Кириш Регистрация
27/05 21:30 Лейпциг 2-2 Герта
27/05 23:30 Аугсбург 0-0 Падерборн
27/05 23:30 Унион Берлин 1-1 Майнц-05
27/05 23:30 Фортуна 2-1 Шальке-04
27/05 23:30 Ҳоффенҳайм 3-1 Кёльн
29/05 20:00 Торпедо-БелАЗ - Смолевичи
29/05 22:00 Городея - Неман
29/05 23:30 Фрайбург - Байер

Блог

Ҳасанали ота

Ўзингни англа

Бобомурод Абдуллага...

Баҳо:
+1; -0

7. Ғаддор йўл ортда қолдими?

Бултур шу пайт Мифтахуддинов сохта бош қўмондон эди. Абрамовни бош мураббий деб эълон қилишганида сохтакашликдан қутилганимиз туфайли хурсанд бўлдим. Бу йил Январ ойида босилиб чиққан Солдадзенинг мақоласи мени ўйлантириб қўйди. Бир мураббийга икки термани юклаш қадрсизсикнинг белгиси деб ёзган эди у. Ё ОТЖни, ё МТЖни, ё Мураббий обрўсини, ё Юрт шаънини ерга уриш бўлди деб ёзган эди. Лобановскийни ҳам эслаб қўйган эди. Бир чавандоз бирданига иккита отни миниб бирданига икки манзил сари пойгада от чоптира олмайди деган эди. Фақат циркда чавандозлар бирданига иккита, учта отни минишини кўришимиз мумкин. У ерда рақиб йўқ. Ғалаба қозониб эмас, томоша кўрсатиб пул ишлаш, циркнинг интилган манзилидир. Бизнинг ЎФФ Абрамовни бирданига иккита отга миндириб ЎЗБЕК ФУТБОЛини циркка айлантириб қўйган экан. Шуни тушиниб етдим. Январда ҳамма Абрамовни олқишга кўмиб қўйган бир пайтда Солдадзе чуқур ташвишда эди. Бу ғаддор кўчанинг бошланиши бўлган. Ҳалиям шу кўчада кетмоқдамиз, шекилли.

 Қачон бу кўча орқамизда қолади? Шу “кўчада” эканмиз-ки, Абрамов анжуманда, УФФ раҳбарияти мажлисда Ҳақиқатни бўяб, яшириб бизларни лақиллата беришади. “Биз яхши футбол намоиш этибмиз.” Бу қандай янгилик бўлди? Бундай ёлғонни кимга кераги бор? Тағин ғаддор кўчада футболга, ишқибозга ҳиёнат қилиб лой кечмоқдамизми? “ Ироқ билан ўйиндан сўнг ўйинчилар ўзларига кела олишмабди, ҳалос.” Бундай аҳволга, “ўзидан чиқиб кетишга” ким ё нима сабабчи бўлса бўлсин, фақат Абрамов эмас экан-да. Чунки Абрамов “талабалик даврида рухшунослик фанидан бир бўлим маъруза тинглаган экан.” Бу ҳам ўша кўчанинг лойкаш гаплари.

Кўчамизнинг ғаддорлигидан яна бир шингил мисол келтирай. Футбол халқ ўйини эканлигини раҳбарият билмас, ё назарга илмас эканми дейман. Мажлисларда халқни алдаб, юпатиб бир нималар деган “Раҳбарият” номли юқори Қудрат Тимсоли ўйинлар таҳлилини мутахассислар даврасида, ёпиқ эшиклар ортида ўтказар экан, “тегишли хулосалар чиқарар экан.” Халқ олдида эмас. Ишқибоз маълумотнинг маъданли сувини булоқ бошидан эмас, журналистиканинг лойқа ариғидан ичар эканда. Ишқибозлар яна журналистлар оғзига тикилиб қоладиларми? Кўрдик, ёппасига мақтаганлар хозир ёппасига айбламоқдалар. Ироқдан олдинги даврда ё Диёр, ё Қаҳрамон, ё Солдадзе, ё каминангизнинг таҳлилнамо, ҳавотирнамо товушлари олқиш гаплар қуюни остида эшитилмай қолган эди. Уларни ҳеч ким тингламади. Шунда саҳифа майдонига танқид тўқмоғи билан Бобомурод кириб келди. Уни ҳамма эшитди.

 Январ ойи эди. Абрамов ҳақида салбий фикр билдириш салкам тақиқланган эди. Фозилов ортидан ҳамма фанатлар ҳар бир ўйин олдидан беш дақиқа бақириб “Аб-ра-мов” деб олқишлаши одат бўла бошлаган эди. Биласиз, ҳар қандай авторитар тузилмалар журналистиканинг биринчи душманидир. Бобомурод аввало ва биринчи навбатта журналистдир. У бор маҳоратини жамлаб Абрамовни қахр-ғазаб билан танқид бўрон қила бошлади. Унинг ёзганларини кўр ҳам пайпаслаб ўқиди, айтганларини кар ҳам жон қулоғи билан тинглади. Омма маддоҳларнинг чучмал мақтов гапларидан тўйиб кетган эди-да. Аввалига Унга ҳавасим келди. Мен қанча ҳаракат қилмай, шунчалар кўп одам эътиборини Сўзимга қарата олмайман. Кейин журналист бўлмаганимга шукр қилдим. Мен Футбол ишқибозиман. Мен учун фуболимиз манфаати биринчи ўринда туради. Журналистика манфаати эмас. Мен шунинг учун ёзаман. Ўқувчиларим сони беш нафар бўлса ҳам майлига.

