5-қисм. Замонлар чоғишмаси ёки (Ислом Аҳмедовга ўтинчим бор)
Баҳо: |
+0; -0
|
Бу йил қиш чилласи нисбатан илиқ ўтди. Ҳамма ёқ заҳ ва лой. Тўқ ёқимсиз ранглар ҳукмрон. Лекин осмон мусаффо. Ҳаво тоза. Ғубор йўқ. Обу-ҳавога бепарво ҳолда шаҳар ҳаёти ўз қирғоқларида бир маромда оқиб боради. Одамлар гоҳ қалин кийиниб олишади, гоҳ юпунроқ. Эрталаб ишга боришади, кечқурун қайтишади. Мана, чилла қайтишида аёз кучайди. Совуқ авжига минди. Юзни ачитиб олади. Қор қалин ёғди. Энди анчадан бери кийилмаган пўстинлар олинади. Кунлар оқа беради. Аччиқ совуқда ҳам табиатнинг меҳри бор, синови бор. Кимсанинг айтган аччиқ сўзида ҳам шундай қайноқ қалб ҳарорати яширин бўлади.
ИЧИМНИ ҲЎЛ ҚИЛИБ ЮБОРГАН ВОҚЕА
Ўзбекистон ҳукуматида биринчи шахс Шароф Рашидов эди. Олий Советимизнинг раиси ўзгариб турди. Ў.К.П. М.Қ.нинг биринчи котиби 28 йил ўзгармай турди. Рашидов адиб эдилар. Ўз ишидан ортиб эсдаликлар эмас, бадиий асарлар ёзар эдилар. Мана шу одам бирон марта биронта мажлисда ўзбек тилида гапира олмаган эди, доклад ўқимаган эди. Фақат рус тилида доклад ўқир эди. У одам бундай аҳволдан эзилмасмиди?
Энди ҳаётимдан бошқа бир мисол келтирай. Мен “Байканур”да мажбурий ҳарбий хизматни ўтаб келганман. Хизматимнинг иккинчи йилида онажонимни туғилган кунлари билан ўзбек тилида телеграмма юбориб табрикламоқчи бўлдим. Рухсат беришмади. Телеграммалар фақат рус тилида ёзилиши шарт экан. Қандай қилиб ўз Ойимга “дорогая мамочка” деб ёзишим мумкин? “Батальон охраны”да юртдошларим хизмат қилишар эди. Улар ёрдамида Бош қўмондон генерал полковник Каманин билан учашиб, Онамни ўз она тилимда табриклайин деб ёрдам сўрадим. Королёвдан сўнг Космодромга Каманин бош қўмондон эди-да. Почта ходимлари Бош қўмондонга телефон орқали менга ёрдам берамиз деб ваъда беришди. Ўзбек ҳарфлари бўлмагани сабабидан лотин ҳарфлари билан ўзбек тилида ёзишим мумкинлигини айтишди. Почтага қайтиб борсам, бунинг ҳам иложи йўқлиги аён бўлди. Қарор бўйича лотин ҳарфлари билан фақат чет элга рус тилида телеграмма юборилар экан. Куни билан санғиб қуруқ қўл билан Ротага қайтар эканман, кўз ёшларим ичимни ҳўл қилиб юборган эди. Шунчалар хўрландимки, бундан оғир таҳқирлик бўладими?...
Ўша даврда шоирларимиз тенг ҳуқуқли, ҳур, жаннатмакон социалистик республикамизга атаб мадҳиялар ёзиб, “улуғ оға”мизга ёқиш пайида, ҳақиқатни яшириб унвон талашиб юрар эдилар... Батальонга қайтганимда “Ротний”имиз, капитан Мельников ҳеч нарса демади. Старшинамиз масхара қилган эди.
Қозоғистон раҳбари қозоқ ва рус тилларини тенг истеъмолда бўлувчи давлат тиллари бўлсин, деб фармон чиқарди. Бизнинг раҳбаримиз фақат ўзбек тилига давлат тили мақомини бериб, фармон чиқарди. Ҳали Иттифоқ парчаланмаган эди. Москва бунга йўл қўймайди, деган хаёл бор эди менда. Ўша йиллари ўзбек тилини ўрганиш талаби ҳамманинг олдига қўйилган эди. ҳамма ерда ўзбек тили курслари ташкил этилди. Алибек Рустамов ҳар ҳафтада икки бор “Машъал” каналида ўзбек тилига бағишлаб эшиттиришлар олиб борар эди. Давлат тилининг душманлари Москвадан эмас, ўз ичимиздан чиқади деб ҳеч ўйламаган эканман. Шундай бўлди.
“ИГРОВАЯ МОДЕЛЬ”НИНГ ШЎР ПЕШОНАСИ
Ислом Аҳмедов, мен Сизни соф виждонли, ҳалол, касбикомил мутахассис деб биламан. Шунинг учун, Сизни ҳурмат қилганим учун Сизга бевосита мурожаат қиляпман. Константин Бесков бошқарган Москвадан келган “Спартак”ни Тошкентда 3:0 ҳисобида ютган ўйинимизда учунчи голни Сиз узоқдан урган эдингиз. Ўша зарбани эсдан чиқариш мумкинми?! Жуда тўқ зарба бўлган эди. Ўша зарбангизни деб қанчадан қанча футбол ишқибозлари Сизнинг мухлисингиз бўлиб қолишган эди. Сиз яхши футболчи бўлганингиз учун кўпчилик олдида ўз ҳаётингиз билан намуна бўлиб юрибсиз. Сизга ҳамма тикилади.
