойдасига ҳал қилган ва скудеттони қўлга киритган эди. Кимдир жароҳат туфайли, кимдир рақобат туфайли тўрт йилликнинг муҳим баҳсларидан четда қолмоқда.

Афсуски, терма жамоамиз бу сафар ҳам жаҳон чемпионатидан мосуво, мухлислар эса мундиал ҳавосидан бебаҳра қолди. Агарда жаҳон чемпионатига терма жамоамиз борадиган бўлганида, ҳозир бизда ҳам ажойиб баҳс-мунозаралар бўлаётганини тасаввур қилиб кўринг. М.Қосимов кенгайтирилган рўйхатни эълон қилганда, мухлису мутахассислар орасида баҳс-мунозара авжига чиққан, кимдир Ф.Тожиев термада эмаслигидан норози, кимдир И.Нагаев таркибда эканлигидан хурсанд, кимдир дарвозабонлардан хавотирда, хуллас мундиал ҳавоси юртимизда кезиб юрган бўлармиди. Мухлисларимиз эса терма жамоамизни қўллаб-қувватлаш учун ҳозирданоқ сафар ҳаракатини бошлаб юборган бўлиб, ширин ташвишлар билан андармон бўлишармиди? Зеро, улар бунга ҳақли эдилар.

Қатар билан Тошкентда кечган саралашнинг охирги учрашувидан сўнг метродаги ҳолат ҳеч кўз ўнгимдан кетмайди. Ёши улуғ отахоннинг намланган кўзларию, қўлида Ўзбекистон байроғини ушлаб олган йигитни бир нуқтага тикилганча тушкун, ўйчан ҳолати. Ўшандаги вагондаги сассиз жимлик, маъюс кўзлар, алам кўз ёшларини камида тўрт йил унутолмасам керак. Футболимиздаги баъзи иллатлар, лоқайдлик ва хафсаласизлик туфайли мухлисларимиз мундиал деб аталмиш миллионлар ўйини асл лаззатини белгиловчи йирик футбол байрамидан четда қолдилар.

Азиз мухлис, ўтаётган ҳар бир кун дунё футбол аҳлини мундиалга яқинлаштирмоқда, яқинлашган сари ярамиз янгиланиб бораверади. Кўз очиб юмгунча келгуси жаҳон чемпионатига саралаш ўйинлари бошланади, унга ҳозирданоқ тайёргарликни бошламас эканмиз, янгиланган яралар газак олади, метродаги ҳолатлар такрорланаверади, футболимиз тубсизлик уммонига шўнғийверади. Биз мухлислар эса мундиалдан умид қилаверамиз, зеро умидлар интиҳода ўлади. Омон бўлинг, ўзингизни асранг.

Маъмуржон Тиллабоев (MAMRINO)

Киритилган сана: 16.05.2014 21:31. Ўкилди: 6013 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


FOOTBALLHD
Сана: 17.05.2014 15:27. FOOTBALLHDга ёзиш
+0; -0
MAMRINO.Келажак ишларингизда омад тилаб коламан.Мухлис.

Ушбу фикрга жавобан

TURDIBAY
Сана: 17.05.2014 07:44. TURDIBAYга ёзиш
+0; -0
Футбол журналисти ва шарҳловчи Ҳайрулло Ҳамидов бир мақоласида шундай ёзган эди: Футболни қадрлайлик, унинг қадрига етайлик. Терма жамоамизнинг аламли мағлубиятларини унуттира оладиган қудратга эга у. Тўғри, агар термамиз мундиалга борганида, бу мусобақанинг ҳайбати умуман ошиб кетарди, аммо бормаган тақдирда ҳам, ЖЧнинг биз учун аҳамияти заррача камаймайди. Термамиз вакилларига бир хитоб қилмоқчиман: «Бизни барибир футболдан, мундиал деб аталмиш ажойиб мусобақадан безита олмайсиз. Бундан баттар ўйнанг, бизга фарқи йўқ, биз барибир сиз бормаган турнирни ардоқлайверамиз, томоша қилаверамиз. Ўзингиз биласиз, агар ўша ҳамманинг нигоҳи қаратиладиган жойга бориб, ўша тўйда қатнашиш бахтига муяссар бўлсангиз, бу – сизнинг бахтингиз. Бўлди. Хоҳласангиз, уч йил терлаб, биз каби оддий томошабин бўлиб яшайверинг! Биз сиз учун, сизнинг дардингизда ҳўнграб йиғлаб, мусобақани кўрмай қўядиган даражада аҳмоқ эмасмиз. Футбол биз учун сиздан-да юқори туради. Шуни билиб қўйсангиз бўлди!!!» Фузулий айт¬ганидек, кўзи ёшлиларнинг ҳолин на билсин мардуми ғофил... Терма жамоамиз, клубларимизнинг қувонч ёшлари оқизадиган ўйинларини кўриш барчамизга насиб этсин. Маъмуржон Тиллабоевнинг (MAMRINO) ижодига омад тилаб қоламан.

Ушбу фикрга жавобан

ELMUS
Сана: 17.05.2014 05:30. ELMUSга ёзиш
+0; -0
койле, роппа роса 1йил бурун ЖЧ га боришимизга шунаканги ишонгандимки ... Маъмуржон рахмат! макола учун

Ушбу фикрга жавобан

KASPERSKIY
Сана: 17.05.2014 01:27. KASPERSKIYга ёзиш
+0; -0
Қатар билан Тошкентда кечган саралашнинг охирги учрашувидан сўнг метродаги ҳолат ҳеч кўз ўнгимдан кетмайди. Ёши улуғ отахоннинг намланган кўзларию, қўлида Ўзбекистон байроғини ушлаб олган йигитни бир нуқтага тикилганча тушкун, ўйчан ҳолати. Ўшандаги вагондаги сассиз жимлик, маъюс кўзлар, алам кўз ёшларини камида тўрт йил унутолмасам керак.
----------
((((((

Ушбу фикрга жавобан

KASPERSKIY
Сана: 17.05.2014 01:21. KASPERSKIYга ёзиш
+0; -0
Бу кўзларга қараш оғир.
Дардли кўзлар, маъюс кўзлар.
Мундиал деб ёниб-ёниб.
Умидлари сўнган кўзлар.
Барча ўзбек, ёшу-қари,
Бир мушт бўлиб орзу сари,
Етай деб қоқилганда,
Алам билан боққан кўзлар,
Дардли кўзлар, маъюс кўзлар.
---------
Респект МАМРИНО!

Ушбу фикрга жавобан

KASPERSKIY
Сана: 17.05.2014 01:13. KASPERSKIYга ёзиш
+0; -0
Яшшанг мавлоно! Ижодизга барака!

Ушбу фикрга жавобан

JADROO

Сана: 16.05.2014 23:22. JADROOга ёзиш
+0; -0
...

Ушбу фикрга жавобан

FCYUVENTUS
Сана: 16.05.2014 23:15. FCYUVENTUSга ёзиш
+0; -0
Maqola bizga mundial yaqin bo'lgani uchun tuxfa etilgan. Muallifga omad va rahmat.

Ушбу фикрга жавобан

SHAVKATFCB
Сана: 16.05.2014 22:33. SHAVKATFCBга ёзиш
+0; -0
Молодец Маъмуржон дустим ижодингизга омад

Ушбу фикрга жавобан

REALBENZEMA
Сана: 16.05.2014 22:25. REALBENZEMAга ёзиш
+0; -0
Ajoyib gap yuq

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.