Кириш Регистрация
30/05 18:30 Герта 2-0 Аугсбург
30/05 18:30 Майнц-05 0-1 Ҳоффенҳайм
30/05 18:30 Шальке-04 0-1 Вердер
30/05 18:30 Вольфсбург 1-2 Айнтрахт Франкфурт
30/05 19:00 Белшина 2-3 Славия
30/05 21:00 Динамо Минск 0-1 Шахтёр-Солигорск
30/05 21:30 Бавария 5-0 Фортуна
31/05 18:00 Энергетик-БГУ - Витебск
31/05 18:30 Боруссия М - Унион Берлин
31/05 20:00 БАТЭ - Ислочь
31/05 21:00 Падерборн - Боруссия Д
31/05 22:00 Рух - Динамо-Брест
01/06 20:00 Минск - Слуцк
01/06 23:30 Кёльн - Лейпциг

Блог

Ҳасанали ота

Ўзингни англа

БОРИМ ҲАМ, ЙЎҒИМ ҲАМ ФУТБОЛ

Баҳо:
+0; -0

Ҳурматли  ўқувчим, ҳар қайси ижодкор бировдан нусха кўчиради. Абрамов  Барсадан олган кўчирмаси учун танқидчилар уни тўпга тутишяпти, “Абрабарса” дейишяпти. Ваҳоланки, Арсенал ҳам Барсадан бир нимани ўзлаштириб, қаддини ростлаб олди.  Реал унинг қуролини ўзлаштириб,  жойи келганда ишлатиб ўзини қулатди. Қанча кинолар, китоблар, драмалар кўчирма бўлган. Ёшликда севиб ўқиганимиз Буратино ҳам Пиноккиодан кўчирма бўлган. Мен ҳам гоҳида бир нима кўчираман. Ўтиб кетган  адиблардан кўчириб таъналарга чап беряпман. Масалан ушбу  мақоламда ўзим ўзимдан кўчирдим: Олдинги гал ишлатган сарлавҳани бу гал ҳам ишлатдим. Эгилган бошни қилич кесмайди, шундай эмасми.

1. Ғаддор кўча. Яшил майдон.  
 Уйимдагилар ТВ сиртига тикилиб дам олишмоқда.Ҳамма ҳазилга мойил. Ҳаётда бир нимага мойил бўлиб  яшаш одамга ҳос холат. Аза пайти қайғуришга, байрам куни фароғатга мойил бўламиз. Бизда  мавжуд бўлган кўникмаларимиз туфайли ҳамма  доим бир нимага олдиндан мойил бўлиб олади. Ҳозирги кунда  ҳамма Абрамовни танқид қилишга мойил. Мен эса бўлиб ўтган кўргиликка ҳеч кўна олмаётибман, кўника олмаётибман. Ҳеч нарсага мойил эмасман. Ҳеч нимамга қойил эмасман. Ўтар кунимгаям, айтар Сўзимгаям.
Уммон термасидан олган аччиқ, аламли мағлубиятдан сўнг мен бор будимни, шудимни йўқотиб қўйдим. Бу  аҳволни олдиндан билиб, қайғуриб ҳаммадан ошириб, тошириб бонг урган мен эдим-ку.  Нега энди синиб қолдим? Сўнги оғир саҳна кўринишини олдиндан башорат қилган мен эмасмидим? Йўқ,  бир  нимадан ҳавотирда эдим. Футболнинг жафосиниям, вафосиниям кўп кўрганман. Бундай шармандали ўйинларни, бундай пароканда жамоани кўришга ҳеч тайёр эмас эдим. Сўнги дамгача натижадан қатъий назар, яхши ўйнашимиздан умидвор эдим. Шунинг учун сўздан қолдим, ишдан қолдим. Кирган кўчамизда кўп нарса беҳтарин эмаслигини (ненормально) билар эдим, лекин бу ғаддор кўча бундай тугашини олдиндан билмас эканман. Ҳозир  ўзим ҳам йўлсиз қолдим. Ўйсиз қолдим. Тилсиз қолдим.

Аҳли аёлим менга ғамхўрлик қила бошлади. ТВни менга илинар, еврофутболдан гап очар эди. Рауф Парфи, Миртемир  шеърларини мақтаб кўрди, бўлмади. Шукшин киноларини қўйиб юборди, ёқмади. Кунни тунга улашим оғир кечди. Эртаси боғда бир оз айланган бўлдим. Телефонларимни ўчириб қўйган эдим. Ҳеч кимнинг гапи ёқмай қолди. Ҳар турли тасалли гаплардан таскин ололмай қолдим, Юпанч тополмай қолдим. Афтода ҳолимни ўзим енгишим керак эди. Қандай қилиб? Нега “Эргаш Каримов” эмасман, бир иккита идишни чил-парчин синдириб енгил тортармидим. Тахририятга борайчи. Ким бор, нима гап?