Ўзбекистон Давлат телеканали бор. “Спорт” канал деб аталади. “Футбол шарҳи” кўрсатуви давлат тилида олиб борилади. Шу кўрсатувда Сиз рус тилида сўзлаб иштирок этгансиз. Ҳолатингиз қанчалик ачинарли ва мажруҳ эди. Чунки ўзбек тилидаги кўрсатувда Сиз рус тилида сўзлар эдингиз. Канал ходимлари кадр остидаги ёзув билан давлат тилига синхрон таржима қилишни йўлга қўйишмаган эди. Шунинг учун Ўзбекистон аҳолисининг анча қисми “Игровая модель” ҳақидаги фикрингизни тушунмади. Ўзи футболимизда фикрловчи одамлар кам бўлса, у ҳам... Нима учун ўз юртида туғилиб ўсган ўзбек халқ вакили, хоҳ ўша ишқибоз Қўқоннинг Яйпан қишлоғидан бўлсин, ё у Чироқчининг Талоқ тепа қишлоғидан бўлсин, Сизни тушуниши учун рус тилини ўрганиши шарт бўлиб қолмоқда? Айби нимада? Бохумлик олмон ишқибози ўз юртида кўрсатувни тушуниши учун чет тилини ўрганиши шарт эмас-ку. Ўзбек аҳолиси чет тилини билиши шарт бўлмоқда. Биз иккинчи ”сорт”мизми?
Миллатарварлик туйғуси Сизда бор бўлиши мумкин. Айтайлик, Сиз қозоқ, уйғур, тожик ё татар бўлганингиз учун ўз она тилингизни яхши билганингиз ҳолда, ўзбек тилини билмаслигингиз мумкин деб тахмин қилайлик. Ундай бўлса, Сизни ватанпарварлик туйғуси ташлаб кетганмиди? Сиз Ўзбекистон фуқаросисиз, ахир. Давлат тилини билмай туриб, ўзингизни тўлақонли Ўзбекистон граждани деб ҳис қила олмайсиз-ку. Айтайлик, Сиз Таиланд юртида бирор клубни бошқаряпсиз дейлик. Инглиз тилини билганингиз учун у ерда ишлай оласиз. Лекин тай тилини билмаганингиз учун бу юртга бегона одамлигингиз, эмигрантлик ҳолатингиз билиниб қолади, Сизни ноқулай аҳволга солади. Шундай ҳолатга тушмаслик учун “Бавария”ни бошқаряпган Гвардиола олмон тилини ўзлаштириб олган. Сиз ўз юртингизда ўзбек тилида сўзлаша олмаганингиз учун ўзингизни эмигрант ҳолатида ҳис қилмаётибсизми? Ёки бутун ўзбек аҳолисини ўз юртида мусофир қилиб қўймоқчимисиз? Уйғонинг, мустамлака ҳолатимиз ўтмишда қолиб кетган.
ОСТОНА ҲАТЛАБ КЎЧАГА ЧИҚОЛМАГАН
Ушбу ёзганларимни Сиз ўқимасангиз керак. Афсус, ўзбек тилини билмаганингиз учун истасангиз ҳам ўқий олмайсиз. Шунинг учун сўзларим эгасини топа олмайди. Аслида умуман, билишни истамайсиз ҳам. Туб халқнинг, яъни оддий халқнинг ҳаёти, унинг фикри, қувончи-ю қайғуси Сизни умуман қизиқтирмайдими дейман.
Мустабид остида яшаган давримизда “кишан”ларидан азоб чекмай, унга кўникиб кетган одамлар қаторида туб халққа мансублигини ўзига раво кўрмай, ундан ўзини баланд қўйиб, унга мансуб бўлса-да, ундан ажралиб туришни истаган бир хил тоифа одамлар бўлган-ки, улар туб халқ тилида гаплашишни исташмас эди. Туб халқ турмуш тарзига, урф-одатига, миллий либосига, кийиб юрган қўқон дўпписига улар юқоридан камситиб карар эдилар. Чунки рус тили, маданияти ҳукмрон тил бўлиб, туб халқ тили чойхона-ю, оилага қамалган эди. Бу тил остона ҳатлаб кўчага чиқишга ҳаққи йўқ эди. Шунинг учун у ҳеч нарсага ярамай қолган эди. Шунинг учун боя айтган одамларим туб халқ тилида гаплашишни ўзларига муносиб кўришмас эди. Улар асосан, раҳбарлар, арбоблар, технократлар эдилар. Улар ўз фарзандлари билан ҳам рус тилида гаплашишар эди. Рус тилида маълумот олиб, мансабга миниб, рус тилида ишни бошқариб юришар эди.
Гап келганда айтиб ўтиш жоиз. Ахбор Имомхўжаевни биринчи деймиз. Тарихни бўямайлик. Репортажни Рем Турпишев рус тилида олиб борар эди. Кейинчалик фақат маълумотларни, кейин бир тайм реортажни ўзбек тилида олиб бориш рухсат этилган. Аҳбор-акамиз ўзбек тилида репортаж олиб борувчи биринчи журналистимиз бўлганлар. Шунинг учун у кишини ардоқлаймиз.