Бобомуроднинг ёзганларига ҳеч ким бефарқ бўлмади. Мен ҳам. Ҳамма муносабат билдирди. Энди шов-шув тинган пайт. “Бобомурод” номли воқеа туфайли фуболнинг яна бир қиррасига қуёш нури тегиб ўтди. Шунинг учун мен ҳам билганимни, кўриб қолганимни гапирай. 

Мазкур журналист хақиқатни бўямайди, ундан қўрқмайди. ФУТБОЛда катта йўл қолиб, тор кўчаларни кезиб юради. Тирноқ ичидан кир қидиради ва буни яширмайди. Жамият “тирноқ”ларини бўяб, “кир”ни бўёқ остида яшириб юргувчиларни ёмон кўради. Аҳлат ётган тор кўчаларга мен кирмайман. У киради, ҳаммага кўрсатади. Ҳаммамиз суйган ФУТБОЛ “шаҳрини” аҳлатдан тозалайман дейди. Куни кеча футбол агентларининг кўчасига чироқ ёқиб, “чиқит” уюмларини ёритиб берди. Уч йил аввал бир машҳур футбол арбоби “Ҳоразм” хақини “Пахтакор”фойдасига ўмариш ниятида қонун деворини айланиб ўтмади, девор қаъридан игнадек тешик топиб, ичидан ўтиб кетди. Рўзим Аҳмедовнинг футболдаги тақдирини қўлида қўғирчоқ қилиб, ғижимлаб ўтди. Бобомурод бутун футбол аҳлига бу хақда жангиллади, бўғилди, ўкириб йиғлади.

У, мен оптимист ҳам, пессимист ҳам эмасман, дейди. Мен реалистман дейди. Мен шу ерда унга қўшилмайман. Инсон ҳамма нарсани, барча воқеани жуфтлаб идрок этади. Оқ -қора, ер-осмон, ою-қуёш, ваҳоказо. Бобомурод реалист эмас, балки унинг акси, жуфти идеалистдир. Ҳаётни идеал даражада тоза бўлишини хоҳлайди. 20-асрнинг бир буюк давлат арбоби, ўзини моддиюнчиман дегани билан, аслида, идеалист бўлган эди. Идеал жамият яратишни мақсад қилган. Ҳуррият, эрк, озотлик, тенглик асосида янги жамият, яъни коммунизм қураман деб қанча одамлар ҳаётини қурбон қилган. Бобомурод ҳам шу йўлдами? Бир одамнинг тинчлигини қурбон қилиб, қандай идеал футболга етишмоқчи бўлди? Қандай идеал футбол тизимини яратмоқчи бўлди? Ҳеч қандай. Тўғри, у ҳеч кимнинг ёстиғини қуритмади. Лекин Абрамовни яхши билган минглаб ишқибозларнинг тинчи бузилди. Мураббий Ханойдан кела солиб Бобомурод тимсолида барча журналистларни мағлубиятда айблаб, мени ҳайрон қолдирган эди. Япониядаги ғалабадан сўнг ечиниш ҳонасида Ҳайдаров айтган аламли сўзларни эслаб далил сифатида келтирди. Ёпирай, мен ҳеч нарсани англамай қолдим-ку. Биласиз, сайтбозлик қила олмайман, ўша матоҳни ишлата билмайман. Абрамов Бобомуроднинг сайт блогида чиққан мақоласини кўзда тутган экан. Йигитлар ёрдам беришди, тезда ўқиб чиқдим. Ол-а, ана халос............

Қаҳрамоним танқидни келажак меваси деб билади. Танқид қилишга бир сабаб топа олмаса, бир зумда фараз қилиб уни ўзи тўқиб ташлар экан. Бу гал ақл-одоб чекидан чиқиб кетибди, шекилли. Мен ҳам унинг йўлидан юриб боқай, эшитинг. 

Бобомурод нима учун ҳақиқатпарвар, танқидпарас инсон бўлган? Фараз қилайлик, У бир аёлни ўз ҳаётини баҳшида қилар даражада севиб қолган. Унга уйланган. Баҳтли оила қурган. беш ўғил, тўрт қиз кўришган. Фаразни давом эттириш оғир бўлса-да, ҳаммасини айтаман. Бир кун аёли унга ҳиёнат қиляпганини билиб қолади. ..... Бизнинг қаҳрамон Мағрур, Ориятли, Оилапарвар, Меҳрибон инсон. Яъни МООМ киши. Бундай ҳолатда МООМ қандай йўл тутади. У бир гал кечириб юборди. У иккинчи марта хотинини ҳиёнат устида тутиб олди. МООМ ота қандай йўл топади? Қандай бош кўтариб юради? МООМ эркак нима қилди? Бундай оғир, қабиҳ гапларни бошқа ёза олмай қолдим. .....Уҳ,ҳ, ёзиш керак... МООМ бор ҳақиқатни фарзандларидан яширди. Ҳамма айбни ўзига олиб, ҳотини билан ажралишди. Бошқа уйланмади. Ижарада яшаб қолган умрини фарзандларига бағишлаб келмоқда...... Унинг ифлосгарчиликка чидаб туролмаслиги мана шу сабабдандир.

 Фараз-у тусмолларимни Унинг яқинлари ўқийди-ку, энди уятга қоламан-у демадим. Тағинам, фараз билан қаҳрамонимни ижобий рангларга бўядим. Бобомуродга ўҳшаб уни НПК деб фараз қилмадим. Барибир қуюшқондан чиқиб кетибман. Бизнинг қаҳрамон Абрамов ҳақида фаразий гапларни қандай қилиб ёза олган экан. Абрамовнинг яқинлари НПК ҳақидаги фаразларни эшитиб қанча азият чекишмади дейсиз. Тасаввур қилиш қийин эмас. Энди Бобомуроднинг яқинлари шундай аҳволда қолишди. Мен улардан узр сўрайман. Мени кечиринг.