Қайси кўликка миниб қайси  йўлдан борганимни билмайман. “Спорт товар” бекатига кеб қолибман. Кўчалар гавжум, ҳаёт “қозони” қайнамоқда. Бу”қайновга” мен қуюлиб кетолмай қолдим. Четга чиқиб қолдим. Тошкентнинг бундай кўчаларида ишқибозлигим туфайли бошқалардан ажралиб қолганимни энди тан олдим. Майлига, ажрим юрсам-да, ўзим биланман. Эгам халқимдан айрилиқ қилмасин. Футболга яқинлигим Ўзбегимга жондошлигимдан, қондошлигимдан эмасми? Ўзимни деб эмас, Ўзбегим футболини деб ғамнок бўлиб қолдим-ку. Майлига, ишқибозларнинг бир ҳол бўлиб қолганлари бундай оғир кунларда менга ўхшаб четда қолиб, “қайнови” ўчиб юра беришсин.  Сизлар тинмай ўзаро “қайнамоқдасиз”. Ҳаёт давом этмоқда. Янги кунлар отмоқда. Фақат доим Сизлар Бор бўлинглар.

Таҳририятда ҳамма ўз юмуши билан овора экан. Бўш жойга ўтириб нетбугимни очдиму, тугмапечини тақиллата олмадим. (Сиз бу матохни “Клавиатура” дейсизлар.) Жим ўтирдим. Бу ерда ҳам ҳеч нарса ўзгармаган. Кимдир кимгадир нимадир дейди. Илғамайман. Бу ердан ҳам кетгим келди. Бу ерда ҳам қайғу-аламимга жой топилмаяпти. Азамат  янги ҳабарни сайтга қўйдим деб айтдими, унга  Тўхтамирзаев раддия ёздими, мен “йўқ  нарсага раддия ёзилмайди” деб жавоб бердимми, хозир эсимда йўқ. Йигирма бешта ёш йигитнинг орзуси чил-парчин бўлди, ўн беш йилдан бери интилган манзили сароб бўлди. Кўча-кўй, гузар, майдонларни ғам босиб олди . Бу қайғудан осмонни ҳам қора булут қоплади.  Муҳбир эса қайноқ ҳабарнинг куйдиргисини излаш билан, сайтбозларга етказиш билан овора. Бир инсон ўлимига гувох бўлиб, навбатдагисини ҳаяжонсиз қарши оладиган санитарга ўхшайди  булар. Бир нима демадим. Уларнинг жавоби олдиндан маълум: ” Ўзингизга қаранг. Кийимингиз бир ҳолатда. Нетбукни ҳам насияга олган экансиз. Сиз ачинган Кенжаларингиз Ватан шаънига эмас, ишқибозлар орзусига эмас, ўз киссасига, футболчилик карьерасига бир оз куюнади, сўнг “Насаф”ларга қуюлиб кетади-ю, енгил нафас ола беради. Сиз эса... Сиз Ёш болага ўхшайсиз,”- ва шу каби “ақлли” гаплар эринибгина мени юыоридан кузатиб ҳаволанади. Эллик йилдан бери бу қулоқларим эшита бериб эшитмай қўйган алмусоқдан қолган гаплар. Доим Санчо Пансолар хақ бўлишиб, Дон Кихотлар телба саналишган.

 Ушбу кунларда  эллик  минг шундай “телбалар” Иттиход Стэдиумга  келиб бор овоз билан биргаликда қўшиқ куйлаб суюкли “шаҳарликларини” қўллаб туришади. Шайх Мансурнинг, ёки ван Персининг пулини санашмайди. Чунки “телба”ларнинг кўнгли доим тўқ бўлиб, уларнинг яшаш жойи диққинафас, молютар шаҳар хонадонлари эмас  ватанпарварлик тоғларидир.

Кета туриб даҳлизда Диёрни учратиб қолдим. Софдил, синчков кўзларига тикилиб суҳбатлашиш кишига ҳуш ёқади деб, олдига бордим.”Ўтган замонда қолиб кетманг, олдинга боқинг”, деган маънода гаплар эшитдим. Ўзини ишқибозчиликдан устун билган совуққон журналистика бу. Инсон тафтини инсон кўтаради, журналистика эмас. Уйга қайтдим. Кета туриб кўчаларга, осмонга, шамолга, гуллаган дарахтларга аччиқ  қайғуларимни  ёйиб қайтдим. Алам тўла гапларимни овозимни чиқариб ўзимга ўзим гапириб кўрдим. Таскин топмадим. Телба, қайсар шамол хасратимни гулбаргларга ўраб, томларни шарақлатиб, терак шохларини қирсиллатиб  узоқларга  олиб  учиб кетди. У  ҳам “Телбалардан”. Тезда осмонни қора булут қоплади.  Эгаси ташлаб кетган ҳовлидай ўзимни ёлғиз ҳис қилдим. Шу тошшаҳар кўчаларида Шамолдан бошқа менинг ҳеч кимим  йўқ.