“МУШАРРАФ” ҚИЛМАСИН
Партиянинг ҳамма миллатларни йўқотиб битта ягона умумсовет (умумрус) миллатини барпо этишдек аниқ режаси бўлган эди. Фашизм миллатларни жисман йўқотмоқни истаган бўлса, Совет тузими миллатларни руҳан, маънан йўқотмоқчи бўлган эди. Бири халқларнинг қарғишига, лаънатига қолиб тарих мозорига кўмилиб кетган бўлса, бошқасига тарих қабристонидан муносиб жой топилмай қолган (инглизларнинг ўтмишда мустамлакаси кўп бўлган. Лекин уларда бундайин халқ тилини, миллий маданиятини йўқотиш каби разил режаси бўлмаган эди). Бугунги кунда Россияда кўп ишлатиладиган “Рускоязычные народы” деган атаманинг ўзи фикримни қувватлайди. Мен ҳам Ислом Аҳмедов каби рус тилини яхши биламан. Мен ҳам шундай “рускоязычный народ” вакили ҳисобланаманми? Йўқми? Бундай “народ” вакили ҳисобланишга “мушарраф” бўлишим учун ўз она тилимни унутишим керакми? Худо сақласин.
КИБОРЛАР ҲАЗАР ҚИЛГАН НАРСА
Исломжон, зарурат туфайли ўз олдингизга инглиз тилини ўрганиш вазифасини қўйгандингиз. Кўп меҳнат қилиб бунга эришдингиз. Хозир ҳам тилдаги камчиликлар бўйича муттасил ишлаб юрасиз. Доим инглиз тилида бадиий асарлар ўқиб борасиз. Нима учун Ўзбекистон давлат тилини ўрганиш вазифасини ўз олдингизга қўймагансиз? “Бу мен учун зарурат эмас” дейсизми. Она тилини яхши билиш даражаси инсон маънавиятининг, маданиятининг ўлчови эмасми? Тўғри, рус тилида сўз бойлигингиз жуда баланд. Масалан, Миржалолнинг рус тилида сўз бойлиги Сизникига нисбатан қашшоқдир, ўзбек тилидаям унинг сўз бойлиги мақтанарли эмас. Чунки у олдингизда жайдари инсондир. Сиз рус адабиётини жуда яхши билсангиз керак. Лекин барибир Пушкин тили билан айтганда, “там русский дух” деган мисра сўзлари Сизга ҳеч қачон тўғри келмайди. Чунки Сиз Ўзбек руҳиятингиз билан дунёга келгансиз. У нарса томирингизда бор. Лекин у ҳибсда, асир. Мажруҳ. Руҳ тил билан улғаяди, парвоз этади. Тил ва тафаккур одамни инсон қилган буюк Нарсалардир. Пушкин даврида ҳам киборлар рус тилида, яъни халқ тилида гаплашишни ўзларига ор деб билишган. Улар Пушкинни ўқишмаган. Француз тилида гаплашиб дунёдан ўтиб кетишган. Сиз, Рустам Акрамов, Никимбаев кабилар ўшанақаларга ўхшайсизлар. Ўзбек шоирларини ўқимайсизлар. Ўзбек тилида гаплашишни, уни ўрганишни ўзингизга муносиб кўрмайсизлар.
АҲМОҚОНАЛИК КВАДРАТИ
Футболга қайтайлик. Газпром (Миллер) олға сураётган тадбир ғояси аслида, Партия диктатидан қолиб кетган сарқит ғоядир. Бутун СНГ футболини бир мусобақа байроғи остида бирлаштирмоқчи бўлишди. Бўлмади. Энди Украина билан Россия иштирокида ягона футбол мусобақасини ўтказишмоқчи. Футбол мантиғига зид нарса. Ғолиб жамоа қайси давлат чемпиони бўлади? УкРоссия чемпиони бўладими? Бир пайтлар Чехословакия давлати бўлар эди. Хозир йўқ. Хозир Чехия ва Словакияларнинг алоҳида футбол чемпионатлари бор. УкРоссиячи? Бундай давлат борми? Абсурд. Жаноби Миллерга айтинг, Португалия билан Испания футболларини бирлаштириб ягона Пиреней чемпионатини ташкил қилиб берсин. Бу ҳақда хом калланинг бир учи билан ўйлашнинг ўзи ҳар ким учун аҳмоқона ҳаракатдир. Буни биласиз. УкРоссия чемпионатини барпо этишни квадрат даражадаги аҳмоқона иш деб билмайсизми? Бўлғуси бундай “чемпионат”нинг ижро қўмитасини амалда тузиб, уни Валерий Газзаев бошқаряпгани нечоғлик аҳмоқоналигини энди ўйлаб кўринг. Майли, Россия бойваччаларининг босими остида топ-клублар учун УкРоссия чемпионатини ўтказишга кўнишди дейлик. Лекин бундай мусобақа Украина футболини табақаларга ажратиб, унинг ривожини бўғиб қўямайдими? Лаудруп қўл остидаги “Суонси” Англия чемпионатида иштирок этганидек, масалан, “Металлист” Харьков жамоаси Россия чемпионатида иштирок этиши мумкин, холос. Ёки аксинча, “Ростов” жамоаси Украина чемпионатида иштирок этиши мумкин. Бундай тадбир футболга хизмат қилади. Сиёсатпуришларга эмас. Майли, биз индамайлик, ўзлари билишади.
Давоми бор.
