Кириш Регистрация
30/05 18:30 Герта 2-0 Аугсбург
30/05 18:30 Майнц-05 0-1 Ҳоффенҳайм
30/05 18:30 Шальке-04 0-1 Вердер
30/05 18:30 Вольфсбург 1-2 Айнтрахт Франкфурт
30/05 19:00 Белшина 2-3 Славия
30/05 21:00 Динамо Минск 0-1 Шахтёр-Солигорск
30/05 21:30 Бавария 5-0 Фортуна
31/05 18:00 Энергетик-БГУ - Витебск
31/05 18:30 Боруссия М - Унион Берлин
31/05 20:00 БАТЭ - Ислочь
31/05 21:00 Падерборн - Боруссия Д
31/05 22:00 Рух - Динамо-Брест
01/06 20:00 Минск - Слуцк
01/06 23:30 Кёльн - Лейпциг

Блог

Ҳасанали ота

Ўзингни англа

Борим ҳам йўғим ҳам футбол 2

Баҳо:
+0; -0

 

2.  Бечора эпизодлар. 

Матбуот анжуманида Мухбирлар билан учрашувдан олдин бизнинг Мураббий  ТВда  бутун ўзбек аҳолиси олдига  юзма-юз  чиқиб саволларга  рўйирост  жавоб бериши мен учун кутилмаган воқеа бўлди. Бундай қадамни унгача ҳеч қайси бош мураббий қўймаган. Ушбу қадам  унинг софдил, пок виждонли одам эканлигидан дарак беради.  Лекин ҳамма гап қандай саволлар берилганида. Мағлубият сабабини эпизодлардан қидириб саволлар берилди. Шунга яраша жавоблар олинди. Мужмал саволларга мубҳам жавоблар эшитдик.  “ЖЧ 2014нинг  Тўртинчи босқичида ҳамма кучли, гурухда  ғолиб  бўламан  деб ҳеч ким кафил бўла олмайди. Лекин ЖЧ  2014нинг финал турнирида қатнашамиз деб ишонаман.” деган маънодаги ваъда гапларни   Зафар дилгир Мураббий оғзидан  суғуриб олди.

 Саволу жавоблар менга ёқмаган бўлса-да, жавоблардан менга кўп нарса аён бўлди. Ўйин эпизодларида йўл қўйилган хатолар мағлубиятга сабабчи деб топилди. Жумладан, Амирликларга бой берилган ўйинимизда рўй берган эпизодлар ҳақида кўп гапирилди. Мен ҳам худди шу ўйинга таяниб бугун фикр юритсам дейман.  Иккинчи бўлим бошланиши билан сардоримиз Фозил Мусаев калла билан гол  уриб ҳисобни 2- 0га етказди. Кейин эса, кейин еттинчи дақиқада   Аҳмад Ҳалилнинг жарима зарбасидан сўнг гол ўтказиб юбордик. Уч дақиқаданг сўнг-а. Нима учун бундай тез бўлди? Тасодифми? Йўқ ,биз рақибдан ҳар томонлама устун бўлганимиз учун эмас, дарвозабон Ҳолид Иссанинг ҳатоси туфайли гол уриб олган эдик.  Бу гол, аввало, биз учун кутилмаган эди. Биринчи гол каби “ишлаб”топилмаган эди. Ўйинчилар, мураббийлар, суратчилар, ишқибозлар голни жуда узоқ нишонлаб юборишди.

 Хисобда олдинда бўлсак-да, элдан бурун ғалабани нишонлайман деб, ўйин назоратини рақибга бериб қўйиб гол ўтказиб юбордик. Суҳбат давомида бу голга, аввало, Санжар Қувватов айбдор деб топилди. Чунки аввал ўнг томонга бир қадам ташлаб сўнгра чап томонга отилди-ю, кечикди.  “Ҳимоячилар жарима яқинида тўпни олдинга тепиб юбориш ўрнига нега бир-бирига  ошириб йўқ жойда жарима ишлаб олдилар”, деб  Абрамов хозиргача тушинмай юрган экан. Менинг жавобим бошқача бўлади. Қуйида айтаман. Суҳбат давомида кейинги ўйинларни ҳам эпизодларга бўлиб-бўлиб қараб чиқишди. Ханойда бизга Сурия урган голни эслаб, дарвозабонни айблашди. Уммонга қарши ўйинда ҳимоячиларни айбдор деб топишди. Мен ҳотираларимда ҳамма эпизотларни йиғиштириб олмоқчиман. ОТЖ мағлубиятининг асл сабаби таҳлил қилинмади, деган фикрдаман. Хатоларга майдонга тушмасимиздан аввал йўл қўйган эдик деб биламан.  Суҳбат мавзуси эса ўйин эпизодлари орасида ўралашиб, чалкашиб қолди. 