Хонамга кирганим ҳамоно телефон жиринглаб қолди. Ғойибона  танишим дўкондор йигит Рустам Соатов экан. Кўнглимни кўтариш учун, ҳабар олай деб телефон қоқибди. Манман, Рустамман, Соатов Рустамман деганидан кейин таниб қолдим. Самимий, дардчил, илиқ, оддий  сўзлар топа олди. Гўшакдан тараляпган  Унинг товуши бошимни, қалбимни силагандай бўлди. Қаричилик: кўзларим, ёноқларим ҳўл бўлди, кўз ёшим ажинларим бўйлаб оқиб кетди....
  “Ёзганларингизни унча тушуна олмасам-да, улар ҳаммамизга ёқади. Биргалашиб ўқиб чиқамиз. Ёзганларингиз қандайдир бошкача.”- деб мақолага буюртма берди. Бу умримда олган биринчи буюртмам эди.  Қаттиқ шамол тингач,  ёмғирли кунда  Қўйлиқ тарафда қора булут йиртилиб,  тиниқ, зангори осмондан шаффоф баҳор нури булутлар четини қизартириб ерга тарала бошлади. Қўйлиқ бозоридан туриб Рустам телефон қоқмоқда эди.  У  ўша ерда бир дўконни ижарага олган.

Қадр нури бу. Эллик йилдан буён ишқибоз бўлганимдан, дард чекканимдан, беш йилдан бери ёзувкашлик қилишимдан биринчи бор  шодон мамнуниятни ҳис қилдим. Менинг Сўзим кимгадир керак экан. Ёзаман, албатта, ёзаман.

“Футбол шарҳига” шарҳлар.
Душанба куни кеч киришини орзиқиб кутдим. Ниҳоят, соат 20ю40 бўлди. “Футбол шарҳига” Абрамов ташриф буюрди.......     ”Шарҳларни” шарҳлашимдан олдин ҳозир мавриди бўлмаса-да, бир жиҳатга диққатингизни тортаман. Бутун кўрсатув ОТЖ ўйинларига ва Абрамов фаолиятига бағишланди. Абрамовга берилган саволлар ва унинг жавоблари рус тилида олиб борилди. Бутун Ўзбекистоннинг футбол ишқибозлари Абрамовни танийдилар, уни ҳурмат қиладилар, ёқтирадилар. Мен бир нарсага амин бўлиб айтаман-ки, ишқибоз бўлмаган Ўзбекистоннинг анча-мунча  аҳолиси ҳам бу  кўрсатувни кўрди. Кимсан, иккала терманинг бош мураббийи Вадим Карленович Абрамов саволларга жавоб берса, қизиқишмайдими? Ўз ватанида туғилиб ўсган   вилоятлардаги қанча  аҳоли  ушбу кўрсатувни тушинмади? Қанчаси чала тушунди?  Ушбу кўрсатув  қанча одамни ўз Ватанида мусофирга  айлантириб қўйди. Лоақал товуш ёки ёзув билан савол-жавобни ўзбек тилига ўгириб турмадилар. Ўғлим Зафар, мустақил бўлишимиздан олдин қанча хўрликни кўрмадик, дейсиз. Санамай қўя қолай. Озодликни орзу қилиб, уни ҳеч кимга ошкор қилмай баърига чидаб яшадик. Абрамов давлат тилини билмаса, бу унинг муаммоси, давлат телевидениясининг ёки давлат каналининг эмас. Нега таржима йўқ?  Ваҳоланки, халқ ардоқлаган Мураббий ўзбек тилини яхши тушинади. Фақат ўз фикрини ўзбек тилида равон изхор қила олмайди. Масалан, Нестеревнинг ўзбек тилида айтар гаплари ўзига яраша ширали. Зафархўжа, кейинги сафар Абрамовни суҳбатга чорласангиз, у билан инглиз тилида суҳбатлашинг, ундан кейингисида арманд тилида гаплашинг. У киши бу тилларни ҳам жуда яхши билади. Майли, биз гўл-гумроҳ бўлиб сизларни зангори экранда томоша қилиб ҳеч нарсани тушинмай томошақовоқ бўлиб ўтира берайлик. Лекин, асло, рус тилида гаплашманг. Чунки рус тили жуда қийин тил, сизнинг рус  тилида саводингиз тўлиқ чиқмаган экан.  Ўзингизни, “Спорт” канални ҳурмат қилинг...
 (Муҳим гапларим четда қолиб мавзудан  чекинганим учун сизлардан узр сўрайман.)