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
ASHURIY |
Сана: 20.06.2014 13:50. ASHURIYга ёзиш |
+0; -0
|
Мен "ЎЗКИМЁСАНОАТ" ДАК тасарруфидаги корхонада ишлайман. Компания бошқарувида нари борса 5-6та паст лавозимларда ишловчи ўзга миллат вакиллари бор, лекин рахбарларнинг бир-бирига рус тилида муомала қилишини кўрсангиз кўнглингиз айнийди, хужжатлар хам рус тилида талаб қилишади. (Кошки эди хаммаси рус тилини қойил қилишаётган бўлса, ўзларича ҳалиям рус тили бу-маданият деб юришипти)
Шу ўринда Зафар Имомхўжаевга ҳам қойил эмасман, Рустам Акромов, Азамат Абдураимов ва х. студияга чақириб олиб, уларга рус тилида мурожаат қилади. Ўзбек каналларини ўзимиздан бошқа миллат вакиллари кўришмайдику, ўзбек тилини хурмат қилмайдиганларни (ким бўлсаям фарқи йўқ) Ўзбек каналларидан эфирга чиқариш кимга керак, мен уларнинг билимига хам, тажрибасига хам, фикрига хам .. қўйдим. |
IBRAKADABRA |
Сана: 07.02.2014 11:38. IBRAKADABRAга ёзиш |
+0; -0
|
Нима килибди рус тилида гапирса? Узбек тилим,она-тилим деб бонг ураетганлар хам 100 % соф узбек тилида гапирмайди. Энг камида уяли алока воситасидаги кунгирокка жавобан "да" дейди. Узи уяли алока воситасини хам рус тилида камида "сотка" деймиз. Бунака мисоллар тикилиб етибди. Айникса футбол ишкибозлар роса ишлатади рус сузларни. "угл" "аут" "варата","судя"... Шундай экан узбек тилида гапирмайдиганларни коралаш шарт эмас. Аввал узимиз хаетимизни хар жабхасида 100% соф,профиссионал,йугэ,касбикомиллик билан узбекча гапиришни урганайлик,кейин русча гапирадиганларни хар канча хакорат килсак арзийди... Яна узилар биласизлар,узилар "да"лаб бошкани айбласелаб хам бу сизларни ишиз. Мен доимгидек,айтдим куйдим холос.
|
IBRAKADABRA |
Сана: 07.02.2014 11:35. IBRAKADABRAга ёзиш |
+0; -0
|
Нима килибди рус тилида гапирса? Узбек тилим,она-тилим деб бонг ураетганлар хам 100 % соф узбек тилида гапирмайди. Энг камида уяли алока воситасидаги кунгирокка жавобан "да" дейди. Узи уяли алока воситасини хам рус тилида камида "сотка" деймиз. Бунака мисоллар тикилиб етибди. Айникса футбол ишкибозлар роса ишлатади рус сузларни. "угл" "аут" "варата","судя"... Шундай экан узбек тилида гапирмайдиганларни коралаш шарт эмас. Аввал узимиз хаетимизни хар жабхасида 100% соф,профиссионал,йугэ,касбикомиллик билан узбекча гапиришни урганайлик,кейин русча гапирадиганларни хар канча хакорат килсак арзийди... Яна узилар биласизлар,узилар "да"лаб бошкани айбласелаб хам бу сизларни ишиз. Мен доимгидек,айтдим куйдим холос.
|
SHAMSHER |
Сана: 07.02.2014 11:13. SHAMSHERга ёзиш |
+0; -0
|
FAMOUS
Нима бўлганда ҳам фақат Ислом Ахмедов эмас бошқалар ҳам рус тилида гаплашади. Кўпчилик машҳур кишиларни айтаман. Лекин унга шу қулай десак бунга буниси қулай десак эртага ўзбек деган миллатимиз қаерда қолади. Миллатнинг миллат эканлигини тили белгилайдику. Миллат йиғилиб Давлатни ташкил этади, давлатда эса тил давлат тили белгиланган бўлади. Улар уйидами дўстларининг даврасидами ўзига қулай тилда гаплашсин айб бўлмайди. Лекин халқнинг юзи ҳисобланган матбуотда чиқиб икки хил тилда гапириб мошхўрда қилгандан кўра давлат тилида гапириш керак. Керак эмас шарт. Гапириш қўлидан келмаса таржима қилиниб кадр орти овоз берилгани яхши. Футбол шарҳи жонли эфир эмаску. Ҳасанали ота сиз ярим йўлдан қайтманг ҳеч бўлмаса давла тилида гапиришни ўрганайлик. |
FAMOUS |
Сана: 07.02.2014 04:56. FAMOUSга ёзиш |
+0; -0
|
Уят. Шарманда!!!Ислом Ахмедов 1961 йил 8 ноябрда Душанбе шахрида тугилган экан. Отаси Абид эмас, Исмаил Ахмедов тожик миллатига мансуб, Тошкент шахрига доимий яшашга утган экан. Онаси рус, отаси тожик, кандай килиб Узбек деб аталиши мумкин? Бир ярим ой олдин, яъни 2013 йили декабрда И. Ахмедов она юрти Душанбега бориб, футбол семинарида катнашиб, тожик футболини кутаришга ёрдам беришини айтади. Семинарда Марказий Осиёда якка чемпионат утказиш таклифи билан чиккан. Айни уша пайтда онаси казо килганини эшитиб, Тошкентга кайтди. Бир ярим ой олдин онаси вафот этган инсонга таъзия билдириш урнига, гийбатини килиб утирибмиз. Э гап йук! Ман хакикат булса кулмокчи эдим, йук, бутта куладиган жойи йук экан.Сила бемалол дальше давом этвурила, узбекни ошини еганми узбекча гапирсин, тугрими?Узр, ман бутта ортикчаман. Силага халакит килмайман. Омадингларни берсин. Дода сиз хам умриз узок булсин, доим саломат юринг.