Менинг кимгадур пахта қўйиш ниятим йўқ. Журналистикани бундай “танқид” жанридан ҳимоя қилмоқчиман. Нима сабабдан ушбу танқидий мақола босиб чиқарилган эди? Ҳар бир ишда НИЯТ муҳим. Ҳаётда ҳам, журналистикада ҳам, футболистикада ҳам. НПКлар жуда кўп, ва улар футболга жуда катта зарар етказишяпти. Футбол “шаҳри”ни “аҳлат” уюмлари билан тўлдиришяпти: Баъзида ҳимоячилар, ё дарвозабонлар ўйинни сотишади. Келишувлар парда ортида содир бўлади, баъзан бе парда. Баъзида ечиниш хоналари олди-сотти бозорига айланиб кетади. Ўша куни майдонда футболнинг мурдасини кўрамиз. НПК мавзуси жуда жиддий масала-ки, у биздан алоҳида ёндашувни, лов-лов ёнувни, алоҳида кунни талаб этади.

 Лекин айни ўша куни қандай ниятда бу мақола ёзилди, босилди? НПК масаласи кўтарилди? ОТЖнинг муҳим ўйинлари олдидан омма эътиборини терма муаммоларидан четга чалғитиш учунми? Эсиз маҳорат, эсиз жанр. Ўша кезлари мен қанча қон ютиб “Қадрлаш” деб мақола ёзиб, омма эътиборини терма муаммоларига тортмоқчи бўлсам-да, маҳоратим етмадими дейман, эплолмаган эдим. Айтар Сўзимга бирор кимса эътиборини қарата олмаган эдим. Хозир ҳам шундай. Ёзганларимни айтарли ҳеч ким ўқимаяпти. Маҳоратли Журналистнинг НПКни қоралаб чиқишдан мақсади нима эди, хозиргача тушина олмайман.  Танқид қилиш мақсадида танқид йўлида танқид қилишми? Солиштиринг, баъзилар пул топиш йўлида пулни кўпайтириш учун пул ишлайди. Пул топишни мақсад деб билишади, пулни Эзгу мақсад йўлида бир восита халос деб билишмайди. Танқид жанри ҳам мақсад йўлида бир восита халос. Муаллиф мақсади нима эди? ОТЖда мавжуд бўлган муаммолардан, Мураббий йўл қўйган хатолардан омма эътиборини чалғитишми? Бунга юз фоиз эришди. Ҳамманинг оғзида Абрамов шахсияти дув-дув гап бўлди. ОТЖ ўйинларидаги нуқсонлар эмас. Абрамовгаям бу аҳвол қўл келди. Ҳамма ОТЖ ўйинларини эмас, мақола сўзларини таҳлил қила бошлади. Ханойдан келиши билан Бош мураббий О. Т. Жамоасининг руҳан синиб қолишида асл сабабдан қочиб Бобомурод мақоласини рўкач қилди. Суҳбат мавзуси четга чиқиб кетди.

 Бу ҳам ғаддор кўчамизнинг журналистик кўринишими дейман.

Ўзбекистонда қирқтача футбол журналисти бор. Улар халқ билан футбол ўртасида кўприк бўлиб туришибди. Бу кўприкда ҳаёт серҳаракат эмас. Футбол номли соҳил бандида кўприк бошига дарвоза қуриб қўйилган. Йигирма йил деганда бир инсон биринчи марта дарвозадан ўтиб Халқ номли соҳилга келиб кетди. Бу Рауф Инилеевдир. Отасига раҳмат. Бошқа пайт ФУТБОЛ соҳилининг хира суратини тв сиртида, газета бетида кўрамиз халос. Ўша соҳилдан туриб Рауф ака хақиқий, хаққоний чиқиш қилди. Тирик Инсонни кўрдик, суратни эмас. Бошқа пайт футболсиз яшай олмайдиган ишқибоз ФУТБОЛ ҳаётининг суратини кўради, тиригини эмас. Албатта, фотошопдан чиққанини кўради. Ишқибоз бор буди билан, кўзда ёши билан, қайноқ юраги билан ФУТБОЛ ичига интилади. ФУТБОЛ эса, халқ олдига бўялган, фотошопланган, “двойнигини” юборади. Бошқа соҳада билмайману, Футболни бундай фотошоплашда бизнинг журналистлар устамон, маҳорати фаранг бўлиб кетишган.

 Ханойдан қайтиб келгач, Абрамов билан журналистлар учун матбуот анжумани уюштирилди. Анжуманга ман суқулиб кириб ўтиришни ўзимга эб билмадим. Мен бир ишқибозман, халос. Бу учрашув драматик тарзда кечганлиги аниқ. Кечаги халқ қаҳрамони бугун босқон остида қолган жавобгар бандага айланиб қолгани кутилган бир ҳол эди. Сўроқдорнинг даъволари, айбловлари тутаб кетгандур. Маддоҳларнинг ҳамирсифат сўзлари чўзилгандир. Олишувлар, тортишувлар бўлгандир. “Журналист”нинг отасига раҳмат, у тўқиб берган эртак “комбинациялари” чокидан ситилиб кетдику. Эртакка ишонган халқ олдига чиқиб энди нима дейди У? У ўзининг силлиқ саволига ялтироқ жавоб олгандур. Бунга Бобомурод каби “зирапчалар” кўнишармиди? Хуллас жонли, жонсўз, саркаш гаплар кўп бўлганлиги аниқ.  Халқ учун эса, ҳар доимгидек газета бетида, т.в. сиртида фотошопдан силлиқ бўлиб жилва сочган тасвир етиб келади, халос. Бу билан журналистлар тирик Мураббийни жонсиз қилиб, унинг шаънини силлиқ матоҳга ўхшатиб қўйишганидан ўзлари беҳабар бўлишиб, бундай “касбикоридан”мамнун бўлишиб юришига ўлайми, кулайми?

