Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Холис таҳлилчи блоги

Futbol olami

«МЮ»нинг Португалиядан харидлари ёхуд Роналдудан Фернандешгача

Баҳо:
+0; -1
Португалия чемпионати азалдан ёш футболчилар учун яхши транплин вазифасини ўтаб келган. Шунинг учун бу мусобақа ҳар доим гранд клублар скаутларининг эътибор марказида туради.
Маълумотларга қараганда, яқин соатлар ичида «Манчестер Юнайтед» мазкур чемпионат вакили Бруно Фернандеш трансферини эълон қилади. Мазкур харид амалга ошса, Бруно «МЮ» бу чемпионатдан харид қилган 7-футболчига айланади. Шундай экан, қуйида «Қизил иблислар»нинг португал диёридан амалга оширган барча харидларига тўхталиб ўтамиз.
 
Криштиану Роналду (2003 йил. 19 миллион евро). «Ронни» профессионал карьерасини 2002 йил «Спортинг» клуби таркибида бошлади. У 16 ёшидаёқ «Ливерпуль» устози Жерар Улье назарига тушди, аммо «мерсисайдликлар» Криштианунинг имкониятларини тўғри баҳолай олмади. Бўлажак юлдуз ёшлиги туфайли «қизиллар» унинг трансферидан воз кечди. «Спортинг»даги муваффақиятли бир мавсумдан сўнг «Манчестер Юнайтед»га қарши ўртоқлик ўйинидаги ажойиб ҳаракатлари унинг келажагини белгилаб берди. «Рон» 19 миллион евро эвазига «манкуниан»га айланди ва клуб сафида 2009 йилгача 307 учрашувда майдонга тушиб, 130 та гол урди.
 
 
Луиш Нани (2007 йил. 25 миллион евро). 2003 йилда Роналду «Спортинг»ни тарк этгач, унинг ўрнини тўдириш мақсадида ёшлар жамоасида ҳаракатланаётган Нани асосий жамоа таркибига киритилди. Футболчи бу қарор хато эмаслигини йиллар ўтиб исботлади. Зеро, 2007 йилда 21 ёшли футболчини Алекс Фергюсон Ўз жамоасида кўришни хоҳлади ва бу харид «МЮ» раҳбарларига 17 миллион фунт-стерлингга тушди. 2015 йилгача «қизил иблислар» шарафини ҳимоя қилган футболчи 262
учрашувда 49 гол киритишни уддалади. Нани бугунги кунда МЛС вакили «Орландо Сити» шарафини ҳимоя қилмоқда.
 
 
Андерсон (2007 йил. 18 миллион фунт). 2005 йилги Перу майдонларида ўтказилган «кичик мундиал»нинг энг яхши футболчиси, деб топилган бразилиялик футболчи «Гремио»дан «Порту»га трансфер қилинганди. Эндигина 17 ёшга тўлган футболчи «аждар»лар сафида 2 йил тўп сурди. 2007 йилда Нани билан биргаликда «МЮ»нинг янги футболчисига айланди ва 2015 йилгача 181 баҳсда майдонга тушди. 31 ёшли футболчи бугунги кунда турк чемпионати вакили «Адана Демирспор» шарафуни ҳимоя қилмоқда.
 
 
Маркос Рохо (2014 йил. 20 миллион фунт). Бразилиядаги мундиал Рохонинг келажагига яхши таъсир қилди. «Спортинг»ни аргентиналик ҳимоячиси «қизил иблислар» сафини тўлдирди. Трансфердан лиссабонликлар 16 миллион, Маркоснинг олдинги жамоаси «Спартак» (Москва) эса 4 миллион фунт ишлаб олди. Жароҳатларга мойил ҳимоячи бугунга қадар «манкунианлар» сафида 113 учрашув ўтказди. Жумладан, охирги мавсумда 6 бор майдонга тушди, холос.
 

Давомини ўқиш

Киритилган сана: 31.07.2019 18:02. Ўкилди: 2669 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.