|
FAMOUS |
Сана: 07.02.2014 02:50. FAMOUSга ёзиш |
+0; -0
|
Хаммасиданам кулгули булиши, узи И. Ахмедов узбекмикин? Шу жойига шубха кетди )). Узбекча исм фамилияли тожик, татар, догистон, озарбайжонлар хам борку. Косим Давлатов, Шерзод Шохалилов, Хамид Илёсов, Максуд Алиев... ва хоказо. Шу исм фамилиялар юкоридаги барча миллатда бор. Агар И. Ахмедов хам узбек булмай чикса отахон роса шарманда буласиз )). Боз устига Ахмедов фамилияси озарбайжонларда кенг таркалган. Ман санаган миллатларнинг баридан Узбекистон фукаролари бор. Ман бир суриштириб кураман И. Ахмедовнинг миллатини ). Бу нарса унинг отасининг исмидан кейин хаёлимга кеб колди. Обид ака эмас, Абид ака дейилмокда. Жудаям кизик ))
|
FAMOUS |
Сана: 06.02.2014 22:18. FAMOUSга ёзиш |
+0; -0
|
.MANUBARSA. Ошна, проблема йук. Хаммаси жойида. Яхши муомала билан эътироз билдирганиз учун рахмат. Чунки манам хеч кимни хакорат килмадим.СССР ва хозирги пайтни курсатиб айни муддаони келтирибсиз. И. Ахмедов катта киши, 53 ёш. Табиийки, у рус менталитети хукм сурган даврда яшаган. Болалигидан русча тарбия олиб келган. Онани айблаш керакми? Боласига уз тилида тарбия бергани учунми? Абид аканиям айтдим, зиёли одам, рус коллективида ишлаган. Аёли билан хам русча гаплашган. Билмайману, балки Абид ака хам рус оиласида тарбия топгандирлар балки. Кейип сал адашибман, Военкомат эмас, Воен городок деб номланган махаллада яшашган экан. У ерда деярли хамма рус булган. Демак, И. Ахмедов хам рус тенгкурлар билан рус мактабида усиб укиган. У пайтлар шунака булган. Хозир бошкача. Куп нарса миллийлаштирилган. Уша пайт билан хозирги вактни анча фарки бор. И. Ахмедов узбекчани яхши билади, олдига бориб гаплашинг, хеч муаммосиз узбекча гаплашади. Талаффузни хисобга олмаса. У киши ТВ да чикиб интервью бермокчида, бироз тутилиб унгайсизланмаслик учун, русча гапиришни афзал билгандир балки. Буни сиз, ман ва отахон билмаймизку. Яна бир мисол, шахсан ман бир-икки йил олдин бир яхши тадбирда катнашдим, ТВ ходимлари мандан интерьвю олмокчи булиб, рус тилида сузлашимни илтимос килишди. Худога шукр, русчадан озгина хабарим булса хам, узбекча гапиришни афзал билдим. Чунки эфир пайтида хаяжонми, ё бошками, ишкилиб тутилиб колсам кулги булмай дегандим. И. Ахмедов хам балки шу омилни хисобга олгандир.Бундан ташкари, И. Ахмедов куп вакт хозирги мустакил юртимизда яшамади. Олисда ишлади. Отахон, инглизчани урганибдику дебдилар. Урганадиде, четда ишлаганюан кейин. Мана сиз хам айтяпсиз, отахон русча нашрда ишлардилар деб. Албатта, шароит шуни такозо этади. Русчани билмасалар, перспектива учун хмм урганадилар.
|
XASANALI |
Сана: 06.02.2014 20:22. XASANALIга ёзиш |
+0; -0
|
Азизларим,
Инсон шахсиятига тегманг, инсон буюк нарса. Сизу биз футболимизга нима қилиб қўйдикки, уларни ҳақорат қиламиз? Уйда ёнбошлаб еврофутболни кўрамиз. Стадионга бориб, 8 февраль куни йигитларга далда бўлишга эринамизу, бошқалардан айб қидирамиз. Футболимиз равнақи деб бирлашиш пайти келган, ҳақорат пайти эмас. |
XASANALI |
Сана: 06.02.2014 20:21. XASANALIга ёзиш |
+0; -0
|
FAMOUS ники остидани азиз ватандошим,
Сиз каби мен ҳам Ислом Аҳмедовни ҳурмат қиламан. Агар ўзбек футболида 3 нафар заковатли инсон бор бўлса, бири Исломдир. Уни оқлаб айтган гапларингизга эътиорз билдирмайман. Ўзбек маҳалласида ўсиб-улғаймаган дейсиз. Инглиз маҳалласида ҳам ўсмаган-ку, дейишим мумкин. Инглиз тилини бунчалик мукаммал билади. Лекн демайман. Ҳинд халқида бир-биридан узоқ 6та тил мавжуд. Ўз тилини билган ҳолда, давлат тилини билишмайди, демоқдасиз. Ўша халқлар ўзаро, яъни миллатлараро, турли маданиятлараро кескинликда яшаб келишмоқда. Ҳинд тили ўтмишимиздаги рус тили каби ўзга тилларга нисбатан устувор бўлгани учун ўз халқининг ғурурини ҳимоя қилайин деб ҳин тилида эмас, инглиз тилида гаплашадилар. Тамил тили ва маданияти ҳиндларникидан катта