 Бирорта жамоа ҳаётидан биз бир мисқол ҳабар топа олмаймиз. Жепаров, ё Нестеров ойлиги қанча? Билмаймиз. Бундай ҳабарлар фотошопланади. Ҳаётда энг муҳим омил пул муносабати-ку. Пулни инкор этамизми? Бу социализмга қайтиш бўлмайдими. Бефойда уриниш. Уйдаям, кўчадаям пул муносабати ҳукмрон-ку. Тадбиркор ҳам, миришкор ҳам, “Бунёткор” ҳам пул топишни, уни тўғри сарф қилишни билиши шарт. Бизда катта ФУТБОЛ халқ олдига чиқмайди. Халқдан яширин кун кўради, пул топади. “Пардозчи” журналистларга раҳмат. ФУТБОЛни қўғирчоқ ўйинига айлантириб қўйиб Халқни ёш бола қилишади, аҳмоқ қилишади. Бунга жавобан халқ стадионга келмай қўйган. ТВ сиртига тикилиб Европадан ҳақиқий ФУТБОЛни, ҳақиқий ҲАЁТни кўришади. Бизнинг “журналист”лар куну-тун бор касбий маҳоратини ФУТБОЛ муаммоларини ёритишга эмас, ё нашриёт, ё ўриндиқ, ё шаҳсий турмуш муаммоларини ҳал қилишга сарфлайдилар. Мана шундай ижод йўли бўғилган иқлимда бирон-бир “бобомуродга” талаб пайдо бўлмоқда. Бизнинг “танқидчимиз” эса қош қўяман деб кўз чиқариб юрибди.

 Мен ҳам футболимизнинг фотошоп билан бўялган ғаддор кўчасида сарсон-саргардон юрибман. Ҳаммасига қўл силтаб бу кўчадан бош олиб узоқларга кетиб қолгим келади. Лекин кетолмайман. Доим футбол йўлига шайман, ўйиндан ўйинга пардар-пайман. Фотошоп ичидан Хаққоний маълумот ушоғини топиб яшайман. Уни авайлаб, идрокимга таяниб бу ғаддор кўчани сизларга танитишга астойдил ҳаракат қиламан. Агар ўқиганларингиз туфайли кўзларингиз мошдай очилиб, бу ғаддор кўчанинг соҳта суратлари йиртилиб, уст-бошингизга, хатто тил-забонингизга лой сачраб текканини кўриб қолсангиз, манфаат пардаси босган кўзингизни таниб қолсангиз, келинг, қўл беришайлик. 

 Бу кўча тезроқ орқамизда қолиб кетсин. Равон, кенг йўлга чиқиб олайлик. 

Киритилган сана: 15.05.2012 11:52. Ўкилди: 8924 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


THEONE
Сана: 28.03.2014 14:36. THEONEга ёзиш
+0; -0
Stadionni ham GIYBAT xonaga aylantiribsizlarku!!!!

Ушбу фикрга жавобан


RUSAJ
Сана: 19.05.2012 17:03. RUSAJга ёзиш
+0; -0
Ҳасанали birovni hotini futbol saytga nima alokasi bor?

Ушбу фикрга жавобан


FILOSOF
Сана: 19.05.2012 07:51. FILOSOFга ёзиш
+0; -0
Отахонимиз мен журналист эмасман деб узлари айтиб турибдилар Хурматли админлар нега унда отахонимизга сайтингларда алохида бир блок очиб бергансизлар? Эзма-чурук маколаларини комментлар сахифасида бериш керак,сайтингизга нима алокалари бор?

Ушбу фикрга жавобан


FAMOUS
Сана: 18.05.2012 14:07. FAMOUSга ёзиш
+0; -0
Макола эгаси заказ билан ёзган. Узининг шахсий фикри эмас. Позор дейиш мумкин факат. Бир куни кайтар дунё булиб, узиниям айбини биров хаммага гапириб чикса, кузи очилар. Халиям булса кеч эмас, ПСИХОЛОГга учранг "ота". Томиз конкретно кийшайиб кетибди. Сизгамасакан мард эркакман деб бош кутариш. Хасад яхшигина илдиз отиб улгурибди.

Ушбу фикрга жавобан


KATALONIYA
Сана: 18.05.2012 12:14. KATALONIYAга ёзиш
+0; -0
Хафа булманггу ахмок одам экансиз.Бировни оиласи хакида шунаканги фараз килишга уялмайсизми?.Бундан буёгига бир тийинга киммат маколаларнгизни ёзмасангиз хурсанд буламан.

Ушбу фикрга жавобан


FAMOUS
Сана: 18.05.2012 00:12. FAMOUSга ёзиш
+0; -0
Агар Бобомурод хакикатданам аввал шунака жар солган булса, хурмати зумда тугайди. Конференциясига кадам хам босмайман.

Ушбу фикрга жавобан


FAMOUS
Сана: 18.05.2012 00:10. FAMOUSга ёзиш
+0; -0
Илойим, санланиям хотинларинг хиёнат килсин деган булса, унда Бобомурод деганларизниям мазаси йук экан. Бунака гапларни самимий одам гапирмайди. Ман Бобомуродни окламокчи хам, кораламокчи хам эмасман. Факат бировни оиласидаги камчилик ёки ташвишни оммага достон килиб, кулиш яхши инсонлар сифатига кирмайди.

