Кириш Регистрация
26/12 17:30 Манчестер Сити 1-1 Эвертон
26/12 20:00 Борнмут 0-0 Кристал Пэлас
26/12 20:00 Челси 1-2 Фулхэм
26/12 20:00 Ньюкасл 3-0 Астон Вилла
26/12 20:00 Ноттингем Форест 1-0 Тоттенхэм
26/12 20:00 Саутгемптон 0-1 Вест Хэм
26/12 22:30 Вулверхэмптон 2-0 Ман. Юнайтед
27/12 01:00 Ливерпуль 3-1 Лестер
28/12 00:30 Брайтон - Брентфорд
28/12 01:15 Арсенал - Ипсвич
28/12 19:00 Эмполи - Женоа
28/12 19:00 Парма - Монца
28/12 22:00 Кальяри - Интер

Блог

Холис таҳлилчи блоги

Futbol olami

Маркус Рэшфорд – намунали инсон

Баҳо:
+0; -0

Охирги вақтарда Маркус Рэшфорднинг исми тармоқларда жуда кўп учраяпти. Англиялик ёш футболчи ҳақиқатдан ҳам эътиборга лойиқ. Майдонда у жамоадошлари учун, майдон ташқарисида эса яқинлари учун доим ёрдамга тайёр. Британияда 23 ёшли футболчи намуна сифатида кўрсатилмоқда. Унинг атрофидагилар турли машмашаларга аралашиб юрган вақтда, Рэшфорд тинмай шуғулланади, бўш вақтларида эса хайрия ишлари билан шуғулланади.

Рэшфорд майдонда

Бруно Фернандешнинг “Манчестер Юнайтед” учун қанчалик даражада муҳимлиги ҳақида гапирсак, Рэшфорд ҳам ундан кам бўлмаган даражада, жамоанинг ажралмас бир бўлагидир. Рақамлар алдамайди. Маркус АПЛдаги “катта олтилик” ичида энг кўп гол урадиган 3 футболчидан биридир. Бу гуруҳда у билан бирга Обамеянг ва Денни Ингзлар бор. Уларнинг ҳар бирида 9 тадан гол мавжуд.

Маркус 2016 йил 28 февралда АПЛда ўз дебютини нишонлаган. Ван Гал 19 ёшли футболчини “Арсенал”га қарши 80 дақиқа ўйнашига имкон берди. Рэшфорд эса дебют ўйинидаёқ дублга эришди. “МЮ” ўша ўйинда 3:2 ҳисобида ғалаба қозонди. Орадан деярли 1 ой ўтиб, 20 мартда ёш ҳужумчи “Манчестер Сити”га қарши ўйинда ҳам гол урди ва жамоасининг минимал ҳисобда ғалабасини таъминлаб берди.

Ҳар мавсумда Рэшфорд жамоанинг ажралмас футболчисига айланиб боряпти. 2018/19 йилги мавсумда футболчи кўпроқ майдонга туша бошлади. Ўша мавсумда АПЛдаги 33 ўйинида 10 та гол ва 7 та ассистентликни амалга оширди. Ўтган мавсумда 31 ўйинда  17 та гол ва 8 та тўп узатишни амалга оширганди.

Рэшфорднинг Европа ареналаридаги иштироки алоҳида эътиборга молик. Маркус 2016 йил 25 февралда еврокубокда дебютини нишонлади. Ҳужумчи Европа Лигасида “Мидтьюланнд”га қарши 90 дақиқа ҳаракат қилди ва 2 та гол урди. Чемпионлар Лигасида эса 2017 йил 12 сентабрда дебютини ўтказди ва “Базел”га қарши ўша ўйинда гол ҳам урди. Рэшфорднинг энг эсда қоларли ўйини, 2018/19 йилги мавсумда “ПСЖ”га қарши нимчорак баҳси эди. Ҳужумчи ўша ўйинда пеналтидан гол киритиб, жамоасининг чорак финалга чиқишига кўмаклашганди.

Ушбу мавсумда Рэшфорд барча мусобқаларда 10 та ўйин ўтказди ва 7 та гол ва 2 та аниқ узатмани амалга оширди. Рэшфорд яна “ПСЖ”га гол урди. Бу сафар гуруҳ босқичида. “Лейпциг”га қарши эса 27 дақиқа ҳаракат қилди, аммо шу вақт унга хет-трикни амалга ошириши учун етарли бўлди.

Ҳозирда ҳеч ким унинг иқтидорига шубҳа билан қарамайди. У ҳужумчи ролида ҳам, ҳужуморти ва вингер ролида ҳам бемалол ҳаракат қилаверади. Қандай позицияда ўйнамасин, жамоаси учун фойдаси тегади. Мавсум давомида ҳам Рэшфорд иштирокидаги ажойиб вазиятларини гувоҳи бўламиз деб умид қиламиз.

Батафсил ўқиш учун ссилкага босинг

Киритилган сана: 06.11.2020 16:01. Ўкилди: 2375 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.