фарқ қилади. Бу келтирган мисолингиз мутлақ тўғри келмайди, дейишим мумкин, лекин демайман. Бошқа муҳим мулоҳазам бор. Ўтмишда рус тилида гаплашиш мартаба эди. Мансаб эгаллаш, раҳбар бўлиш услуби эди. Москвада ўқиш, ишлаш, яшаш лавозимни оширар эди. Фан, санъат арбобларининг фарзандлари рус мактабида ўқишар эди. Акмал Икромов ўзбек аёлидан ажралиб, рус хотинига уйланган эди. Усмон Юсупов ҳам, Гули Ҳамроева ўзбек тилида гаплаша олмаслигини биламиз. Буюк санъат арбобининг қизи-я! Қулликдан эзилмаганлар бугунги ҳурриятга завол бўлишмоқда. Санъаткор аҳволи шундай бўлса, футболчида не айб дейсизми? Ўзбек балети эмас, футбол халқ ўйинидир. Ўйинга ғалабага зиғирча омад етишмади, деймиз. Йўқ, бир мисқол ғурур етишмай қолади. Юрт учун, халқ учун ғурур етишмай қолади. Футбол миллатпарварлик туйғуси билан ватанпарварлик байроғи остида бирлашиш имконини ҳаммага бергувчи буюк нарсадир. Азиз жигарим, мени тўғри тушунинг. Сиз менинг миллатдошимсиз. |
STBURGUT |
Сана: 06.02.2014 17:47. STBURGUTга ёзиш |
+0; -0
|
FAMOUS |
Сана: 06.02.2014 04:21. FAMOUSга ёзиш |
+0; -0
|
Лев Толстой: - «Сколько в нем красоты и грации, сколько сильного молодого чувства и силы!»
|
FAMOUS |
Сана: 06.02.2014 00:55. FAMOUSга ёзиш |
+0; -0
|
Дода, нима кипти русча гапирса? Уни кимлигини биласизми узи? Олдин яхшилаб суриштиринг, кейин гапиринг. И. Ахмедовнинг онаси рус аёл, Марина Скворцова. Узбек кишига турмушга чиккан. Абид Ахмедов, у киши архитектор ёки конструктор, рус давраси йигилган корхонада ишлаган. Уша пайтларда Военкомат деб номланган рус махаллада яшашган. Уйда хам факат русча мулокот булган. Боз устига собик иттифок даврида рус тили биринчи тил булган. Хуш нима кипти узига кулай тилда гапирса? Энди сиз деб узбекчани ургансинми? Беихтиёр оммани саводсиз деб курсатиб куйяпсизку. У одам билади узбекчани, лекин хижжалайди. Нима килади узини кийнаб? Хиндистонда панжоб халки бор, аксарияти хинд тилини билмайди, Покистонда Балучистон деган улка бор, улар хам Покистон давлат тили урдуни билмайди. Энди улар давлат тилини оиласида талкин килмаган булса айбдор саналадими? Дода лекин, билмадиму, бир чеккадан туриб тош отишни яхши кураркансиз. Шу юрт фидойиси экансиз, нима каромат курсатгансиз шу жамият учун. Мактаниш хисобламаймиз, гапиринг, ибрат учун. Уйлашимча Зилзила булса, биринчи булиб эшикка узингизни урсангиз керак. Бу айб эмас дода, инсон рухияти хар хил вояга етган булади. Саломат булинг.
|
NOZIMBEK |
Сана: 05.02.2014 22:21. NOZIMBEKга ёзиш |
+0; -0
|
Анави Акрамови хам Ахмедови хам билади узбекчани билганда хам жуда яхши билади.Ахир узбекни боласику...факат гапиришни узига ор деб билади.Санаткорларда хам бор 1,2 таси Лола,Муниса Ризаева ва бошкалар.
|
KAKASTAD |
Сана: 05.02.2014 22:03. KAKASTADга ёзиш |
+0; -0
|
Agar qo'limda bo'lsaydi rus tilida doimiy gapiradigan o'zbeklarni tilini sug'urib olardim. Akramovga o'xshagan itlarni albatta. O'zbekcha gapirishni o'ziga or bilib,lekin O'zbek futboli haqida jon kuydirmoqchi bo'ladi,lekin ularni maqsadi puldan o'zga narsa emas. O'zbek futboli ham ular uchun bir tiyin
|
GOLBOLSIN |
Сана: 05.02.2014 20:03. GOLBOLSINга ёзиш |
+0; -0
|
Haqiqatan, futbolimizda tafakkur qiladiganlar o'z ona tilimizda fikrlay olmaydilar. Bahonasi, ularning rusiyzabonlardan ta'lim olgani, ayniqsa, futbol tili bizda doim rus tili bo'lganligi. Ammo kasb, tirikchilik taqozosi deb ingliz tilini o'rgansayu, ona tilida ikki og'iz salmoqli gap gapirolmasa ham juda uyat-da.
|
KINGISBACK |
Сана: 05.02.2014 18:54. KINGISBACKга ёзиш |
+0; -0
|
Хасанали отани бу кўтарган мавзусига юз фоиз қўшиламан. Шу юртда яшаб, тузини еган инсон ,тилини билиши керак,айниқса ўзбек бўлса, мажбур.Ётубда кўрган бўлсанглар керак Алишер Усмонов Россия мукофотини олган пайтида Путинни олдида хеч иккиланмай ман ўзбекман ва бундан ғурурланаман деганини.