Ушбу фикрга жавобан


FAMOUS
Сана: 17.05.2012 23:57. FAMOUSга ёзиш
+0; -0
Бу ота деганларингни томи жойидамас шекилли. Ман давно бу одамга психологга учрашинг дегандим. Бу одам аник ёлгиз. Ёлгиз колганлар мана шунака каловлаб колишади.
Майли, Бобомуродни хотини юриб кетганми, ё узи битта татаркани топвоганми, санга нима? Бировни айбини оммага обчикиш яхшими? Нима киласан бировни к...ини ковлаб? Узинг фариштамисан? Ёки мисол учун санам ёлгизлигингдан, ё эътиборсиз колганинг учун кизларни расмига караб "ижод" килсангу, уни биров оммага обчикса, канака кабул киласан? Майли, сангаям шифо берсин.
Санлаб гапирганимга узр, лекин ёзган гапингга факат санлаб жавоб кайтариш мумкин экан.
Ижодларизга омад отахон!

Ушбу фикрга жавобан


GOLBOLSIN
Сана: 17.05.2012 15:35. GOLBOLSINга ёзиш
+0; -0
BURGUT |
===
"farazlarim" deb qo'yibdiku, o'rtoq. albatta farazga ham erk beravermaslik kerak. mana, muallifning faraziga siz tushunmadingiz. ertaga og'ayningizga aytib bersangiz u boshqacha tushunadi. 3 og'izdan keyin bu "haqiqat"ga aylanib qolmasa deb qo'rqaman.

Ушбу фикрга жавобан


GOLBOLSIN
Сана: 17.05.2012 15:24. GOLBOLSINга ёзиш
+0; -0
qo'shmurabbiylik haqida. Bir murabbiy ikki termani boshqarsa buning yomon joyi yo'q. Yuqoridagi maqollar bu holatga tatbiq etila olmaydi.
Bobomurod haqida.
Hali noto'g'ri gap aytgani yo'q. Shunchaki hammasi ko'ngildagidek ketayotgadek bo'lgan paytlarda u tanqiddan to'xtamadi.
Hasanali ota, sizning gaplaringizni hamma har xil tushunyapti. Bobomurodning lo'nda, aniq aytilgan gaplariga turlicha munosabat bo'lgani xolda sizning har kimga turlicha yetib boradigan (yo o'qishni bilmaganlikdan, yo usulingizni tushunmaganlikdan...) gaplaringiz qanaqa xulosalarni keltirib chiqarayotganligini tasavvur qilyapsizmi?
Haqiqatan sizni o'qib turib Bu kishi Bobomurodni tanqid qilyaptimi yoki yon bosyaptimi deb o'ylanib qoladi kishi.

Ушбу фикрга жавобан


TANQIDCHI
Сана: 17.05.2012 12:44. TANQIDCHIга ёзиш
+0; -0
Қари билганни пари билмас...

Ушбу фикрга жавобан


PRESIDENT
Сана: 16.05.2012 10:42. PRESIDENTга ёзиш
+0; -0
BECKTU | 16.05.2012 09:24
0
БА асли сиёсатчи менимча ундан хайдалгач футбол журналисти булган. Шунинг учун факат йук жойдан муаммо чикаради.
_______________________________________________________

Қанақа йўқ жойдан? Нима сизларни кўзларинг кўр, қулоқларинг карми? Футболимизни ичи "мусорка" бўлиб ётибдику, шу БАга ухшаганлар булмаса, моғор босиб кетарди ...

Ушбу фикрга жавобан


BECKTU
Сана: 16.05.2012 09:24. BECKTUга ёзиш
+0; -0
БА асли сиёсатчи менимча ундан хайдалгач футбол журналисти булган. Шунинг учун факат йук жойдан муаммо чикаради.

Ушбу фикрга жавобан


USMONALI
Сана: 16.05.2012 03:50. USMONALIга ёзиш
+0; -0
Hurmatli Hasanali ... uzur yoshingizni bilmayman.Men 46 yoshdaman.maqolangiz yahshi faqat Bobomurod haqida oshirib yuboribsiz. Siz Bobomurodni hatosini ko'rsatish uchun faraz qilishda nomardlik qilibsiz bu erkak kishini ishi emas oilasini aralashtirish hatto rost bo'lganda ham.siz hozir nima qilib qo'yganingizni tushinib etmagan ham bo'lsangiz kerak.ahir Bobomurod hnchkimni oilasini aralashtirib faraz qilmagan edi. Nahot oilasini qo'shmasdan faraz qilishni iloji yo'q edi.Abramov hech narsasini yo'qotmaydi nari borsa jch ga boraolmasligi mumkin yo asabi buziladi.lekin Bobomurodnichi ?agar rostdan ham yoshingiz katta bo'lsa yoshingizga yarashmaydi keltirgn farazingiz. mayli olloh o'zi insof bersin bandalariga. Ishlarizga omad faqat insonni shahsi hayotini aralashtirmay yozinglar agar o'sha sababga dahl qilmasa.

Ушбу фикрга жавобан


XORAZMSHOX
Сана: 16.05.2012 00:06. XORAZMSHOXга ёзиш
+0; -0
BLAUGRANA | 15.05.2012
23:40
+1
PRESIDENT Эсимда йук
"Илойим хотинларинг
сизларга хиёнат килсин"
деб хам каргаб
материал ёзувдими шу
Хасанали ота бир
пайтлар?...

__

Yo'q. Buni Bobomurod yozgan, Xorazmdagi sotqinlarga qarata. U sotqin murabbiy B. H.edi.