Дангаса Пушкин

 Абрамов қайсидир саволга жавоб бера туриб “Биз йигитлар билан бетиним кўп меҳнат қилдик, шунинг учун олдингизда уятли эмасман” деб натижадан қатъий назар  ўзини, ОТЖдаги фаолиятини, ўйинчиларни оқлади. Суҳбат аввалида кечирим сўрагани нима бўлди-ю, бу гапи нимаси? Вадим-оға,  тўғри,  ўйинчилар билан маълум йўналишда анча меҳнат килинган. Уққанларнинг масалан Қиличев, Мусаев, Хасановларнинг ўйини Сиз термага келганингиздан кейин  яхши томонга анча  ўзгарди. “Термадаги йигитлар клубга ёрдам беришмаяпти” деб,  Сиздан норози бўлиб юрган клуб мураббийлари энди меҳнатингиз роҳатини кўришади  ёки меҳнатингиз самарини сўқир тактикаси билан ўчириб ташлайди. Ҳеч  ким ҳеч нарсага кафил бўлмайди.

 Меҳнатингизни қанча кўп  эътироф қилмайин, унинг мағзида бошқа жиҳат ҳам борлигини айтиб ўтишим шарт:  Мени кечиринг, мардикор ҳам меҳнат қилади. Тўғри, ҳозирги мардикорлар айёр, дангаса бўлиши мумкин. Қўпол бўлса-да, бошқа ташбиҳ келтираман: Эшшак ҳам туну-кун ишлайди..... Яшил майдонда ЎЙНАШ керак, ЎЙНАШ.

 Футбол сувоқчилик эмас, футбол-бу санъат. Ўтмушда энг дангаса одам Пушкин бўлган. Ҳамма буюк асарларини ялқўвликда зерикканидан ёзган. Беш йил заҳмат чекиб яратган асарнинг бадиий савияси бир пақир бўлиб,  ярим соатда яралган асар оламшумул буюк бўлиши мумкин. Вадим Карленович,  тўрт  ой меҳнат қилиб кўрсатган тўртта  ўйинингиз учун  ҳамманинг олдида  Сизга “стидно”бўлиши керак. Чунки Сиз ор номусли, мард эркак кишисиз.

 Менимча Абрамов йўл қўйган хатоларини ўзи билмайди, ёки тан олмайди, ёки оммага дастурхон қилмоқчи эмас.  Шуни тушиндим. Нимани тушинмай қолдим? Гуруҳда Жамоалар тенг эди,  мураббийларчи? Бир ой олдин 27 мартда  Вьетнамда Сурияга қарши  майдонга тушдик. Сурия ундан икки кун аввал Уммон билан ўйнаб 1:1 ҳисобида дуранг натижага эришган эди. Бу ўйинда сўнгги дамгача, сўнгги сониягача жанг давом этди. Рақибларимиз ўйинини собиқ гуруҳдошларимиз ўйинига,  менга таниш Австралия ва Ироқ  ўйинига  солиштирсам, улар  тенг кучли  жамоалар эдилар.  Бу ёшдагиларнинг ўйини тенг кучли, тўғрироғи тенг кучсиз бўлар экан. Қанча вазиятни бой беришди. Қанча яхши вазиятни яратиб, ундан натижа чиқара олмай ўйнашди. Бундай ўйнайдиганлар тенг кучсиз бўлади-да. Биринчи турдаги Автралияга қарши майдонга тушган амирликларнинг ўйинини эсланг. Кучли ўйин бўлган эди. Шижоат баланд, истак баланд, шиддат баланд,  ҳамжиҳатлик баланд, маҳорат эса паст. Ҳар иккисининг Лондонга бориш даъвоси тенг эди ўшанда.

 Корейслар билан японлар ҳаммадан катта кучи билан, Малайзия эса умуман кучи йўқлиги билан бошқалардан ажралиб туришса, қолганларнинг ўйини таҳминан тенг, тенг кучсиз, хом эди. Йигитларимиз, ҳали алоҳида айтаман, паст “физикаси” билан кўзга ташланиб туришар эди.  Бу ҳолга жавобан, ҳамжиҳатлик, жамоавий ўйин бизда ҳаммадан баландроқмиди? Шунга жавоб қидиряпман. Қолган соҳаларда ҳамма  сал фарқи билан ўзаро тенг эдилар. Демак, қайси мураббий руҳан, ақлан кучли бўлган бўлса, ўша жамоа ғолиб  бўлди. Ва Лондонга йўл олди. Абрамов нимада кучли эди-ю, нимада кучсиз? Шуни тушиниб олай.

 Мен журналист эмасман, мен ишқибозман. Сайтдан фойдаланишни билмайман. Менинг сайтим ҳам, Матбуот марказим ҳам, ҳар хил кўрсатувим ҳам,  Клара Моренам ҳам, машҳур ”Аренам” ҳам  ЯШИЛ  МАЙДОН. У мени ҳеч алдамайди. У мен учун энг ростгўй “кўрсатув”дир. Шундай бўлса-да  кўп фактлардан беҳабар бўлишим мумкин. Фақат майдонда кўрганларимга таяниб   мен  ҳам ўз ҳулосамни, ўз ташҳисимни, ўз таҳлилимни Сиз билан баҳам кўрай.

            Ёқса эшитинг, ёқмаса йўқ.

 

Киритилган сана: 01.05.2012 16:16. Ўкилди: 6770 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


SOBIRUZ
Сана: 02.05.2012 11:19. SOBIRUZга ёзиш
+0; -0
Qayil! yoqdi haqiqat

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.