Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Холис таҳлилчи блоги

Futbol olami

18 ёшидаёқ дунёни забт эта бошлаган суперҳужумчилар

Баҳо:
+0; -0

18 ёшли Килиан Мбаппе исми ҳозир бутун европаликлар оғзидадир. “Монако” жамоаси ёш ҳужумчининг саъй-ҳаракатлари эвазига ярим финалга чиқишга яқин турибди. Сиз билан бирга супер ҳужумчилар ўзларининг 18 ёшларида қай даражада ўйнаганларини кўриб чиқамиз.

Криштиану Роналду

Ўзининг 18 ёшида ҳам Роналду Португалияда финтлар ва алдамчи ҳаракатлар билан ўйнарди. “Спортинг”да тўп сурган пайтида бўлажак жамоаси “Манчестер Юнайтед”га қарши ўйнайди ва Сер Алекс Фергюсонда илиқ таассурот қолдиради. Фергюсон ўйлаб ўтирмай, КРни 12 млн фунт эвазига харид қилади.

Ҳеч ким бу трансфердан хафа бўлгани йўқ. Ахир Роналду 6 мавсум давомида “қизил иблислар” сафида ўйнаб, 118 та гол урди. Жамоага Чемпионлар лигаси ва бир нечта АПЛ совринини олиб келди. Мбаппе сингари 18 ёшида кўплаб гол урмаган бўлса-да, кейинги 14 йил ичида ҳақиқий машинага айланди.

Лионел Месси

“Мен ҳали умримда ўзининг 17 ёшида бу даражада яхши ўйнайдиган футболчини кўрганим йўқ”, – деганди Фабио Капелло 2005-йилда Лео Месси ҳақида. Ўша мавсум Месси Капеллонинг “Ювентус”ини, аниқроғИ, Патрик Виейрани ёдидан чиқмас даражада алдайди. Шундан сўнг “Барса” билан шартнома тузилиб, 17 ёшли болакайни ким сотиб олмоқчи бўлса, 150 млн евро тўлаши ҳақида банд келтирилади.

Лео биринчи мавсумида ҳужумда Этўо ва Роналдинё билан трио ташкил қилади ва мавсумда 8 та гол уради. Кейинчалик Месси нималарга эришганини ҳаммамиз жуда яхши биламиз.

Неймар

Мбаппе ёшида Неймар бразилия чемпионатининг юлдузи эди. У ерда 5 мавсум ичида 136 та гол уришга улгурган. 2010-йилда, айнан 18 ёшида мавсум давомида 42 та гол уришга муваффақ бўлган. Ўша йилнинг ўзида “Сантос” жамоаси “Челси” ва “Вест Хем”нинг таклифини рад қилади.

Ўзининг 21 ёшида Неймар “Барселона”га йўл олади. Гарчи бир маромда тўп сура олмаётган бўлса-да, ора-орада ўзининг ажойиб ўйинини намойиш қилмоқда. Унинг фойдаси кўпроқ Бразилия терма жамоасида тегмоқда. 25 ёшига қарамасдан 52 та гол.

Златан Ибрагимович

У ҳозир ўзининг 35 ёшида ишониб бўлмас даражадаги голлар киритмоқда. 18 ёшида шветсиялик ҳужумчи “Малме” жамоасида ҳаракат қиларди. Бир-икки мавсумдан сўнг “Аякс” уни харид қилиб олади. Ундан олдин эса Златанни Арсен Венгер ҳам жамоасида кўришни хоҳлаганди.

Давоми

Киритилган сана: 24.05.2017 09:40. Ўкилди: 8073 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.