Ушбу фикрга жавобан


XORAZMSHOX
Сана: 16.05.2012 00:02. XORAZMSHOXга ёзиш
+0; -0
MILANIST | 15.05.2012
20:54
0
Тасаввур киламиз
Локомотив янги
стадиони.27 май
у'ртоклик у'йини Миср
билан кетяпти.Кимдир
орадан туриб фанатлар
орасидан су'киб
ташлади Абрамовни
хакоратли су'злар билан
бу орада 1-2 у'йинчини
хам су'киб у'тди .3-июн
куни ютказиб ку'йса
матбуот анжуманида
бизга хакорат тасир
килди деса хам хайрон
колмайсан .

_______

Bu umuman boshqacha vaziyat. Saytdagi maqolani o'n minglab odam o'qidi, stadiondagini nari borsa shu sektor eshitadi. Bu yerda Abramov haq edi. Ota lekin boplapsiz(sal oshirvorgan bo'sayizam)

Ушбу фикрга жавобан


JORESMA
Сана: 15.05.2012 23:46. JORESMAга ёзиш
+0; -0
PRESIDENT Эсимда йук "Илойим хотинларинг сизларга хиёнат килсин" деб хам каргаб материал ёзувдими шу Хасанали ота бир пайтлар?...
-----------------------------------------------------------
xaxaxa qotib qoldim :-)

Ушбу фикрга жавобан


JORESMA
Сана: 15.05.2012 23:44. JORESMAга ёзиш
+0; -0
asossiz tanqidla kupayib ketyapti

Ушбу фикрга жавобан


BLAUGRANA
Сана: 15.05.2012 23:40. BLAUGRANAга ёзиш
+1; -0
PRESIDENT

Эсимда йук "Илойим хотинларинг сизларга хиёнат килсин" деб хам каргаб материал ёзувдими шу Хасанали ота бир пайтлар?...

Ушбу фикрга жавобан


MUXLIS
Сана: 15.05.2012 23:39. MUXLISга ёзиш
+1; -0
Бобомурод нима учун ҳақиқатпарвар, танқидпараст инсон бўлган? Фараз қилайлик, У бир аёлни ўз ҳаётини баҳшида қилар даражада севиб қолган. Унга уйланган. Баҳтли оила қурган. бир ўғил, бир қиз кўришган. Фаразни давом эттириш оғир бўлса-да, ҳаммасини айтаман. Бир кун аёли унга ҳиёнат қиляпганини билиб қолади. ..... Бизнинг қаҳрамон Мағрур, Ориятли, Оилапарвар, Меҳрибон инсон. Яъни МООМ киши. Бундай ҳолатда МООМ қандай йўл тутади. У бир гал кечириб юборди. У иккинчи марта хотинини ҳиёнат устида тутиб олди. МООМ ота қандай йўл топади? Қандай бош кўтариб юради? МООМ эркак нима қилди? Бундай оғир, қабиҳ гапларни бошқа ёза олмай қолдим. .....Уҳ,ҳ, ёзиш керак... МООМ бор ҳақиқатни фарзандларидан яширди. Ҳамма айбни ўзига олиб, ҳотини билан ажралишди. Бошқа уйланмади. Ижарада яшаб қолган умрини фарзандларига бағишлаб келмоқда...... Унинг ифлосгарчиликка чидаб туролмаслиги мана шу сабабдандир.
_____________________________________________________________

Мана шу жойи учун худо сизни жазоингизни берсин «Ҳасанали ота»

Ушбу фикрга жавобан


BAHROMTM
Сана: 15.05.2012 22:28. BAHROMTMга ёзиш
+-1; -0
SINDIKAT | 15.05.2012 21:35 0
Agar rostdan shunaqa busa alamlarini milyonlar uyinidan omasinlada. FUDBOLNI tinch quysinla. Ana shaxmat,shashka valebol, basketbol.... Sport turlari kupu ushaladan ushaladan birortasini tanlab bemalol ijod qilaversinla. Shundog'am fudbolda bemaza tanqidchila kupayib ketdi.



___________________
Э дустим, яхшиям Бобомуродга ухшаганлар бор-футболга сиз-биз кизикиб турибмиз(узбек футболига!). Йукса аллакачон крикет томоша килишга утиб кетган булардик... Ота бир макола ёзибсиз, ёзибсиз. ёкди. Рахмат. Бирок шу хазил булса хам Бобомуродни оилавий холатини ёзмаслик керак эди манимча. Чунки сайтда бу иштибох, лирик чекинишни тулик магзини чакадиган каммиканми дейманда. Лекин Бобомурод Абдуллани хатосини (унга бахона булган маколаси) тугри сезганга ухшайсиз. Шу маниям саалгина шубха уйлантириб колди-балки, бу хам кимлардир томонидан уйлаб топилган "заказной" маколамасмикан? Бахона учун олдиндан уйлаб топилган тактика дегандай, а-лаббай?!

Ушбу фикрга жавобан


BURGUT
Сана: 15.05.2012 22:04. BURGUTга ёзиш
+1; -0
Bobomurod abdullani xayoti rosdan shunaqa bo`lganmi yo Otaxon Xazl qildimi bilganlar aytvorilar iltimos (xotini xiyonat qilganmi)

Ушбу фикрга жавобан


SINDIKAT
Сана: 15.05.2012 21:39. SINDIKATга ёзиш
+1; -0
Bunaqa MOOM bugandan kura qamoqdagi ZEK bugan maqul.

Ушбу фикрга жавобан


SINDIKAT
Сана: 15.05.2012 21:35. SINDIKATга ёзиш
+0; -0

Ушбу фикрга жавобан


SINDIKAT
Сана: 15.05.2012 21:35. SINDIKATга ёзиш
+1; -0
Agar rostdan shunaqa busa alamlarini milyonlar uyinidan omasinlada. FUDBOLNI tinch quysinla. Ana shaxmat,shashka valebol, basketbol.... Sport turlari kupu ushaladan ushaladan birortasini tanlab bemalol ijod qilaversinla. Shundog'am fudbolda bemaza tanqidchila kupayib ketdi.