Давоми бор
 

Киритилган сана: 29.04.2012 17:06. Ўкилди: 7500 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


TURON
Сана: 30.04.2012 16:03. TURONга ёзиш
+0; -0
Туппа тугри!Эфирда таржимасиз бошка тилда гаплашиш-ахмокгарчилик.Бизнинг давлат тилимиз-УЗБЕК тили.

Ушбу фикрга жавобан


FAMOUS
Сана: 30.04.2012 04:04. FAMOUSга ёзиш
+0; -0
Xa balki Zafarho'ja rus tilida mukammal gapirmas. Qani bo'lmasa undan zo'r gapiruvchi bormi? Nega biz birovni, va uni ishlarini doim g'iybat qilamiz? Tanqid, tanqid va yana tanqid... Tanqid - kelajak mevasi degan gapga shuni aytishim mumkinki, tanqidning xam me'yori bo'ladi. Farzandingiz nojo'ya ish qilsa, uni tanqid qilib, koyiversak, bola zada bo'lib qotib qoladiku. O'rnida koyib, o'rnida qo'llab quvvatlasak bolamiz to'gri hulosa chiqaradi.
Uzr yana...

Ушбу фикрга жавобан


FAMOUS
Сана: 30.04.2012 03:53. FAMOUSга ёзиш
+-1; -0
Ota, gapimga hafa bo'lmang, samimiy aytaman. Menimcha, siz psihologga uchrashsangiz maqsadga muvofiq bo'lsa kerak. Yoki, ko'ngli toza, samimiy insonlar bilan xar xil davralarda, choyhonalarda ko'proq mulogot qilsangiz. Maqolangizni tanqid qilmoqchimasmanu, faqat o'qib, sizni nimadandir qattiq charchagan deb o'yladim. Yoki shahsiy hayotingizda qandaydir muammolar borday...
Faqat iltimos, gapimdan ranjimang. Men gaplarimni to'gri ma'noda qabul qilasiz degan umiddaman. Chunki siz yozuvchisiz, ijodkorsiz. Savodli inson ekansiz. Xozirgi paytda ko'pchilik ilm-fanga bee'tibor bo'lib, o'zini bozorga urgan paytda Bizga saviyamiz o'lmasligi uchun xam siz kabi ijodkorlar, fidoyi jonkuyarlar bo'lishi kerak. Ishlaringizga rivoj, salomat bo'ling.

Ушбу фикрга жавобан


DILSHODTA
Сана: 30.04.2012 02:15. DILSHODTAга ёзиш
+0; -0
Zafar Imomxo`jayev donolik qilmasdan - o`zbekcha, Abramov rus tilida gapirgan taqdirda ham, qanday qilib jonli efir vaqtida ikkinchisining so`zlarini subtitr tarzida berish mumkin? Oddiy o`yin payti vaqtni bildiruvchi titrni bera olmaydigan telekanaldan bunaqa narsalarni talab qilish haqiqatdan yiroq narsa. Agar ovozli tarjima qilinadigan bo`lsa, unda erilishi mo`ljallangan savollarning yarmi vaqt yetmasligidan qolib ketgan bo`lardi va Abramov gaplarining asl mohiyati buzlilib ketardi.

Ушбу фикрга жавобан


RAHIMBERDI
Сана: 29.04.2012 21:26. RAHIMBERDIга ёзиш
+0; -0
E yashang otaxon, men ham chala tushundim, har safar shunaqa bo'ladi. Ruschani uncha bilmaganim pand beradi.

Ушбу фикрга жавобан


OFTALMOLOG
Сана: 29.04.2012 20:06. OFTALMOLOGга ёзиш
+0; -0
Сог булинг,Ота!Хакикатдан бошкача ёзасизда,чарчаманг.З.Имомхужаев хулоса чикаради деган умиддаман.

Ушбу фикрга жавобан


KATALONIYA
Сана: 29.04.2012 19:33. KATALONIYAга ёзиш
+0; -0
Ажойиб макола

Ушбу фикрга жавобан


ABITURIYENT
Сана: 29.04.2012 18:57. ABITURIYENTга ёзиш
+0; -0
Ana udar-u, mana aprikot. Zafar Imomxo'jayevning hech qayeri ko'karmabdimikan.
Lekin, Hasanali ota o'zingizam raz nasiyaga olarkansiz notbuk olaqomisimi? netbukni nima qilasiz.

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.