Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Холис таҳлилчи блоги

Futbol olami

У ўз ўрнида. Нега Гризманнинг нархи 40 млнга арзонлашди?

Баҳо:
+0; -0

Бир йил олдин “Барселона” “Атлетико”дан 120 млн еврога Антуан Гризманни сотиб олганди. Каталонияликлар футболчи бу пулни оқлайди деб ўйлашганди. Афсуски, ундан бўлмайди: Антуан Лео Мессининг соясида қолиб кетди. На Эрнесто Вальверде, на Кике Сетьен унга майдондан жой топиб бера олишди. Мажбуран чап қанотда ўйнатишди. Аммо бу Гризманни қониқтирмади, у ҳеч қачон қанот ҳужумчиси вазифасида ўйнамаганди. Унда тезлик ҳам, дриблинг ҳам йўқ, у шунчаки тўпни олиб дарвоза томон югуриши мумкин. Ўтган мавсумда Антуан 48 ўйинда 15 та гол урди. “Атлетико”да ҳар мавсумда 20 дан ортиқ гол урган футболчи учун бу жуда кам натижа. Куман келиши билан Гризманн яхши ўйин кўрсатади деб умид қилишган эди, аммо ундай бўлмади.

Куман постга келиши билан ўзидан олдин ишлаётган мутахассисларга Гризманни нотўғри позитсияда ўйнатганлигини айтади:

–       Гризманн вингер эмас. У доимо ўзи ўйнаган позициясида ўйнаши керак. Фақатгина ўша ерда у ўзини кўрсата олиши мумкин.

У ҳужумчи ортидаги позицияда ўзини яхши ҳис қилади. “Атлетико”да Диего Коста, Фернандо Торрес ва Марио Манжукич билан бирга, Францияда эса Оливье Жиру билан бирга тўп сурган.  Ушбу ёзда Суарес ва Месси жамоани тарк этиши ҳақидаги хабарлар тарқалди, шунда аргентиналикни ўрнини Филиппе Коутиньо, уругвайлик футболчининг жойида бирорта янги футболчи майдонга тушса, Гризманн “ўнлик” позицияни эгаллаши кутилган эди.

Аммо вазият ундай кечмади. Суарес кетди, Месси эса жамоада қолди. “Барса” янги мавсумни умуман бошқача бошлади, Месси ёлғончи “ўнлик” позитсиясида ўйнай бошлади (охирги марта уни Диего Марадона Аргентина терма жамоасида синаб кўрган эди), Коутиньо – “ўнлик”да, Гризманн эса чап қанотдан ўнг қанотга кўчди. Вальверде ва Сетьеннинг хато қилганини айтган Куманнинг ўзи ҳам хатога йўл қўймоқда. Франция терма жамоаси мураббийи Дидье Дешам Куманнинг хатосига ишора қилиб:

“Гризман ўзининг ҳолатидан норози. Агарда у норозилигини изҳор қилса, Куманга бу ёқмаслиги тайин. Албатта, Кумангача ҳам Антуанни вингер сифатида қўллаб кўрганлар бўлди, Рональдни ўзи ҳам бунинг хато эканлигини айтган эди. Менимча, Антуан марказда тўп суриши учун ҳозир ҳамма нарса етарли.”

Батафсил ўқиш учун ссилкага босинг

Киритилган сана: 25.10.2020 22:15. Ўкилди: 2174 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.