Ушбу фикрга жавобан


BIGBON
Сана: 15.05.2012 21:29. BIGBONга ёзиш
+0; -0
PRESIDENT
ким айтди сизга Бобомурод Абдуллани шахсиятига утилди деб, кани курсатингчи именно Б А деган жойини буни узини узига едириш дейилади

Ушбу фикрга жавобан


PRESIDENT
Сана: 15.05.2012 21:04. PRESIDENTга ёзиш
+-1; -0
Бобомурод нима учун ҳақиқатпарвар, танқидпарас инсон бўлган? Фараз қилайлик, У бир аёлни ўз ҳаётини баҳшида қилар даражада севиб қолган. Унга уйланган. Баҳтли оила қурган. бир ўғил, бир қиз кўришган. Фаразни давом эттириш оғир бўлса-да, ҳаммасини айтаман. Бир кун аёли унга ҳиёнат қиляпганини билиб қолади. ..... Бизнинг қаҳрамон Мағрур, Ориятли, Оилапарвар, Меҳрибон инсон. Яъни МООМ киши. Бундай ҳолатда МООМ қандай йўл тутади. У бир гал кечириб юборди. У иккинчи марта хотинини ҳиёнат устида тутиб олди. МООМ ота қандай йўл топади? Қандай бош кўтариб юради? МООМ эркак нима қилди? Бундай оғир, қабиҳ гапларни бошқа ёза олмай қолдим. .....Уҳ,ҳ, ёзиш керак... МООМ бор ҳақиқатни фарзандларидан яширди. Ҳамма айбни ўзига олиб, ҳотини билан ажралишди. Бошқа уйланмади. Ижарада яшаб қолган умрини фарзандларига бағишлаб келмоқда...... Унинг ифлосгарчиликка чидаб туролмаслиги мана шу сабабдандир.
_________________________________________________

Шарт эмасди шахсиятга тегиш ота!!! Нима кераги бор? Нима Қиласиз бошка бир инсонни оиласи шаънига тегиб? Битта арманни деб, ўз миллатдошингизни шунчалик шахсиятига тегасизми? "Хотинини хиёнати" деган гаплариз нимаси?

Бундай холат учун Сизни судга бериш керак!
Абрамовга келадиган бўлсак, Бобомурод акани ёзганларида озгина булса хам хакикат бориди. Улар БАА билан уйиндан олдин шу гапни ёзган. Ва БА ценарийси остида булди хаммаси ... Абрамовни тотализаторчилигини хамма билади ... Хехехех Ўзбегим ... 3 та арман сани футболингни "ўйинчоқ" қилиб юбордикуууу.........

Ушбу фикрга жавобан


MILANIST
Сана: 15.05.2012 20:54. MILANISTга ёзиш
+-1; -0
Тасаввур киламиз Локомотив янги стадиони.27 май у'ртоклик у'йини Миср билан кетяпти.Кимдир орадан туриб фанатлар орасидан су'киб ташлади Абрамовни хакоратли су'злар билан бу орада 1-2 у'йинчини хам су'киб у'тди .3-июн куни ютказиб ку'йса матбуот анжуманида бизга хакорат тасир килди деса хам хайрон колмайсан .

Ушбу фикрга жавобан


MILANIST
Сана: 15.05.2012 20:36. MILANISTга ёзиш
+-1; -0
хахахахаха гапни карелар нимамиш журналистни маколасию фанатнинг интернетдаги комментлари тасир килибди хахахаха.уят.Англияда футболчилар ва фанатлар орасида айтарли масофа йу'к.тасавур киламиз

Ушбу фикрга жавобан


MILANIST
Сана: 15.05.2012 20:36. MILANISTга ёзиш
+-1; -0
хахахахаха гапни карелар нимамиш журналистни маколасию фанатнинг интернетдаги комментлари тасир килибди хахахаха.уят.Англияда футболчилар ва фанатлар орасида айтарли масофа йу'к.тасавур киламиз

Ушбу фикрга жавобан


UZBARS
Сана: 15.05.2012 19:00. UZBARSга ёзиш
+0; -0
Soldadze? qatda oqish mn un maqolalarini?

Ушбу фикрга жавобан


SINDIKAT
Сана: 15.05.2012 18:40. SINDIKATга ёзиш
+1; -0
Shu tanqidchiladi vopshi tushunmayman.( yoki ularni uzi tanqidni tushunmaydi) bunaqa maqolaladi man ku4adagi 2 kaltafaxm fudbol muxlisini gurungiga uxshataman. Tanqid tanqid... Qani usha tanqidizdi asoslaydigan fakt qani statistika qani usha raqamlar. Ularni yozmaysizlar chunki bularni barchasi Abramov foydasiga. Xup Usha OTj qovun tushurgani borasida sizlar xaqdir sizlar lekin qaysi murabbiy OTJni shudarajada Olimpiadaga yaqin olib kela oldi. Mtj ga kelsak xozirda xechbir murabbiy ( xox 4etdan xox uzimizdan) MTJni Abramovchalik yaxshi bilmaydi. Xurmatli(qushtirnoq ichida) jurnalist maqola yozayotganizda maqola yozish qullanmasi shunaqa narsa bulishi kerak Masalan biz texnoliglarda shunaqa qullanma bor. Usha qullanmayizdi bir uqib chiqing.

Ушбу фикрга жавобан


ATSTEYKA
Сана: 15.05.2012 18:11. ATSTEYKAга ёзиш
+1; -0
Косимовни ТЖсидан Абрамовни ТЖсини уйини анча мазмунли ва ранг баранг. Косимов хар кандай ракиб билан уйинда 4-5-1 тактикасида уйнаб зериктирганди. Хатто Малайзия билан Тошкентдаги уйиндаям.