|
NOZIMBEK |
Сана: 05.02.2014 18:34. NOZIMBEKга ёзиш |
+0; -0
|
Акрамов,Ахмедов....буларни хаммасини йукотиш кк,текинхурлар.Футболимизни факат бугади булар.Рус тилини 30% билмайдию яна уз тилини билмасмиш.
|
NOZIMBEK |
Сана: 05.02.2014 18:33. NOZIMBEKга ёзиш |
+0; -0
|
Акрамов,Ахмедов....буларни хаммасини йукотиш кк,текинхурлар.Футболимизни факат бугади булар.Рус тилини 30% билмайдию яна уз тилини билмасмиш.
|
ALBARS |
Сана: 05.02.2014 16:52. ALBARSга ёзиш |
+0; -0
|
Ўзбекистонда яшаб ўзбек тилини билмайдиган инсонларни , шахсан мен, ким бўлишидан қаътий назар ватанимизни ва халқимизни ҳурмат қилмайдиганлардан деб биламан.
|
OSKARKANN |
Сана: 05.02.2014 12:20. OSKARKANNга ёзиш |
+0; -0
|
Хасанали отанинг ичида дард кўп. Акрамовни ёзинг. Футбол шархида чиқишини кўрдим. Бу одам футболни тушунмайди шекилли.Яна проффессормиш.Ўзини оқлаш учун шунча ёлғонни гапирди-а.Афиристлик бўйича "академик" экан. Манфаат учун шунчалик без бет бўладими одам?
|
МУАЛЛИФНИНГ БОШҚА МАҚОЛАЛАРИ
- Гапнинг қисқаси ҳам шу...
- Келиб кетишми ё...
- Лукакуда аламим бор маним
- Гапнинг қисқаси ҳам...
- Евро-2020 дастурхони (2-қисм)
- Евро-2020 дастурхони
- Узр айтиш истаги билан
- Карантин дастурхони (5-қисм)
- Карантин дастурхони (4-қисм)
- Карантин дастурхони (3-қисм)
- Карантин дастурхони (2-қисм)
- Карантин дастурхони
- Ҳамдард одам жавоблари (2-қисм)
- Ҳамдард одам жавоблари
- Қурама гаплар (4-қисм)
- Қурама гаплар (3-қисм)
- Қурама гаплар (2-қисм)
- Қурама гаплар (1-қисм)
- Борига шукр (7-қисм)
- Борига шукр (6-қисм)
- Борига шукр (5-қисм)
- Борига шукр (4-қисм)
- Борига шукр (3-қисм)
- Борига шукр (2-қисм)
- Борига шукр
- Четдан туриб гапириш (2-қисм)
- Четдан туриб гапириш
- Мақола ҳақида мақола
- Бир жумла гап таҳлили
- Яна ўша дастурхонми? (4-қисм)
- Яна ўша дастурхонми? (3-қисм)
- Яна ўша дастурхонми? (2-қисм)
- Яна ўша дастурхонми?
- Бир мақола зангидаги гаплар
- Ғоябардорлик (4-қисм)
- Ғоябардорлик (2-қисм)
- Ғоябардорлик
- «Тўй»га келган чолнинг Мундиал ҳақидаги гаплари
- Шукрона гапларим. 4.
- Шукрона гапларим
- Бир мақола астарини очиб (2-қисм)
- Бир мақола астарини очиб
- Одобни билмаган гапларим
- Эски гапни судраш
- Эртакка муҳтож бўлган эртак
- Хуш кўрдик
- Футбол ичра руҳиятми ё ... руҳоният?
- Терма жамоамиз бош мураббийига очиқ хат (3-қисм)
- Терма жамоамиз бош мураббийига очиқ хат (2-қисм)
- Терма жамоамиз бош мураббийига очиқ хат
- Ҳар ишда ўзаро ишонч муҳим
- Чўзилиб кетган йил боши гаплар
- Мираброр акамга айтар янги йил тилакларим (2-қисм)
- Мираброр акамга айтар янги йил тилакларим
- Дарбадарлик
- Футболимиз афсонаси (3-қисм)
- Футболимиз афсонаси (2-қисм)
- Футболимиз афсонаси
- Жавоб ўрнида айтганларим
- «Дастурхон»ни на қилай (2-қисм)
- «Дастурхон»ни на қилай
- Эски тоғора, эски гап
- Ўхшамаган ишлар
- Мен ҳам бир оз Бабаян эканман
- Олди-қочди гаплар
- Икки ўйин достони
- Футбол ва икки сўз тасвири
- Муносабат билдириш
- Ошдан кейинги ош. 2-қисм
- Ошдан кейинги ош
- Филиппин олдидан. 2-қисм
- Филиппин олдидан
- Дастурхонни қўмсаб
- Футбол манзараси
- Саҳифалар сийрати
- Икки анжуманда икки хил манзара
- Эртага жанг. Бугун арафа
- Биз (футбол ҳаётида) Ўзбекистон бўла олайлик-5
- Биз (футбол ҳаётида) Ўзбекистон бўла олайлик-4
- Биз (футбол ҳаётида) Ўзбекистон бўла олайлик-3
- Биз (футбол ҳаётида) Ўзбекистон бўла олайлик-2
- Биз (футбол ҳаётида) Ўзбекистон бўла олайлик
- Айтган ва айтолмаган гапларим («Локомотив» футболчилари билан учрашув ҳақида)
- Нима иш қилиб қўйганини ўзи билармикан? (3-қисм)
- Нима иш қилиб қўйганини ўзи билармикан? (2-қисм)
- Нима иш қилиб қўйганини ўзи билармикан?
