Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Холис таҳлилчи блоги

Futbol olami

“Испаниялик Месси”, “Мотоцикл”, “Спагетти”, “Танк”: “Милан” футболчиларининг лақаблари

Баҳо:
+0; -0

Яқин тарихда “Милан”да жуда ажойиб футболчилар тўп суришган. Мухлислар, журналистлар уларга турли лақаблар қўйишган, бу “иккинчи ном”лар уларни бутун фаолиятида таъқиб қилиб юрган. Масалан, Андреа Пирло – “Маэстро”, Кларенс Зеедорф – “Профессор”.

Ҳозирги футболчиларда ҳам лақаблар борми? Бугун шу ҳақида суҳбатлашамиз.

Жанлуижжи Доннарумма – “Жижжо”, “Долларумма”

Доннаруммани мухлислар исмини қисқартириб “Жижжо” деб аташади. Бу Жанлуижжи исмини қисқартирилган шакли. Лекин футболчининг иккинчи лақаби “Долларумма” кўпроқ мос тушади. Бу лақаб унга 2017 йилда “Милан” билан шартномасини анча пйт узайтирмасдан юргани ва агенти Райола орқали маоши кўпайтирилиши исташини етказгандан сўнг қўйилган.

Ҳаттоки, Италия ёшлари сафида Доннарумма майдонга тушгач, мухлислар трибунадан ясама долларларни унга қарата отишган эди. “Долларумма” номи футболчини анчадан буён таъқиб қилади ва энди бу номдан қутула олмаса ҳам керак.

Тео эрнандес – “Мотоцикл”

“Мотоцикл” номи эрнандесга “Реал Сосьедад”га қарши ўйнаб юрган пайтларида қўйилган эди. Марcа нашри футболчининг юқори тезлиги ва техникасидан ҳайратланиб Теони шу ном билан атаган эди.

Италянчада бу ном “Ил Моторино” деб талаффуз қилинади ва футболчи “Милан”га келиши билан газеталарда пайдо бўла бошлади.

Аммо мухлислар уни Тео деб чақиришни хуш кўришади.

Симон Кьер – “Викинг”

Симон “Викинг” лақабини “Лилл”да тўп суриб юрган вақтларида олган эди. Италия нашрларида ҳам бу лақабни кўришимиз мумкин. Бунга сабаб эса футболчининг миллати ва жанговорлик хусусиятлари.

Матео Мусаккьо – “Мустаҳкам”

Матео “Мустаҳкам” лақабини “Вильярреал”даги қўпол ўйин услуби сабаб орттириб олганди. Албатта, Италияда уни бундай номлашмайди. Чунки футболчи “Милан”да эски ўйин услубини такрорламаяпти.

Франк Кессье – “Танк”, “Президент”

Франк Кессье жисмонан кучлилиги учун “Милан” мухлислари томонидан “Танк” лақабини олган. Ивуарлик футболчи исталган рақиби билан яккама-якка курашларда енгиб чиқа олади.

Жамоадошлари эса уни “Президент” деб аташади. Кессьенинг ўзи бу ҳақида: “Нима учун жамоадошларим мени “Президент” деб аташади? Чунки Франк – президент ва кийиниш хонаси хўжайини.

Батафсил ўқиш учун ссилкага босинг

Киритилган сана: 02.11.2020 21:19. Ўкилди: 2378 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.