Ушбу фикрга жавобан


OFTALMOLOG
Сана: 15.05.2012 16:23. OFTALMOLOGга ёзиш
+0; -0
Макола учун рахмат.Ёзганларингизга кушиламан,Мен Б.Абдуллани аксар маколаларида оширворибсиз деб коммент колдирганман Сиз хам Б.Абдулла оиласи хакидаги фаразларингизда Оширворибсиз.Шахсият деган нарса хам бор-даа...!Ота,ёзганларингизни колдирмай укиб бораман,сог булинг,умрингиз узок булсин,ижодингизга барака!

Ушбу фикрга жавобан


MOBITEL
Сана: 15.05.2012 15:59. MOBITELга ёзиш
+0; -0
абрамов прав!

Ушбу фикрга жавобан


JORESMA
Сана: 15.05.2012 15:55. JORESMAга ёзиш
+0; -0
qani Abramovni kursatgan rezultatini kursatila, keyin tanqid qilila, hali xudo xohlasa O`zbekiston Jahon 4empionatiga 4iqib qosa, bu "tanqidchila" "haaa... tanqidlarimiz samarasini beribdi-da" deb quyadi. xuddi Yaponiya bilan uyindan so`ng 'adawganimdan xursandman' digan maqola yozganday hali kuuuuuuuuup adawasla, faylasufla

Ушбу фикрга жавобан


PIRLOXXI
Сана: 15.05.2012 15:50. PIRLOXXIга ёзиш
+0; -0
bizni hali oldinda ko`p yaxshi xabarlar kutyapti biz endi JCHning doimi a'zolaridan biriga aylanamiz xali hammasi oldinda shoshilmanglar

Ушбу фикрга жавобан


MOBITEL
Сана: 15.05.2012 15:49. MOBITELга ёзиш
+0; -0
Б. Абдуллани ими-жимида йукотишибди шекилли, умуман макола ёзмай куйди

Ушбу фикрга жавобан


TURONIY
Сана: 15.05.2012 15:34. TURONIYга ёзиш
+0; -0
Ha haqiqatdan ham BA Abramovning "qovun"larini sanayturib o'zi ham qovun tushirgan edi. Balki o'sha NPK haqidagi maqola Vyetnam safaridan keyin yozilsa yaxshi bo'larmidi ...

Ушбу фикрга жавобан


DONNEFT
Сана: 15.05.2012 14:34. DONNEFTга ёзиш
+0; -0
Sizga ham raxmat HASANALI OTA. Ayni vaqtida tanqid qilib, ayni vaqtida maqtaysiz. Sizni (va Bobomurod Abdullaning) xar maqolangizni o'qib, saxroda suvga yetishgandek bo'lamiz. Siz aytgan o'sha muxitga, ahyon-ahyonda kirib turuvchi toza havodan nafas olgandek bo'lamiz. Siz "jo'rnalist bo'lmaganimdan hursand bo'laman" deysiz-ku lekin, siz kabi jo'rnalistlar yo'qligi dan (Bobomurod Abdullaning yakkaligidan),biz muxlislar aziyyat chekyapmizda.
Ammo, xotirjam bo'ling, o'quvchilaringiz soni, ayrim jo'rnalistlarnikidan bir necha barobar ko'p va Bobomurod Abdullanikidan kam emas.
Ollox nasib qilgan kuni,sizni bir bag'rimga bosgim bor!

Ушбу фикрга жавобан


XIRURG
Сана: 15.05.2012 14:16. XIRURGга ёзиш
+0; -0
Узбекистон-БАА уйини 2-3 эмас, 2-0 тугаса шу маколани ёзармидингиз. Тан олинг, Абрамов мураббий булгандан кейин узбек футболида усиш булди. олимпия терма жамоамиз шу кунгача олимпиадага бу кадар якин келмаганди. Осиё чемпионатида яхши иштирок этганимизда купчилик буни омадга богладилар, кучсиз жамоалар билан уйнадик дедилар. хакикий кучимиз япония, австралия жамоалари билан уйнаганда билинади дедилар. Мана 2010 йил жахон чемпионати иштирокчилари булмиш Япония ва КХДР билан уйинларда 10 очко олдик, маглубиятга учрамадик. Бу хам омадми. Агар омад булса, ишонаверинг Бразилияга хам омад билан борамиз.
Хасанали ота, танкид келажакнинг меваси деган гаплар тугри, лекин асоссиз танкидлар бизнинг зараримизга ишлади. Олимпия жамоамизнинг омадсиз юришига сиз ва юкорида тилга олган журналистларнинг, сайтда фикр колдирадиган юзерларнинг хам алокаси бор.

Ушбу фикрга жавобан


MILANIST
Сана: 15.05.2012 12:55. MILANISTга ёзиш
+0; -0
Абрамов Миллийга тайинланганда хайрон колгандим,бу гапларим хозирмас 2 ой олдинмас ,Абрамов келганда пайдо бу'лган .Абрамов нима килди келиб.Осие' 2011 га тайе'ргарлик жарае'нида хафсалам пир бу'лган Абрамовдан.Яхшиям гурухда Япония Араблар йу'к эди,бу'лганда Ливандагидака бу'лармиди.Тожикистондаги сакланишдан кейин ,февралда карор чиккандан кейин умуман Абрамов кетса термалардан канийдия деган у'й хае'ллар у'тди.

Ушбу фикрга жавобан


VALENTE
Сана: 15.05.2012 12:29. VALENTEга ёзиш
+1; -0
maqola yaxwi 4qibdi, ijodizga omad

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.