Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Холис таҳлилчи блоги

Futbol olami

«Барселона»да мавсумнинг энг яхши футболчиси ким?

Баҳо:
+0; -0

 

Goal нашрининг таниқли журналисти Бен Хейвард «кўк-анорранглилар» сафида мавсумнинг энг яхши футболчиси мақомига ким муносиб эканлиги борасидаги ўз фикрлари билан ўртоқлашди.

«Барселона» Чемпионлар Лигасидаги омадсиз иштирокига қарамай ушбу мавсумда иккита муҳим совринни ютиб олиш имкониятига эга. Каталонияликлар мавсумни Ла Лига ва Қирол Кубоги соврини билан якунлаши мумкин.

Эрнесто Валверде шогирдлари Примерада ҳамон енгилмас жамоа бўлиб қолмоқда. Сўнгги турда «Атлетико»нинг кутилмаганда «Реал Соседад»га имкониятни бой бериши эса уларнинг чемпионликка эришиш вақтини янада тезлаштириб юборди.

Мавсум якунига беш тур қолганида «Барса» энг яқин таъқибчисидан 12 очко илгарилаб кетди. Бу эса келаси ҳафтада клуб «Депортиво»ни мағлуб этадиган бўлса чемпионлик масаласи амалда ҳал қилинади дегани. Ўз уйида май ойида бўлиб ўтадиган «Эл Классико»да ҳам бу ҳеч қандай аҳамият касб этмаслиги мумкин.

Бундан аввал, каталонияликлар қаторасига 4-бор Қирол Кубогини ютиб олиши мумкин. Бунинг учун улар бугун «Ванда Метрополитано»да ўтказиладиган финалдаги рақиби – «Севиля»ни мағлубиятга учратиши талаб этилади.

Ўз уйида «Рома»ни 4-1 ҳисобида мағлуб этиб, сўнгра ундан аламли 3-0 ҳисобида мағлубиятга учраб Чемпионлар Лигасини тарк этиши ҳам агарда улар мавсумни икки муҳим соврин билан якунлай олишса буни муваффақиятли мавсум деб аташимиз мумкин.

Боиси «Барса» Неймарнинг клубни тарк этиши ва унинг ўрнини тўлдириш учун Марко Верратти ва қисман Филипе Коутинёни ўз вақтида олиб келолмаслиги инқирозни очиб бериши керак эди. Шунингдек, кўпчилик футбол ишқибозлари Хитойдан Паулинёнинг олиб келинишига жиддий эътирозлар билдирган эди. Бу трансфер Валверденинг юқори савияга эга мураббийлиги борасидаги шубҳаларни урчитиб юборди.

Аммо Испания Суперкубогида «Реал Мадрид»дан йирик 5-1 ҳисобида (икки ўйин натижасига кўра) мағлубиятга учрагач, Валверде клубда қайта қуриш ишларини бошлаб юборди ва кучли жамоани ярата олди.

Луис Энрикенинг сўнгги даврида ёмон ўйнаган Хорди Алба фантастик ўйинларини қайта топиб олди ва энг муҳими клуб етакчиси Лионел Месси билан ажойиб тандем ҳосил қилди. Херар Пике ва Самюел Умтити ҳимоя марказида мустаҳкам жуфтлик ҳосил қилган бўлса, Иван Ракитич майдон марказини қайта эгаллаб олди.

Андрес Инеста эса ўзининг эҳтимолий сўнгги мавсумида ўзининг ажойиб ўйинлари билан мухлисларни шод қилди. Паулинё эса муҳим голлар уриб жамоасига катта фойда келтирди. Қишда олиб келинган Коутинё эса анча тез жамоа ўйинига мослашиб кетди. Қолганлар, Серхи Роберто, Нелсон Семеду ва Усмон Дембелелар ҳам қўлларидан келганини бажаришди.

Қуйида, эътиборингизга мавсумнинг энг яхши уч футболчисини тақдим қиламиз. Сиз нима деб ўйлайсиз? Ўз фикрларингизни мақола остидаги изоҳларда билдиришингиз мумкин!

3. Марк-Андре Тер Штеген

«Барселона» Ла Лигада атиги 19 гол ўтказиб юборди. Бундай натижа эса ҳимоявий жамоа «Атлетико»дан атиги битта кўп. Буларнинг ҳаммаси германиялик посбоннинг саъйи-ҳаракатлари эвазига содир бўлмоқда.

Тер Штеген мавсум давомида ўзининг ажойиб сейвлари билан ёдда қолди. Айниқса яқинда 2-2 ҳисобида якунига етган «Селта»га қарши баҳсда у учрашув каталонияликлар қаҳрамонига айланди.

Эндигина 25 ёшни қаршилаган «Боруссия Мюнхенгладбаҳ»нинг собиқ посбони термадоши Манюел Ноернинг узоқ муддатдан бери жароҳатлар гирдобида қолаётгани туфайли миллий терма жамоа шарафини ёзда бўлиб ўтадиган Жаҳон Чемпионатида ҳимоя қилиши кутилмоқда.

«У бизга хавфсизликни ва сифатни тақдим қилади, у оёқда қандай ўйнаш кераклигини ҳам билади» – дея ўз шогирдини мақтаган эди Валверде декабрьда берган интервьюсида.

2. Серхио Бускетс

«Барселона»нинг ушбу шонли даври барчадан аввал Лионел Месси билан ёдда қолади. Шунингдек у билан бирга Хави, Инеста ва бу ишни бошлаб берган мураббий Пеп Гвардиола ҳам бор. Аммо шундай футболчи борки уни бу рўйхатга қўшмаслик адолатдан бўлмайди. У ҳам бўлса – Серхио Бускетс.

«Барса»нинг собиқ дарвозабони Карлес Бускетснинг ўғли Серхио 2008-йилдан бошланган муваффақиятларнинг асосий калити ҳисобланади. «Кўк-анорранглилар» унинг майдон марказида амалга ошираётган кенг кўламдаги меҳнатини умуман рад қилолмайди.

29 ёшни қарши олган Бускетс гол урмаслиги ёки голли узатмаларни амалга оширмаслиги мумкин, бироқ у Гвардиола футболчилик вақтида бажарганидек, ярим ҳимояни ҳужумга боғлашда ва муҳим мувозанатни сақлаб туришни таъминлаб бермоқда.

«Бускетсга ўхшаган футболчилар билан, барчаси осонроқ» деган эди Валверде.

1 ўрин Давоми Футбол олами блогида

Киритилган сана: 21.04.2018 11:03. Ўкилди: 7853 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.