- Эшон-жарчи ҳақида эртак
- Дастурхон атрофидаги гаплар (2-қисм)
- Дастурхон атрофидаги гаплар
- «Дастурхон»га айланиб кетган оддий баҳс (якуний қисм)
- «Дастурхон»га айланиб кетган оддий баҳс (2-қисм)
- «Дастурхон»га айланиб кетган оддий баҳс (1-қисм)
- Дастурхон-3
- Нодиржон Маматқуловга очиқ хат (2-қисм)
- Нодиржон Маматқуловга очиқ хат (1-қисм)
- Икки эшик оралиғидаги гаплар (Вадим Абрамов билан суҳбат). 2-қисм
- Икки эшик оралиғидаги гаплар (Вадим Абрамов билан суҳбат)
- Жавоби бор жавоб
- В догонку за ушедшим поездом (2-я часть)
- В догонку за ушедшим поездом
- Аксириш (6-қисм)
- Аксириш (5-қисм)
- Открытое письмо руководству «Локомотива»
- Аксириш (4-қисм)
- Аксириш (3-қисм)
- Аксириш (2-қисм)
- Аксириш (1-қисм)
- «Дастурхон»га билдирилган муносабатлар
- ДАСТУРХОН-3 (давоми)
- «Дастурхон-3»
- Юз доллар ҳикояти (давоми-4)
- Юз доллар ҳикояти (давоми-3)
- Юз доллар ҳикояти (давоми-2)
- Юз доллар ҳикояти (давоми)
- Есть о чём поговорить
- Юз доллар ҳикояти (давоми)
- Юз доллар ҳикояти
- V. Замонлар чоғишмаси («Консультатив» таҳлил). 2-қисм
- V. Замонлар чоғишмаси («Консультатив» таҳлил). 1-қисм
- Мавсум оралиғидаги «жанглар»
- 4. Замонлар чоғишмаси (ёки корхона тасвири). 4-қисм
- 4. Замонлар чоғишмаси (ёки корхона тасвири). 3-қисм
- Салом алик билан тўкис
- 4. Замонлар чоғишмаси (ёки корхона тасвири). 2-қисм
- 4. Замонлар чоғишмаси (ёки корхона тасвири). 1-қисм
- 7-қисм. Замонлар чоғишмаси ёки (Ислом Аҳмедовга ўтинчим бор)
- 6-қисм. Замонлар чоғишмаси (техникапарвар Рустам Акрамов)
- 5-қисм. Замонлар чоғишмаси ёки (Ислом Аҳмедовга ўтинчим бор)
- 4-қисм. Замонлар чоғишмаси (ёки Асқар Толибжонов билан хаёлий суҳбат)
- 3-қисм. Замонлар чоғишмаси (ёки Асқар Толибжонов билан хаёлий суҳбат)
- 2-қисм. Замонлар чоғишмаси (Фарҳод Магометовга очиқ хат)
- 1-қисм. Замонлар чоғишмаси (ёки бугунги футбол сабоқлари)
- 6. Ўтмишни эслаб, келгусини қумсаб (очиқ хатнинг давоми)
- 5. Етти ўлчаб, бир гапириш (очиқ хатнинг давоми)
- 4. Мажлисдан олдин ва кейин (очиқ хатнинг давоми)
- 3. Мажлисдан олдин ва кейин (очиқ хатнинг давоми)
- 2. Йўл бошидаги гаплар (ЎФФ президенти Мираброр Усмоновга атаб ёзилган очиқ хат)
- Узр ўрнида айтганим (1-қисм)
- Ғариб дастурхон (футбол ва «гастербайтер»). 4-қисм
- Ғариб дастурхон («Бозор» ва маош). 3-қисм
- Ғариб дастурхон («Мойиллик»). 2-қисм
- Ғариб дастурхон (Тарсаки). 1-қисм
- Билмадим... Билолмадим... (Сўнгги туғён). 5-қисм
- Билмадим... Билолмадим... (Сўнгги туғён). 4-қисм
- Билмадим... Билолмадим... (Р.Т.Инилеевнинг хос суҳбати). 3-қисм
- Билмадим... Билолмадим... (Рустам Акрамов гапирсин). 2-қисм
- Билмадим... Билолмадим... (олий бош қўмондон ким?). 1-қисм
- Ғийбат эмас
- Орқада қолгувчи ўйлар
- Коса синмасин
- Футбол сурати ва сийрати
- «Авария» олдини олиш
- Тарафкашлик
- Ишқибозчилик
- Бор йўғи футбол
- Руҳият уммони
- Бобомурод Абдуллага...
- Бир бутуннинг синиқлари
- Борим ҳам, йўғим ҳам футбол - 5
- Борим ҳам, йўғим ҳам футбол-4: Йигирмагача санашни биламан
- Борим ҳам, йўғим ҳам футбол - 3
- Борим ҳам йўғим ҳам футбол 2
- БОРИМ ҲАМ, ЙЎҒИМ ҲАМ ФУТБОЛ
- «Хабарлар»дан хабарлар
- Очилиш
- Мамат-ака ёки икки томчи ёш . (бадиҳа)
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги